തിരുവനന്തപുരം ആക്കുളം ഓട്ടോറിക്ഷാ പുന:പരിശോധനാ ക്യാമ്പിൽ ഫെയർമീറ്റർ മുദ്രപതിപ്പിച്ചിട്ടുളള ഓട്ടോറിക്ഷകൾ ഇനിമുതൽ കുമാരപുരത്തിന് സമീപത്തെ ഓഫീസിൽ മുദ്ര പതിപ്പിക്കണമെന്ന് ലീഗൽ മെട്രോളജി ഡെപ്യൂട്ടി കൺട്രോളർ അറിയിച്ചു. പുന:പരിശോധനക്കായി 8281972013 എന്ന നമ്പരിൽ ബന്ധപ്പെട്ട് തീയതി വാങ്ങണം. പുതിയ മീറ്റർ ഉളളവർ ബില്ല് സഹിതം ഓഫീസിൽ നേരിട്ടെത്തി തീയതി വാങ്ങണമെന്നും വകുപ്പ് അറിയിച്ചു.
പി.എൻ.എക്സ്. 2083/2020

മഴക്കാല ക്യാമ്പുകൾ തുറക്കാനും മറ്റ് അടിയന്തര ആവശ്യങ്ങൾക്കുമായി വില്ലേജ് ഓഫീസർമാർക്ക് 20,000 രൂപ വീതം അനുവദിക്കാൻ ജില്ലാ കളക്ടർമാർക്ക് അനുമതി നൽകി ഉത്തരവായി. അടിയന്തര ജോലി ചെയ്യുന്നവർക്കുള്ള റിഫ്രഷ്‌മെന്റിനും മഴയിൽ വീഴുന്ന മരങ്ങൾ നീക്കം ചെയ്യുന്നതിനും സമാനമായ മറ്റ് അടിയന്തര ആവശ്യങ്ങൾക്കും ഈ തുക വിനിയോഗിക്കാം. ജില്ലാ കളക്ടറേറ്റുകൾ, ആർ.ഡി. ഓഫീസ്, താലൂക്ക് ഓഫീസ്, ജനങ്ങൾ കൂടുതലായെത്തുന്ന റവന്യൂ വകുപ്പിന്റെ മറ്റ് ഓഫീസുകൾ എന്നിവിടങ്ങളിലേക്ക് ഇൻഫ്രാറെഡ് തെർമോമീറ്ററുകൾ മെഡിക്കൽ സർവീസസ് കോർപ്പറേഷനിൽ നിന്ന് വാങ്ങി വിതരണം തുടങ്ങിയതായി ലാന്റ് റവന്യൂ കമ്മിഷണർ അറിയിച്ചു.
പി.എൻ.എക്സ്. 2082/2020

മലമ്പുഴ 2 വില്ലേജിലെ കൊട്ടേക്കാട് സ്വദേശി കെ.എം സുകുമാരനില്‍ നിന്നും ഏറ്റെടുത്ത ഭൂമിയില്‍ 2020-2021 കാലയളവിലേക്ക് കൃഷി ചെയ്ത് വിളവെടുക്കുന്നതിനുള്ള അവകാശം ജൂണ്‍ 16 ന് രാവിലെ 11 ന് മലമ്പുഴ 2 വില്ലേജോഫീസില്‍ നടക്കുമെന്ന് തഹസില്‍ദാര്‍ (ഭൂരേഖ) അറിയിച്ചു. ബ്ലോക്ക് നമ്പര്‍ 37, പഴയ സര്‍വെ നമ്പര്‍ 206/4 സി (റീ സര്‍വെ നമ്പര്‍ 140) ല്‍ ഉള്‍പ്പെട്ട 17 സെന്റ് ഭൂമിയാണ് ഏറ്റെടുത്തിരിക്കുന്നത്.

മലമ്പുഴ 2 വില്ലേജ് സ്വദേശിനി കുള്ളച്ചിയില്‍ നിന്നും ഏറ്റെടുത്ത ഭൂമിയില്‍ 2020-2021 കാലയളവിലേക്ക് കൃഷി ചെയ്ത് വിളവെടുക്കുന്നതിനുള്ള അവകാശം ജൂണ്‍ 16 ന് രാവിലെ 11 ന് മലമ്പുഴ 2 വില്ലേജോഫീസില്‍ നടക്കുമെന്ന് തഹസില്‍ദാര്‍ (ഭൂരേഖ) അറിയിച്ചു. ബ്ലോക്ക് നമ്പര്‍ 37, പഴയ സര്‍വെ നമ്പര്‍ 206/4 സി (റീ സര്‍വെ നമ്പര്‍ 140) ല്‍ ഉള്‍പ്പെട്ട 1.05 ഏക്കര്‍ ഭൂമിയാണ് ഏറ്റെടുത്തിരിക്കുന്നത്.

കൊഴിഞ്ഞാമ്പാറ പെണ്‍കുട്ടികളുടെ ഗവ. പ്രീ-മെട്രിക് ഹോസ്റ്റലില്‍ 2020- 2021 അധ്യയന വര്‍ഷത്തേക്ക് പ്രവേശനത്തിന് അപേക്ഷ തീയതി ജൂണ്‍ 30 വരെ നീട്ടിയതായി ചിറ്റൂര്‍ ബ്ലോക്ക് പട്ടികജാതി വികസന ഓഫീസര്‍ അറിയിച്ചു. കോവിഡ് 19 രോഗബാധയുടെ പശ്ചാത്തലത്തിലാണ് തീയതി നീട്ടിയത്. കൂടുതല്‍ വിവരങ്ങള്‍ക്ക് ചിറ്റൂര്‍ ബ്ലോക്ക് പട്ടികജാതി വികസന ഓഫീസുമായി ബന്ധപ്പെടുക. ഫോണ്‍ : 8547630128.

മംഗലം ഡാം പൊലീസ് സ്റ്റേഷന്‍ പരിധിയില്‍ വീട്ടില്‍കടവ് സ്വദേശി സലിനെ (45) 2020 ജനുവരി 17 മുതല്‍ കാണ്മാനില്ലായെന്ന്  കാണിച്ചുളള
പരാതി ലഭിച്ചിട്ടുണ്ടെന്ന് സബ് ഇന്‍സ്പെക്ടര്‍ അറിയിച്ചു. ജോലി സ്ഥലത്തേക്ക് പോയി നാളിതുവരെ തിരിച്ചെത്തിയിട്ടില്ല. കാണാതാവുമ്പോള്‍ കാവിമുണ്ടും കാവിനിറത്തിലുള്ള ചെക്ക് ഷര്‍ട്ടുമാണ് ധരിച്ചിരുന്നത്. 160 സെന്റിമീറ്റര്‍ ഉയരമുണ്ട്. ഇരുനിറമാണ്. ഇദ്ദേഹത്തെ കാണുന്നവര്‍ 04922 262100, 9497980615 എന്ന നമ്പറില്‍ അറിയിക്കണമെന്ന് മംഗലം ഡാം സബ് ഇന്‍സ്പെക്ടര്‍ അറിയിച്ചു.

ഷോളയൂര്‍ പൊലീസ് സ്റ്റേഷന്‍ പരിധിയിലുള്ള കോട്ടത്തറ കാരയൂര്‍ സ്വദേശി നഞ്ചനെ (75) 2019 ഡിസംബര്‍ 24 മുതല്‍ കാണാതായതായി സബ് ഇന്‍സ്‌പെക്ടര്‍ അറിയിച്ചു. അന്നേദിസവം വീട്ടില്‍ നിന്നും ആരോടും പറയാതെ ഇറങ്ങിപോയി നാളിതുവരെ തിരിച്ചെത്തിയിട്ടില്ല. കാണാതായ സമയത്ത് വെള്ള നിറത്തിലുളള ഫുള്‍സ്ലീവ് ഷര്‍ട്ടും വെള്ള മുണ്ടുമാണ് ധരിച്ചിരുന്നത്. 165 സെന്റിമീറ്റര്‍ ഉയരം. ഇരുനിറമാണ്. ഇദ്ദേഹത്തെ കാണുന്നവര്‍ 9497980629 (സബ് ഇന്‍സ്‌പെക്ടര്‍), 04924-209007, 9497934190 (ഷോളയൂര്‍ പൊലീസ് സ്റ്റേഷന്‍) എന്നീ നമ്പറുകളില്‍ അറിയിക്കണമെന്ന് സബ് ഇന്‍സ്‌പെക്ടര്‍ അറിയിച്ചു.