കോട്ടയം ജില്ലയില്‍ മൂന്നു പേര്‍ക്കു കൂടി കൊറോണ വൈറസ് ബാധ സ്ഥിരീകരിച്ചു. ഒരാള്‍ രോഗമുക്തി നേടി. കോട്ടയം മെഡിക്കല്‍ കോളേജ് ആശുപത്രിയില്‍ ചികിത്സയിലായിരുന്ന ചങ്ങനാശേരി മാമ്മൂട് സ്വദേശിനി(29) ആണ് രോഗം ഭേദമായതിനെത്തുടര്‍ന്ന് വീട്ടിലേക്ക് മടങ്ങിയത്. ഇതോടെ ജില്ലയില്‍ ഇതുവരെ രോഗമുക്തി നേടിയവരുടെ എണ്ണം 37 ആയി. 

എറണാകുളം മെഡിക്കല്‍ കോളേജ് ആശുപത്രിയില്‍ കഴിയുന്ന ഒരാള്‍ ഉള്‍പ്പെടെ  കോട്ടയം ജില്ലക്കാരായ 32 പേര്‍ക്കാണ് നിലവില്‍ രോഗബാധയുള്ളത്. 

രോഗം സ്ഥിരീകരിക്കപ്പെട്ടവര്‍

പരിസ്ഥിതി ദിനത്തോടനുബന്ധിച്ച് ജില്ലയില്‍ വിതരണം ചെയ്യുന്നത് 9. 21 ലക്ഷം ഫലവൃക്ഷ തൈകള്‍. ഒന്നാം ഘട്ടത്തിന്റെ വിതരണോദ്ഘാടനം ജില്ലാ പഞ്ചായത്ത് പ്രസിഡണ്ട് കെ വി സുമേഷ് കുറ്റിയാട്ടൂര്‍ പഞ്ചായത്ത് പ്രസിഡണ്ട് എന്‍ പത്മനാഭന് വൃക്ഷ തൈ നല്‍കി നിര്‍വ്വഹിച്ചു. കൃഷി വകുപ്പിന്റെ അഞ്ച് ഫാമുകളില്‍ നിന്നായി ഉല്‍പാദിപ്പിച്ച തൈകളാണ് ആദ്യ ഘട്ടത്തില്‍ നല്‍കിയത്. ജില്ലയിലെ എല്ലാ തദ്ദേശസ്ഥാപനങ്ങളിലേക്കും തൈകള്‍ നല്‍കി കര്‍ഷകരിലേക്കെത്തിക്കാനാണ് പദ്ധതി. വിവിധയിനം മാവ്, പ്ലാവ്, വാഴക്കന്ന്്, മാങ്കോസ്റ്റിന്‍, റംബൂട്ടാന്‍, സപ്പോട്ട, പാഷന്‍ ഫ്രൂട്ട്, ആത്ത, കുടംപുളി, കറിവേപ്പ് തുടങ്ങിയ തൈകളാണ് വിതരണം ചെയ്യുന്നത്.

കാലവര്‍ഷ ദുരന്ത നിവാരണ മുന്നൊരുക്കങ്ങളെക്കുറിച്ച് ആലോചിക്കുന്നതിനായി ജില്ലാ ദുരന്ത നിവാരണ സമിതിയുടെ നേതൃത്വത്തില്‍ ജില്ലയിലെ തദ്ദേശ സ്വയം ഭരണ സ്ഥാപന അധ്യക്ഷന്‍മാരുടെ യോഗം നാളെ(ജൂണ്‍ 8) രാവിലെ 11ന് ജില്ലാ പ‍ഞ്ചായത്ത് ഹാളില്‍ ചേരും. ജില്ലാ പഞ്ചായത്ത് പ്രസിഡന്‍റ്  അഡ്വ. സെബാസ്റ്റ്യന്‍ കുളത്തുങ്കല്‍ അധ്യക്ഷത വഹിക്കും.

ലൈഫ്മിഷന്‍റെ മൂന്നാം ഘട്ട പ്രാഥമിക പട്ടികയിൽ ഉൾപ്പെട്ടവരിൽ അർഹത തെളിയിക്കുന്ന രേഖകൾ പരിശോധനക്കായി ഹാജരാക്കത്തവർ ജൂൺ 15-നകം രേഖകൾ ഗ്രാമപഞ്ചായത്തിൽ നൽകണമെന്ന് ജില്ലാ കോ-ഓര്‍ഡിനേറ്റര്‍ അറിയിച്ചു.

തലനാട് ഗ്രാമപഞ്ചായത്തിൽ നിന്നും പെൻഷൻ വാങ്ങുന്ന വിധവകളും 50 വയസ് കഴിഞ്ഞ അവിവാഹിതകളും പുനർ വിവാഹം ചെയ്തിട്ടില്ലെന്ന് തെളിയിക്കുന്ന സാക്ഷ്യപത്രം ജൂൺ 25 നകം ഹാജരാക്കണമെന്ന് സെക്രട്ടറി അറിയിച്ചു.

തീരുമാനം ജില്ലാ കളക്ടറുടെ അധ്യക്ഷതയില്‍ ചേര്‍ന്ന യോഗത്തില്‍

കോട്ടയം ജില്ലയില്‍ നിലവില്‍ സ്വന്തമായി സംവിധാനങ്ങളില്ലാത്ത 4289 വിദ്യാര്‍ഥികള്‍ക്കും ഓണ്‍ലൈന്‍ പഠനത്തിന് ആവശ്യമായ ക്രമീകരണം ഏര്‍പ്പെടുത്തും. ജില്ലാ കളക്ടര്‍ എം. അഞ്ജനയുടെ അധ്യക്ഷതയില്‍ ചേര്‍ന്ന യോഗത്തിലാണ് ഇതു സംബന്ധിച്ച് തീരുമാനമെടുത്തത്. 

വിദേശ രാജ്യങ്ങളില്‍നിന്നും മറ്റു സംസ്ഥാനങ്ങളില്‍നിന്നും ആളുകള്‍ എത്തിത്തുടങ്ങിയതിനു ശേഷം കോട്ടയം ജില്ലയില്‍ ഇതുവരെ രോഗം സ്ഥിരീകരിച്ചത് 46 പേര്‍ക്ക്. ഇതില്‍ മീനടം സ്വദേശിയായ 58കാരനു മാത്രമാണ് സമ്പര്‍ക്കം മൂലം  രോഗം ബാധിച്ചത്.  മറ്റുള്ളവരെല്ലാം  സംസ്ഥാനത്തിന് പുറത്തുനിന്ന് എത്തിയവരാണ്. ഇതില്‍ 30 പേര്‍ വിദേശ രാജ്യങ്ങളില്‍നിന്നും 15 പേര്‍ മറ്റ് സംസ്ഥാനങ്ങളില്‍നിന്നുമാണ് വന്നത്.

കോട്ടയം ജില്ലക്കാരായ രണ്ടു പേര്‍ക്കു കൂടി കോവിഡ്-19 സ്ഥിരീകരിച്ചു.  മുംബൈയില്‍നിന്നും ഈ മാസം രണ്ടിന് എത്തിയ ഒളശ്ശ സ്വദേശിക്കും(24) ഈ മാസം നാലിന് ഡല്‍ഹിയില്‍നിന്നെത്തിയ അറുന്നൂറ്റി മംഗലം സ്വദേശിക്കു(34) മാണ് രോഗം ബാധിച്ചത് ഒളശ്ശ സ്വദേശിക്ക് രോഗലക്ഷണങ്ങള്‍ പ്രകടമായ സാഹചര്യത്തില്‍ സാമ്പിള്‍ പരിശോധനയ്ക്ക് വിധേയനാക്കുകയായിരുന്നു. ഫലം വന്നതിനെത്തുടര്‍ന്ന് കോട്ടയം ജനറല്‍ ആശുപത്രിയില്‍ പ്രവേശിപ്പിച്ചു.