എറണാകുളം ജില്ലയിൽ ക്ഷീരവികസന വകുപ്പിന്റെ 2020-21 വർഷത്തെ തീറ്റപ്പുൽകൃഷി വികസന പദ്ധതി, മിൽക്ക്ഷെഡ് വികസന പദ്ധതി എന്നിവയിലെ വിവിധഘടകങ്ങൾക്കായി താല്പര്യമുള്ള കർഷകരിൽനിന്നും അപേക്ഷ ക്ഷണിക്കുന്നു. അപേക്ഷാഫോറത്തിനും വിശദ വിവരങ്ങൾക്കുമായി ബ്ലോക്കുതലത്തിൽ പ്രവർത്തിക്കുന്ന ക്ഷീരവികസന യൂണിറ്റുകളെ  സമീപിക്കാവുന്നതാണ്. അപേക്ഷ സ്വീകരിക്കുന്ന അവസാന തീയതി 15.06.2020.

പുനര്‍ഗേഹം പദ്ധതിയില്‍ ഉള്‍പ്പെടുത്തി 2020-21 സാമ്പത്തിക വര്‍ഷം  എറണാകുളം ജില്ലയില്‍ 6 പ്രൊജ്ക്ട് മോട്ടിവേറ്റര്‍മാരെ മത്സ്യഗ്രാമ അടിസ്ഥാനത്തില്‍ കരാര്‍ വ്യവസ്ഥയില്‍ നിയമിക്കുന്നതിനായി മത്സ്യത്തൊഴിലാളികളുടെ മക്കളും എറണാകുളം ജില്ലയില്‍ സ്ഥിര താമസക്കാരുമായ ഉദ്യോഗാര്‍ത്ഥികളില്‍ നിന്നും അപേക്ഷ ക്ഷണിക്കുന്നു.  താല്പര്യമുളള ഉദ്യോഗാര്‍ത്ഥികള്‍ ബയോഡാറ്റ സഹിതം എറണാകുളം (മേഖല) ഫിഷറീസ് ഡെപ്യൂട്ടി ഡയറക്ടറുടെ കാര്യാലയത്തില്‍ അപേക്ഷ സമര്‍പ്പിക്കേണ്ടതാണ്.  12/06/2020 വൈകുന്നേരം 5 മണി വരെ അപേക്ഷ സ്വീകരിക്കുന്നതായിരിക്കും.            

     
പ്രായം

22 നും 45 നും മദ്ധ്യേ

 എറണാകുളം:  ട്രോളിങ്ങ് നിരോധന കാലയളവില്‍ തൊഴില്‍ രഹിതരാകുന്ന യന്ത്രവല്‍കൃത ബോട്ടുകളിലെ മത്സ്യത്തൊഴിലാളികള്‍ക്കും, ഫിഷിങ്ങ് ഹാര്‍ബറുകളിലെ അനുബന്ധ തൊഴിലാളികള്‍ക്കും, പീലിംങ്ങ് തൊഴിലാളികള്‍ക്കും സൗജന്യറേഷന്‍ ലഭിക്കുന്നതിനായി അപേക്ഷയും, സാക്ഷ്യപത്രവും, അതാതു മത്സ്യഭവനുകളിലോ, ഫിഷറീസ് ഡെപ്യൂട്ടി ഡയറടര്‍ ആഫീസിലോ, വൈപ്പിന്‍ ഫിഷറീസ് അസിസ്റ്റന്‍റ് ഡയറക്ടറുടെ ആഫീസിലോ ജൂണ്‍ 30-ാം തീയതിക്കകം, നല്‍കേണ്ടതാണ്. അപേക്ഷയോടൊപ്പം ക്ഷേമനിധി പാസ്സ് ബുക്കിന്‍റെ പകര്‍പ്പ്, റേഷന്‍കാര്‍ഡ് പകര്‍പ്പ് (എ.ആര്‍.ഡി നമ്പര്‍ 

എറണാകുളം: കൊച്ചി നഗരത്തിലെ വെള്ളക്കെട്ട് ഒഴിവാക്കുന്നതിനായി ജില്ലാ ഭരണകൂടം നടപ്പിലാക്കുന്ന ഓപ്പറേഷന്‍ ബ്രേക്ക് ത്രൂവിന്റെ രണ്ടാംഘട്ട പ്രവര്‍ത്തനങ്ങളുടെ ഭാഗമായി  തേവര കായല്‍മുഖത്തെ എക്കല്‍ നീക്കം അതിവേഗം പൂര്‍ത്തിയാകുന്നു. ഇവിടെ കൂടുതല്‍ യന്ത്രസാമഗ്രികള്‍ എത്തിച്ചാണ് പ്രവര്‍ത്തനങ്ങള്‍ ഊര്‍ജ്ജിതമായി നടത്തുന്നത്. 93 ലക്ഷം രൂപയാണ് തേവരകായല്‍മുഖത്തെ തടസങ്ങള്‍ മാറ്റുന്നതിന് ചെലവ് കണക്കാക്കുന്നത്. ഈ പ്രവര്‍ത്തനങ്ങള്‍ അന്തിമഘട്ടത്തിലാണ്.

ഇന്‍റഗ്രേറ്റഡ് കമാന്‍റ്-കണ്‍ട്രോള്‍-കമ്യൂണിക്കേഷന്‍ സെന്‍ററും സൗരോര്‍ജ പദ്ധതിയും കൊച്ചിയിലെ ജനജീവിതത്തെ കൂടുതല്‍ സുഗമമാക്കുമെന്ന് മുഖ്യമന്ത്രി പിണറായി വിജയന്‍ പറഞ്ഞു. ഇത് സേവനരംഗത്തെ കൂടുതല്‍ സുതാര്യവും ഫലപ്രദവുമാക്കും. പദ്ധതികളുടെ ഓണ്‍ലൈന്‍ ഉദ്ഘാടനം നിര്‍വഹിച്ചു സംസാരിക്കുകയായിരുന്നു മുഖ്യമന്ത്രി.

•    ജില്ലയിൽ ഇന്ന് 3 പേർക്ക് കൂടി കോവിഡ് സ്ഥിരീകരിച്ചു.

•    മെയ് 31 ന് നൈജീരിയ  കൊച്ചി വിമാനത്തിലെത്തിയ 55 വയസ്സുള്ള ചെന്നൈ സ്വദേശിയാണ് രോഗം സ്ഥിരീകരിച്ച ഒന്നാമത്തെയാൾ.

•    മെയ് 26 ന് കുവൈറ്റ് കൊച്ചി വിമാനത്തിലെത്തിയ 35 വയസ്സുള്ള എടത്തല സ്വദേശിനിയാണ്  രോഗം സ്ഥിരീകരിച്ച രണ്ടാമത്തെയാൾ. 

•    ജൂൺ ഒന്നിന് അബുദാബി  കൊച്ചി വിമാനത്തിലെത്തിയ 27 വയസ്സുള്ള തുറവൂർ അങ്കമാലി സ്വദേശിയാണ് രോഗം സ്ഥിരീകരിച്ച മൂന്നാമത്തെയാൾ. ഇവരെല്ലാവരും തന്നെ സ്ഥാപനനിരീക്ഷണത്തിലായിരുന്നു. രോഗം സ്ഥിരീകരിച്ചതിനെ തുടർന്ന് കളമശ്ശേരി മെഡിക്കൽ കോളേജിൽ പ്രവേശിപ്പിച്ചു. 

എറണാകുളം: ജില്ലയിലെ മുഴുവൻ വിദ്യാർത്ഥികൾക്കും ചാനൽ വഴിയും ഓൺലൈൻ വഴിയും പഠന ക്ലാസുകൾ ലഭിക്കുന്നുണ്ടെന്ന് ഉറപ്പു വരുത്താൻ വാർഡ് തലത്തിൽ സമിതികൾ രൂപീകരിക്കാൻ ജില്ലാ കളക്ടർ എസ്.സുഹാസ് നിർദ്ദേശിച്ചു. കളക്ടറേറ്റിൽ നടന്ന ഓൺലൈൻ വിദ്യാഭ്യാസ അവലോകന യോഗത്തിൽ സംസാരിക്കുകയായിരുന്നു കളക്ടർ. 

എറണാകുളം: ജില്ലയിൽ മഴക്കാല മുന്നൊരുക്കങ്ങളുടെ ഭാഗമായി കൂടുതൽ രക്ഷാപ്രവർത്തന ഉപകരണങ്ങൾ അഗ്നിശമന സേന വിഭാഗങ്ങൾക്കായി എത്തിക്കുമെന്ന് ജില്ലാ കളക്ടർ എസ്.സുഹാസ്.  ആവശ്യമുള്ള തദ്ദേശ സ്ഥാപനങ്ങൾക്ക് വകുപ്പു വഴി സേവനം  പ്രയോജനപ്പെടുത്താം. പല തദ്ദേശ സ്ഥാപനങ്ങളും റസ്ക്യൂ ബോട്ടിൻ്റെ ആവശ്യം ഉന്നയിച്ചിട്ടുണ്ട്. ബോട്ടുകൾ വാങ്ങുന്നതിനുള്ള നടപടികൾ പുരോഗമിക്കുകയാണെന്നും കളക്ടർ അറിയിച്ചു. 
കളക്ടറേറ്റിൽ റോജി എം.ജോൺ എം എൽ എ യുടെ അധ്യക്ഷതയിൽ ചേർന്ന അങ്കമാലി മണ്ഡലത്തിലെ മഴക്കാല മുന്നൊരുക്കങ്ങളുടെ അവലോകന യോഗത്തിൽ സംസാരിക്കുകയായിരുന്നു കളക്ടർ. 

എറണാകുളം: ജില്ലയിലെ കോവിഡ് വ്യാപനം പരിശോധിക്കുന്നതിനായി ആന്റി ബോഡി പരിശോധനയ്ക്ക് തയാറെടുപ്പുകൾ പൂർത്തിയായി.

കളക്ടറുടെ അധ്യക്ഷതയില്‍ ചേര്‍ന്ന യോഗത്തില്‍ പരിശോധനയുടെ മാര്‍ഗനിര്‍ദേശങ്ങള്‍ ചര്‍ച്ച ചെയ്തു.   ജില്ലയിലാകെ അഞ്ഞൂറ് സാംപിളുകള്‍ ആണ് ആദ്യ ഘട്ടത്തില്‍ പരിശോധിക്കുന്നത്.  

ഡോ നിഖിലേഷ് മേനോന്‍, ഡോ ഗൗരി കൃപ എന്നിവര്‍ ആണ് സമൂഹ വ്യാപന പരിശോധനയുടെ നോഡല്‍ ഓഫീസര്‍മാര്‍. 

എറണാകുളം: അള്‍ട്രാ വയലറ്റ് രശ്മികള്‍ ഉപയോഗിച്ച് അണുനശീകരണം നടത്തുന്ന മള്‍ട്ടിപര്‍പ്പസ് ഡിസിന്‍ഫെക്ടന്റ് സംവിധാനം കളക്ടറേറ്റില്‍ സ്ഥാപിച്ചു. കേരള സ്റ്റാര്‍ട്ട് അപ്പ് മിഷനു കീഴിലുള്ള വി.എസ്.ടി മൊബിലിറ്റി സൊലൂഷ്യന്‍സ് വികസിപ്പിച്ച യു.വി സ്‌പോട്ട് ഉപകരണത്തിന്റെ ഉദ്ഘാടനം കളക്ടര്‍ എസ് സുഹാസ് നിര്‍വ്വഹിച്ചു. തിരുവനന്തപുരം ശ്രീചിത്ര ഇന്‍സ്റ്റിറ്റിയൂട്ട് ഓഫ് മെഡിക്കല്‍ സയന്‍സിന്റെ സാങ്കേതിക സഹായത്തോടു കൂടിയാണ് യൂ.വി സ്‌പോട്ട് വികസിപ്പിച്ചത്. അള്‍ട്രാ വയലറ്റ് സുരക്ഷിതമായ വിവിധ തരത്തിലുള്ള പാത്രങ്ങളില്‍ നിന്നും വസ്തുക്കളില്‍ നിന്നും അണുക്കളെ നീക്കം ചെയ്യാന്‍ യു.വി സ്‌പോട്ട് സഹായിക്കും.