വൈദ്യുതി തടസവും അപകടങ്ങളും ഒഴിവാക്കാന്‍ എമര്‍ജന്‍സി റിസ്‌റ്റൊറേഷന്‍ ടീം (ഇ ആര്‍ ടി) എന്നപേരില്‍ അടിയന്തര സംഘത്തിന് രൂപം നല്‍കിയതായി കെ എസ് ഇ ബി അധികൃതര്‍ അറിയിച്ചു. ദ്രവിച്ച ഇലക്ട്രിക് പോസ്റ്റുകള്‍ മാറ്റുന്നതും അപകടകരമായ രീതിയില്‍ നില്‍ക്കുന്ന മരങ്ങളുടെ ചില്ലുകള്‍ വെട്ടിമാറ്റുന്നതും താഴ്ന്നുകിടക്കുന്ന വൈദ്യുത കമ്പികള്‍ ഉയര്‍ത്തുന്നതും തകരാറിലായ ട്രാന്‍സ്‌ഫോര്‍മറുകള്‍,  വൈദ്യുത ലൈനുകള്‍ തുടങ്ങിയവ പൂര്‍വസ്ഥിതിയിലാക്കുന്നതുമുള്‍പ്പെടെ ജോലികള്‍ അടിയന്തിരമായി പുരോഗമിക്കുകയാണെന്നും കെഎസ്ഇബി അധികൃതര്‍ അറിയിച്ചു.  

ആലപ്പുഴ: ജില്ല പഞ്ചായത്തിന്റെ പൊതുമരാമത്ത് പ്രവൃത്തികള്‍ (93 എണ്ണം) ചെയ്യുന്നതിന് ലഘുദര്‍ഘാസ് ക്ഷണിച്ചു. വിശദവിവരങ്ങള്‍  tthp://tender.lsgkerala.gov.in/pages/display Tender.php,  ww.etenders.kerala.gov.in എന്നീ വെബ്‌സൈറ്റുകളില്‍ ലഭിക്കും. ജില്ല പഞ്ചായത്ത് കാര്യാലയം, എക്‌സിക്യൂട്ടീവ് എന്‍ജിനിയറുടെ കാര്യാലയം എന്നിവിടങ്ങളില്‍ നിന്നും കൂടുതല്‍ വിവരങ്ങള്‍ അറിയാം. ഫോണ്‍: 0477-2263746.
 

ആലപ്പുഴ: പരിസ്ഥിതി ദിനാചരണത്തിന്റെ ഭാഗമായി പട്ടണക്കാട് ബ്ലോക്കിലെ എല്ലാ സി.ഡി.എസുകളും വൃക്ഷത്തൈ നട്ടു. ബാലസഭകളിലെ കുട്ടികള്‍ ചേര്‍ന്നാണ് തൈകള്‍ നട്ടത്. പഞ്ചായത്തുകളുടെ സഹകരണത്തോടെയും സഹായത്തോടെയുമാണ് സി.ഡി.എസുകള്‍ ബാലസഭകളിലൂടെ പരിസ്ഥിതിദിന സന്ദേശം നല്‍കിയത്. പഞ്ചായത്ത് പ്രസിഡന്റുമാര്‍, ജനപ്രതിനിധികള്‍, സി.ഡി.എസ് ചെയര്‍പേഴ്‌സണ്മാര്‍, കുടുംബശ്രീ ചാര്‍ജ്ജ് ഓഫീസര്‍മാര്‍, സി.ഡി.എസ് അക്കൗണ്ടന്റ്മാര്‍, സി.ഡി.എസ് അംഗങ്ങള്‍ എന്നിവരുടെ മേല്‍നോട്ടത്തിലാണ് ബാലസഭ കുട്ടികള്‍ വൃക്ഷത്തൈ നട്ടത്. തുടര്‍ന്നും വൃക്ഷത്തൈ പരിപാലിക്കുമെന്ന് ബാലസഭ കുട്ടികള്‍ പ്രതിഞ്ജയും ചൊല്ലി.

അമ്പലപ്പുഴ ബ്ലോക്ക് പഞ്ചായത്തില്‍ നടന്ന പരിസ്ഥിതി ദിനാചരണം ബ്ലോക്ക് പഞ്ചായത്ത് പ്രസിഡന്റ് കെ.എം ജുനൈദ് വൃക്ഷത്തൈ നട്ട് ഉദ്ഘാടനം ചെയ്തു. പുന്നപ്ര വടക്ക് പഞ്ചായത്തില്‍ പ്രസിഡന്റ് സുവര്‍ണ പ്രതാപന്‍, പുന്നപ്ര തെക്ക് പഞ്ചായത്തില്‍ പ്രസിഡന്റ് സുധര്‍മ്മ, അമ്പലപ്പുഴ വടക്ക് പഞ്ചായത്തില്‍ പ്രസിഡന്റ് എ അഫ്‌സത്ത്, അമ്പലപ്പുഴ തെക്ക് പഞ്ചായത്തില്‍ പ്രസിഡന്റ് ജി. വേണു ലാല്‍, പുറക്കാട് പഞ്ചായത്തില്‍ പ്രസിഡന്റ് റഹ്‌മത്ത് ഹാമീദ് എന്നിവര്‍ പരിസ്ഥിതി ദിനാഘോഷ പരിപാടികള്‍ ഉദ്ഘാടനം ചെയ്തു. അതത് പഞ്ചായത്തിലെ കൃഷിഭവനിലൂടെ സൗജന്യമായി വൃക്ഷത്തൈകളുടെ വിതരണവും നടന്നു. 

ആലപ്പുഴ: വട്ടയാല്‍ സ്‌പോര്‍ട്‌സ് അക്കാദമിയുടെ നേതൃത്വത്തില്‍ ലോക പരിസ്ഥിതി ദിനാചരണം വട്ടയാല്‍ സെന്റ് മേരിസ് ഹൈസ്‌കൂളില്‍ പൊതുമരാമത്ത് രജിസ്ട്രേഷന്‍ വകുപ്പ് മന്ത്രി ജി. സുധാകരന്‍ വൃക്ഷത്തൈ നട്ട് നിര്‍വ്വഹിച്ചു. ജില്ല സ്‌പോര്‍ട്‌സ് കൗണ്‍സില്‍ വൈസ് പ്രസിഡന്റ് വി.ജി വിഷ്ണു, സ്‌കൂള്‍ മാനേജര്‍ ജോര്‍ജ് കിഴക്കേവീട്ടില്‍, ഹെഡ്മാസ്റ്റര്‍ ജാക്‌സന്‍ പി.എ, കെ. നാസര്‍, സന്തോഷ് തോമസ്, 
പിറ്റിഎ പ്രഡിഡന്റ് ജോണ്‍സന്‍ എന്നിവര്‍ പങ്കെടുത്തു.