കേരള  ഓട്ടോമൊബൈല്‍ വര്‍ക്ക്ഷോപ്പ്  തൊഴിലാളി ക്ഷേമനിധി പദ്ധതിയില്‍ അംഗത്വം എടുത്തതിനു ശേഷം അംശദായം ഒടുക്കുന്നതില്‍ മുടക്കം വരുത്തിയ   എല്ലാ തൊഴിലാളികള്‍ക്കും  അവരുടെ കുടിശ്ശിക വിഹിതം  പിഴപ്പലിശ സഹിതം അടവാക്കി അംഗത്വം പുതുക്കി നല്‍ക്കുന്നതിനുളള അവസരം സെപ്റ്റംബര്‍ 30 വരെ  അനുവദിച്ചതായി ജില്ലാ എക്സിക്യൂട്ടീവ് ഓഫീസര്‍ അറിയിച്ചു.
(എം.പി.എം 2095/2020)

വണ്ടൂര്‍ വിദ്യാഭ്യാസ ജില്ലയിലെ 2020 വര്‍ഷത്തെ മാര്‍ച്ച് എസ്.എസ്.എല്‍.സി പരീക്ഷയില്‍ പ്രൈവറ്റ് വിഭാഗത്തില്‍ രജിസ്റ്റര്‍ ചെയ്തിട്ടുള്ളവര്‍ക്കും റഗുലര്‍ വിഭാഗത്തിലെ എ.ആര്‍.സി, സി.സി.സി  വിഭാഗത്തിലുള്ളവര്‍ക്കുമുള്ള പഴയ സ്‌കീം ഐ.ടി പ്രാക്ടിക്കല്‍ പരീക്ഷ വണ്ടൂര്‍ വി.എം.സി.ജി.എച്ച്.എസ്.എസിലും 2020 വര്‍ഷത്തെ മാര്‍ച്ച് എസ്.എസ്.എല്‍.സി ഐ.ടി പരീക്ഷയില്‍ പങ്കെടുക്കാന്‍ കഴിയാത്ത എസ്.ജി.സി, ആര്‍.എ.സി വിഭാഗം കുട്ടികള്‍ക്കുള്ള പരീക്ഷ പോരൂര്‍ ജി.എച്ച്.എസ്.എസിലും ജൂണ്‍ എട്ടിന് രാവിലെ 10ന്  നടക്കുമെന്ന് ജില്ലാവിദ്യാഭ്യാസ ഓഫീസര്‍ അറിയിച്ചു.
(എം.പി.എം 2092/2020)
 

മലബാര്‍ ദേവസ്വം ബോര്‍ഡ് ക്ഷേത്രജീവനക്കാരുടെ ക്ഷേമനിധി മുഖേന ബി.സി.ഡി ഗ്രേഡ് ക്ഷേത്രങ്ങളിലെ ജീവനക്കാര്‍ക്കും  ഫണ്ടില്ലാത്തതിനാല്‍ ശമ്പളം കിട്ടാത്ത എ ഗ്രേഡ് ജീവനകാര്‍ക്കും ലോക്ക് ഡൗണ്‍ മൂലം അനുവദിച്ചിട്ടുള്ള 2500 രൂപ ധനസഹായം കൈപ്പാറ്റത്തവര്‍ ക്ഷേമനിധി പാസ് ബുക്ക്, ബാങ്ക് പാസ് ബുക്ക്, ആധാര്‍ കാര്‍ഡ് എന്നിവയുടെ പകര്‍പ്പ്, ഫോണ്‍ നമ്പര്‍ എന്നിവ ബന്ധപ്പെട്ട ക്ഷേത്രഭരണാധികാരി മുഖേന ക്ഷേമനിധി സെക്രട്ടറിയുടെ  ലെരൃലമേൃ്യാലേംള@ഴാമശഹ.രീാ   എന്ന ഇ-മെയില്‍ വിലാസത്തിലേക്ക് ജൂണ്‍ 30നകം അയച്ചു നല്‍കണമെന്ന് സെക്രട്ടറി അറിയിച്ചു.
(എം.പി.എം 2091/2020)
 

ലൈഫ് മിഷന്‍ മൂന്നാം ഘട്ടത്തില്‍ ഉള്‍പ്പെട്ടതും രേഖകള്‍ ഹാജരാകാത്ത് മൂലം പദ്ധതിയുടെ ഗുണേഭാക്തൃപട്ടികയില്‍ ഉള്‍പ്പെടാതെ പോയ ഗുണഭോക്താക്കള്‍  ജൂണ്‍ 15നകം തദ്ദേശ സ്ഥാപനങ്ങളുമായി ബന്ധപ്പെട്ട് രേഖകള്‍ ഹാജരാക്കണമെന്ന് ലൈഫ് മിഷന്‍ ജില്ലാകോര്‍ഡിനേറ്റര്‍ അറിയിച്ചു.
(എം.പി.എം 2090/2020)