ലോക പരിസ്ഥിതി ദിനാചരണത്തോടനുബന്ധിച്ച് സഹകരണ വകുപ്പ് നടപ്പാക്കി വരുന്ന ഹരിതം സഹകരണം പദ്ധതിയുടെ ഇടുക്കി ജില്ലാതല ഉദ്ഘാടനം മണക്കാട് സര്‍വ്വീസ് സഹകരണ ബാങ്ക് ഓഡിറ്റോറിയത്തില്‍ സംഘടിപ്പിച്ചു.
തൊടുപുഴ സര്‍ക്കിള്‍ സഹകരണ യൂണിയന്‍ ചെയര്‍മാന്‍  വി.വി. മത്തായിയുടെ അദ്ധ്യക്ഷതയില്‍ ഇടുക്കി ജില്ലാ ജോയിന്റ് രജിസ്ട്രാര്‍ (ജനറല്‍) എസ്. ഷേര്‍ലി ഉദ്ഘാടന കര്‍മ്മം നിര്‍വ്വഹിച്ചു.
 
പരിസ്ഥിതി സംരക്ഷണത്തിനായി സംസ്ഥാന സര്‍ക്കാര്‍ തുടക്കം കുറിച്ച ഹരിത കേരളം പദ്ധതിയുടെ ഭാഗമായി സാമൂഹ്യ വനവത്ക്കരണത്തിലൂടെ പരിസ്ഥിതി സംരക്ഷണം എന്ന ലക്ഷ്യം നേടിയെടുക്കുന്നതിനായി

പരിസ്ഥിതി ദിനചാരണത്തിന്റെ ഭാഗമായി ജില്ലായുവജന കേന്ദ്രത്തിന്റെ ആഭിമുഖ്യത്തില്‍  രാജകുമാരിയില്‍ പ്രാഥമിക ആരോഗ്യ കേന്ദ്ര ശുചീകരണവും വൃക്ഷതൈ നടീലും സംഘടിപ്പിച്ചു. രാജക്കാട്, രാജകുമാരി പഞ്ചായത്ത് യൂത്ത് സെന്ററുകളിലെ യുവജന സന്നദ്ധ സേനപ്രവര്‍ത്തകര്‍ സംയുക്തമായാണ് രാജകുമാരി പ്രാഥമിക ആരോഗ്യ കേന്ദ്രം ശൂചീകരിച്ചത്. കൂടാതെ പരിസ്ഥിതി സംരക്ഷണത്തിന്റെ സന്ദേശം പകര്‍ന്ന് നല്‍കി വൃക്ഷ തൈ നടീലും സംഘടിപ്പിച്ചു.

ലോക പരിസ്ഥിതി ദിനത്തില്‍ പച്ചതുരുത്ത് പദ്ധതിക്ക് കഞ്ഞിക്കുഴി ഗ്രാമപഞ്ചായത്തില്‍ തുടക്കമായി. പ്രാദേശിക ജൈവവൈവിധ്യ സംരക്ഷണം ലക്ഷ്യമിട്ട് ഹരിതകേരളം മിഷനാണ് പദ്ധതി നടപ്പാക്കുന്നത്. പൊതുസ്ഥലങ്ങളുള്‍പ്പെടെ തരിശ് ഭൂമിയില്‍ തനതായ വൃക്ഷങ്ങളും സസ്യങ്ങളും നട്ടുപിടിപ്പിച്ച് പരിപാലിക്കുന്നതാണ് പച്ചതുരുത്ത് പദ്ധതി. കഞ്ഞിക്കുഴി  ഗവണ്‍മെന്റ് ഹൈസ്‌കൂള്‍ സ്റ്റുഡന്‍സ് പോലീസ് കേഡറ്റ്സും, നങ്കിസിറ്റി എസ്.എന്‍ ഹൈസ്‌കൂള്‍ എസ്.പി.സി യൂണിറ്റും  ഹരിതകേരളം മിഷന്റയും സഹകരണത്തോടെയാണ് പദ്ധതി നടപ്പിലാക്കിയത്.

പരിസ്ഥിതി സംരക്ഷണ സന്ദേശമുയര്‍ത്തി  രാജകുമാരി പഞ്ചായത്തിന്റെയും വനംവകുപ്പിന്റെയും കൃഷിഭവന്റെയും സംയുക്താഭിമുഖ്യത്തില്‍ പരിസ്ഥിതി ദിനം ആചരിച്ചു. മുതുവാക്കുടിആദിവാസി കോളനിയില്‍ മരത്തൈ നട്ട് പരിസ്ഥിതി ദിനാചരണം ഗ്രാമപഞ്ചായത്ത് പ്രസിഡന്റ് ടിസ്സി ബിനു ഉദ്ഘാടനം ചെയ്തു. മുതുവാക്കുടി കോളനിയില്‍ നാലായിരത്തോളം വൃക്ഷത്തൈകള്‍ നട്ടു പരിപാലിക്കുന്ന പഞ്ചായത്ത്തല പദ്ധതിക്കും പരിസ്ഥിതി ദിനത്തില്‍ തുടക്കം കുറിച്ചു. വനം വകുപ്പ് നല്‍കിയ ഫലവൃക്ഷത്തൈകള്‍ തൊഴിലുറപ്പ് പദ്ധതിയില്‍ ഉള്‍പ്പെടുത്തിയാണ് മുതുവാക്കുടിയില്‍ നടുന്നത്. പഞ്ചായത്ത് അങ്കണത്തിലും ഘടക സ്ഥാപനങ്ങളിലും പരിസ്ഥി ദിനത്തിന്റെ ഭാഗമായി വൃക്ഷതൈകള്‍ നട്ടു.

ജില്ലയില്‍ വിനോദസഞ്ചാര വകുപ്പില്‍ കുക്ക് (കാറ്റഗറി നം. 305/2015) തസ്തികയ്ക്കായി 2017 മാര്‍ച്ച്  29 ന് നിലവില്‍ വന്ന എന്‍.സി.എ. റാങ്ക് പട്ടികയില്‍ നിന്നും  ഈഴവ/തിയ്യ/ബില്ലവ വിഭാഗത്തിനായുള്ള പട്ടികയുടെ കാലാവധി പ്രകാരമുള്ള എല്ലാ ഒഴിവുകളും നികത്തപ്പെട്ടതിനാല്‍ റാങ്ക് പട്ടിക 2018 സെപ്തംബര്‍ 20 മുതല്‍ പ്രാബല്യത്തിലില്ലാതായതായി പി.എസ്.സി. ജില്ലാ ഓഫീസര്‍ അറിയിച്ചു.

ജില്ലയില്‍ സാങ്കേതിക വിദ്യാഭ്യാസ വകുപ്പില്‍ ട്രേഡ്സ്മാന്‍ (ഇന്‍ഫര്‍മേഷന്‍ ടെക്നോളജി) (കാറ്റഗറി നം. 561/2013) തസ്തികയ്ക്കായി 2016 ഡിസംബര്‍ ഒന്നിന് 780/16/ഡിഒപി നമ്പരായി നിലവില്‍ വന്ന റാങ്ക് പട്ടികയുടെ കാലാവധി പൂര്‍ത്തിയായതിനാല്‍ 2019 ഡിസംബര്‍ ഒന്ന് മുതല്‍ പ്രാബല്യത്തിലില്ലാതായതായി പി.എസ്.സി. ജില്ലാ ഓഫീസര്‍ അറിയിച്ചു.

കേരള ഓട്ടോമൊബൈല്‍ വര്‍ക് ഷോപ്പ് തൊഴിലാളി ക്ഷേമനിധി പദ്ധതിയില്‍ അംഗത്വം എടുത്ത ശേഷം അംശാദായം ഒടുക്കുന്നതില്‍ മുടക്കം വരുത്തിയിട്ടുള്ള എല്ലാ തൊഴിലാളികള്‍ക്കും സെപ്റ്റംബര്‍ 30 വരെ അംശാദായം ഒടുക്കുന്നതിന് അവസരമുണ്ടായിരിക്കുമെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു. കൂടുതല്‍ വിവരങ്ങള്‍ക്ക് 0491 2547437.

മലമ്പുഴ ഗ്രാമപഞ്ചായത്തിലെ മഹാത്മാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയില്‍ അഡീഷണല്‍ ഓവര്‍സിയര്‍ തസ്തികയിലേയ്ക്ക് നിയമനം നടത്തുന്നു. ഡിപ്ലോമ/ ഐ.ടി.ഐ സിവില്‍ യോഗ്യതയുള്ളവര്‍ സര്‍ട്ടിഫിക്കറ്റിന്റെ അസ്സല്‍ സഹിതം ജൂണ്‍ 16ന് രാവിലെ 11ന് കൂടിക്കാഴ്ചയ്ക്ക് ഹാജരാകണമെന്ന് സെക്രട്ടറി അറിയിച്ചു. കൂടുതല്‍ വിവരങ്ങള്‍ക്ക് പഞ്ചായത്ത് ഓഫീസുമായി ബന്ധപ്പെടുക.