കോവിഡ് 19 പ്രതിരോധത്തിന്റെ ഭാഗമായുള്ള ആരോഗ്യ ജാഗ്രത ലംഘിച്ചതിന് ജില്ലയില്‍ 18 കേസുകള്‍ കൂടി ഇന്നലെ (ജൂണ്‍ എട്ട്) രജിസ്റ്റര്‍ ചെയ്തതായി ജില്ലാ പൊലീസ് മേധാവി യു. അബ്ദുള്‍ കരീം അറിയിച്ചു.  വിവിധ സ്റ്റേഷനുകളിലായി 28 പേരെ ഇന്നലെ അറസ്റ്റു ചെയ്തു. നിര്‍ദേശങ്ങള്‍ ലംഘിച്ച് നിരത്തിലിറക്കിയ ആറ് വാഹനങ്ങളും പിടിച്ചെടുത്തിട്ടുണ്‍്. ഇതോടെ ആരോഗ്യ ജാഗ്രത ലംഘിച്ചതിന് പൊലീസ് രജിസ്റ്റര്‍ ചെയ്ത കേസുകളുടെ എണ്ണം 4,514 ആയി. 5,569 പേരെയാണ് ഇതുവരെ അറസ്റ്റു ചെയ്തത്. ജില്ലയിലാകെ ഇതുവരെ 2,592 വാഹനങ്ങളും പിടിച്ചെടുത്തിട്ടുണ്‍്.

വിദഗ്ധ ചികിത്സയ്ക്ക് ശേഷം കോവിഡ് 19 ഭേദമായ ഏഴ്  പേര്‍ മഞ്ചേരി ഗവ. മെഡിക്കല്‍ കോളജ് ആശുപത്രിയില്‍ നിന്ന് ഇന്നലെ (ജൂണ്‍ എട്ട്) വീടുകളിലേക്ക് മടങ്ങി. വിദേശത്തുനിന്നും ഇതരസംസ്ഥാനങ്ങളില്‍ നിന്നുമെത്തി കോവിഡ് 19 സ്ഥിരീകരിച്ച  ഇവര്‍  പൂര്‍ണ ആരോഗ്യം വീണ്‍െടുത്താണ് ആശുപത്രി വിട്ടത്. 

ജില്ലയില്‍ ആകെ നിരീക്ഷണത്തിലുള്ളത് 12,769 പേര്‍

മലപ്പുറം ജില്ലയില്‍ 14 പേര്‍ക്ക് കൂടി ഇന്നലെ (ജൂണ്‍ എട്ട്) കോവിഡ് 19 സ്ഥിരീകരിച്ചു. ഇതില്‍ 12 പേര്‍ വിവിധ വിദേശ രാജ്യങ്ങളില്‍ നിന്ന് എത്തിയവരും ഒരാള്‍ ചെന്നൈയില്‍ നിന്നും ഒരാള്‍ ബംഗളുരുവില്‍ നിന്നും എത്തിയവരാണ്. പുതുതായി രോഗബാധ സ്ഥിരീകരിച്ചവരെല്ലാം കോവിഡ് പ്രത്യേക ചികിത്സാ കേന്ദ്രമായ മഞ്ചേരി ഗവ. മെഡിക്കല്‍ കോളജ് ആശുപത്രിയില്‍ ഐസൊലേഷനില്‍ ചികിത്സയിലാണെന്ന് ജില്ലാ കലക്ടര്‍ കെ. ഗോപാലകൃഷ്ണന്‍ അറിയിച്ചു. ഇവര്‍ക്കു പുറമെ മഞ്ചേരിയില്‍ ഐസൊലേഷനിലുള്ള ഒരു തിരുവനന്തപുരം സ്വദേശിക്കും ഒരു ആലപ്പുഴ സ്വദേശിക്കും ഇന്നലെ വൈറസ് ബാധ സ്ഥിരീകരിച്ചിട്ടുണ്‍്.

കിഴിശ്ശേരി ഇലക്ട്രിക്കല്‍ സെക്ഷന്‍ പരിധിയില്‍പ്പെട്ട കിഴിശ്ശേരി ടൗണ്‍, തൃപ്പനച്ചി ,മുതുപറമ്പ്, കുഴിഞ്ഞൊളം, മാങ്കാവ്, പൂച്ചേങ്ങല്‍, ആക്കപറമ്പ് തുടങ്ങിയ ഭാഗങ്ങളില്‍ ഇന്ന് (ജൂണ്‍ ഒന്‍പത്)  രാവിലെ ഒന്‍പത് മുതല്‍ വൈകീട്ട് മൂന്ന് വരെ വൈദ്യുതി വിതരണം ഭാഗികമായി തടസപ്പെടുമെന്ന് അസിസ്റ്റന്റ് എഞ്ചിനീയര്‍ അറിയിച്ചു.
       
(എം.പി.എം 2137/2020)
 

കാലവര്‍ഷ ദുരന്തനിവാരണ പ്രവര്‍ത്തനങ്ങള്‍ക്കായി സര്‍ക്കാര്‍ പുറപ്പെടുവിച്ചിട്ടുള്ള മാര്‍ഗരേഖപ്രകാരമുള്ള മുന്നൊരുക്കങ്ങള്‍ ജില്ലയിലെ എല്ലാ തദ്ദേശഭരണ സ്ഥാപനങ്ങളും അതീവ പ്രാധാന്യത്തോടെ അടിയന്തരമായി പൂര്‍ത്തീകരിക്കണമെന്ന് ജില്ലാ പഞ്ചായത്ത് പ്രസിഡന്‍റ് അഡ്വ. സെബാസ്റ്റ്യന്‍ കുളത്തുങ്കല്‍ നിര്‍ദേശിച്ചു. മഴ ശക്തമാകുന്ന സാഹചര്യത്തില്‍ തദ്ദേശ സ്ഥാപന തലങ്ങളില്‍ സ്വീകരിക്കേണ്ട  രക്ഷാ മുന്നൊരുക്കങ്ങള്‍ സംബന്ധിച്ച് ചര്‍ച്ച ചെയ്യുന്നതിന് ചേര്‍ന്ന ബ്ലോക്ക് -ഗ്രാമ പഞ്ചായത്ത് പ്രസിഡന്‍റുമാരുടെ യോഗത്തില്‍ അധ്യക്ഷത വഹിച്ച് സംസാരിക്കുകയായിരുന്നു അദ്ദേഹം.

സംസ്ഥാന സര്‍ക്കാരിന്റെ മുഖമാസികകളായ കേരള കോളിങ്, ജനപഥം എന്നിവയുടെ വാര്‍ഷിക വരിസംഖ്യ സര്‍ക്കാരിന്റെ ഇ- പെയ്മെന്റ് സംവിധാനം വഴിയും അടയ്ക്കാം. ംംം.ലൃേലമൗെൃ്യ.സലൃമഹമ.ഴീ്.ശി എന്ന വെബ്‌സൈറ്റ് വഴിയാണ് പണമടയ്ക്കാന്‍ സംവിധാനമുള്ളത്.

കോവിഡ് 19ന്റെ  പശ്ചാത്തലത്തില്‍ നിര്‍ത്തിവച്ച ചൈല്‍ഡ് വെല്‍ഫെയര്‍കമ്മിറ്റി സിറ്റിങുകള്‍ പുനരാരംഭിക്കുന്നതായി  സി.ഡബ്ല്യൂ.സി ചെയര്‍മാന്‍ അറിയിച്ചു. തിങ്കള്‍, ചൊവ്വ ദിവസങ്ങളില്‍ ജില്ലാ സാമൂഹ്യനീതി ഓഫീസിലും, ബുധന്‍ മഞ്ചേരിയിലെ ജില്ലാ ചൈല്‍ഡ് പ്രൊട്ടക്ഷന്‍ യൂനിറ്റ് ഓഫീസിലും വെള്ളിയാഴ്ച തവനൂര്‍ ഗവ.ചില്‍ഡ്രന്‍സ് ഹോമിലും നടക്കും. സിറ്റിങില്‍ പരാതികള്‍ സ്വീകരിക്കുകയും സി.ഡബ്ല്യൂ.സി സ്ഥാപനങ്ങളുടെ ഫയലുകള്‍ പരിഗണിക്കുകയും ചെയ്യും.  കൂടുതല്‍ വിവരങ്ങള്‍ക്ക്   9846358911 എന്ന നമ്പറില്‍ വിളിക്കാം.  
(എം.പി.എം 2133/2020)