ആലപ്പുഴ: വട്ടയാല്‍ സ്‌പോര്‍ട്‌സ് അക്കാദമിയുടെ നേതൃത്വത്തില്‍ ലോക പരിസ്ഥിതി ദിനാചരണം വട്ടയാല്‍ സെന്റ് മേരിസ് ഹൈസ്‌കൂളില്‍ പൊതുമരാമത്ത് രജിസ്ട്രേഷന്‍ വകുപ്പ് മന്ത്രി ജി. സുധാകരന്‍ വൃക്ഷത്തൈ നട്ട് നിര്‍വ്വഹിച്ചു. ജില്ല സ്‌പോര്‍ട്‌സ് കൗണ്‍സില്‍ വൈസ് പ്രസിഡന്റ് വി.ജി വിഷ്ണു, സ്‌കൂള്‍ മാനേജര്‍ ജോര്‍ജ് കിഴക്കേവീട്ടില്‍, ഹെഡ്മാസ്റ്റര്‍ ജാക്‌സന്‍ പി.എ, കെ. നാസര്‍, സന്തോഷ് തോമസ്, 
പിറ്റിഎ പ്രഡിഡന്റ് ജോണ്‍സന്‍ എന്നിവര്‍ പങ്കെടുത്തു. 
 

1)മുംബൈയിൽ നിന്നും  തിരുവനന്തപുരത്തേക്കുള്ള ലോകമാന്യ തിലക്, ട്രെയിനിൽ ആലപ്പുഴ സ്റ്റേഷനിൽ  148 പേർ ഇന്നലെ (04.06.2020) വൈകിട്ട് എത്തി. 

ഇതിൽ 56 പേർ കോട്ടയം, പത്തനംതിട്ട ജില്ലക്കാരാണ്.

2) ഇന്ന് 2.45 -ന് നേത്രാവതി എക്സ്പ്രസ്സ്   ആലപുഴ റെയിൽവേ സ്റ്റേഷനിൽ എത്തും. 

3)ന്യൂഡൽഹിയിൽ നിന്നുള്ള രാജധാനി എക്സ്പ്രസ്സ്‌ , ഖോരഗ്പ്പൂരിൽ നിന്നുള്ള ട്രെയിനുകളിൽ ആലപ്പുഴ ജില്ലക്കാരായ14 പേർ എറണാകുളത്ത് എത്തി.

അതിഥി തൊഴിലാളികൾ 

 ഇന്ന് (5/6/2020) വൈകിട്ട് ആലപ്പുഴ റെയിൽവേ സ്റ്റേഷനിൽ നിന്ന് ഒഡീഷക്കുള്ള ട്രെയിനിൽ ജില്ലയിൽ നിന്നുള്ള 436 അതിഥി തൊഴിലാളികൾ  തിരിച്ചുപോകും. 

05-06-2020 മുതൽ 09-06-2020 വരെ: മധ്യ പടിഞ്ഞാർ അറബിക്കടലിലും തെക്ക് പടിഞ്ഞാർ അറബിക്കടലിലും  മണിക്കൂറിൽ 45 മുതൽ 55 കി മി വരെ വേഗതയിൽ  ശക്തമായ കാറ്റ്  വീശാൻ സാധ്യത.

05-06-2020 : ആൻഡമാൻ കടലിലും  തെക്ക് കിഴക്ക് ബംഗാൾ ഉൾക്കടലിലും   മോശം കാലാവസ്ഥയ്ക്ക്  സാധ്യത.

06-06-2020: ആൻഡമാൻ കടലിലും  തെക്ക് കിഴക്ക് ബംഗാൾ ഉൾക്കടലിലും അതിനോട് ചേർന്നുള്ള മധ്യകിഴക്ക് ബംഗാൾ ഉൾക്കടൽ എന്നിവടങ്ങളിൽ  മോശം കാലാവസ്ഥയ്ക്കും ശക്തമായ കാറ്റിനും സാധ്യത.

07-06-2020: തമിഴ്നാട്, പുതുച്ചേരി തീരങ്ങളിലും ഗൾഫ് ഓഫ് മാന്നാർ മേഖലയിലും മോശം കാലാവസ്ഥയും ശക്തമായ കാറ്റിനും സാധ്യതയുണ്ട്. 

ഏഴു വിമാനങ്ങളിലായി ജൂണ്‍ അഞ്ചിന് ജില്ലക്കാരായ 56 പേര്‍ എത്തി. 33 പേര്‍ കോവിഡ് കെയര്‍ സെന്ററിലും 23 പേര്‍ വീടുകളിലും നിരീക്ഷണത്തിലാണ്. കൊച്ചി, കോഴിക്കോട് അന്താരാഷ്ട്ര വിമാനത്താവളങ്ങളിലാണ് ഇവര്‍ എത്തിയത്. മസ്‌കറ്റ് - കൊച്ചി വിമാനത്തില്‍ രണ്ടു പുരുഷന്മാരും ഒരു സ്ത്രീയും ഉള്‍പ്പെടെ മൂന്നു പേര്‍ എത്തി. ഒരാള്‍ കോവിഡ് കെയര്‍ സെന്ററിലും രണ്ടു പേര്‍ വീടുകളിലും നിരീക്ഷണത്തിലാണ്.

 സംസ്ഥാന യുവജനക്ഷേമ ബോര്‍ഡ് പത്തനംതിട്ട ജില്ലാ യുവജന കേന്ദ്രത്തിന്റെ നേതൃത്വത്തില്‍ നാട്ടരങ്ങ് കലാ - സാംസ്‌കാരിക വേദിയുടെ സഹകരണത്തോടെ ചേരിക്കലിനെ പരിസ്ഥിതി സഹകരണ ഗ്രാമമാക്കുന്നു. പ്രദേശത്തെ പ്രധാന യുവജന സാംസ്‌കാരിക സംഘടനകളായ നാട്ടരങ്ങ്, ത്രീസ്റ്റാര്‍ എന്നിവയിലെ യുവതീ, യുവാക്കളിലൂടെ ഗ്രാമത്തിലെ എല്ലാ വീടുകളിലും വൃക്ഷ തൈ വിതരണം നടത്തും. ജില്ലാതല പരിസ്ഥിതി ദിനാചരണം  മഹാത്മാ ഗാന്ധി സന്ദര്‍ശനം നടത്തിയ പന്തളം ചേരിക്കല്‍ ശ്രദ്ധാനന്ദ വിലാസം ലോവര്‍ പ്രൈമറി സ്‌കൂളില്‍ നടത്തി.

തിരുവല്ല റെയില്‍വേ സ്റ്റേഷനില്‍ നിന്നും ജൂണ്‍ 5 ന് രാത്രി 8 ന് പുറപ്പെട്ട പശ്ചിമ ബംഗാള്‍ സ്പെഷല്‍ ട്രെയിനില്‍ നാട്ടിലേക്ക് 1602 അതിഥി തൊഴിലാളികള്‍കൂടി മടങ്ങി. പശ്ചിമ ബംഗാളിലെ ന്യൂ കൂച്ച് ബഹാര്‍ റെയില്‍വേ സ്റ്റേഷനിലേക്കുള്ള ട്രെയിനില്‍ ജില്ലയിലെ മൂന്നു താലൂക്കുകളില്‍ നിന്നുള്ള അതിഥി തൊഴിലാളികളാണു മടങ്ങിയത്.

കോഴഞ്ചേരി റീജിയണല്‍ പബ്ലിക്ക് ഹെല്‍ത്ത് ലാബില്‍ റിവേഴ്‌സ് ട്രാന്‍സ്‌ക്രിപ്‌റ്റേസ് പോളിമറേസ് ചെയിന്‍ റിയാക്ഷന്‍(ആര്‍ ടി പി സി ആര്‍) ടെസ്റ്റ് ചെയ്യുന്നതിനുള്ള സൗകര്യം മൂന്നാഴ്ചയ്ക്കകം ഒരുക്കുമെന്ന് വീണാ ജോര്‍ജ് എം.എല്‍.എ പറഞ്ഞു. കോഴഞ്ചേരി റീജിയണല്‍ പബ്ലിക്ക് ഹെല്‍ത്ത് ലാബില്‍ ട്രൂ-നാറ്റ് (ഠൃൗലചഅഠ) കോവിഡ്-19 പരിശോധനാ കേന്ദ്രം ഉദ്ഘാടനം ചെയ്തു സംസാരിക്കുകയായിരുന്നു എം.എല്‍.എ.