•    ജില്ലയിൽ ഇന്ന്  3   പേർക്ക് രോഗം സ്ഥിരീകരിച്ചു .

•    മെയ് 31 ന് നൈജീരിയയിൽ നിന്നും കൊച്ചിയിലെത്തിയ വിമാനത്തിൽ ഉണ്ടായിരുന്ന 47 വയസുള്ള മഹാരാഷ്ട സ്വദേശി, മെയ് 26 ലെ ദുബായ് - കൊച്ചി വിമാനത്തിലെത്തിയ 41 വയസുള്ള കൂനമ്മാവ് സ്വദേശി, ജൂൺ 2 ന് വിമാനമാർഗം ഡൽഹിയിൽ നിന്നും കൊച്ചിയിലെത്തിയ 28 വയസുള്ള ഉദയംപേരൂർ സ്വദേശി എന്നിവർക്കാണ് ഇന്ന് ജില്ലയിൽ രോഗം സ്ഥിരീകരിച്ചത്. 

•    കൂടാതെ ജൂൺ 3 ന് വിമാനമാർഗം ഡൽഹിയിൽ നിന്നും കൊച്ചിയിലെത്തിയ 34 വയസുള്ള കോട്ടയം സ്വദേശിയും രോഗം സ്ഥിരീകരിച്ച് കളമശ്ശേരി മെഡിക്കൽ കോളജിൽ ചികിത്സയിലുണ്ട്.    

   എറണാകുളം: കൊച്ചി നഗരത്തിലെ വെള്ളക്കെട്ട് ഒഴിവാക്കുന്നതിനായി ജില്ലാ ഭരണകൂടം നടപ്പിലാക്കുന്ന ഓപ്പറേഷന്‍ ബ്രേക്ക് ത്രൂവിന്റെ പ്രവർത്തന റിപ്പോർട്ട് സർക്കാരിന് സമർപ്പിക്കാൻ ജില്ലാ കളക്ടർ എസ്. സുഹാസ് നിർദ്ദേശം നൽകി. പദ്ധതിയുടെ പുരോഗതിയിൽ സംസഥാന സർക്കാർ സംതൃപ്തി അറിയിച്ചതായി ജില്ലാ കളക്ടർ അറിയിച്ചു. രണ്ട് ഘട്ടങ്ങളിലായി നടത്തുന്ന വിവിധ പ്രവർത്തനങ്ങൾ പൂർത്തിയാകുന്ന സാഹചര്യത്തിലാണ് പുരോഗതി റിപ്പോർട്ട് തയ്യാറാക്കുന്നത്.

അങ്കമാലി: അഡ്ലക്സ് എക്സിബിഷൻ സെൻ്ററിൽ പ്രവർത്തനമാരംഭിക്കുന്ന കോവിഡ് ഫസ്റ്റ് ലെവൽ ട്രീറ്റ്മെൻ്റ് സെൻ്റർ മന്ത്രി വി.എസ്.സുനിൽകുമാർ സന്ദർശിച്ച് ഒരുക്കങ്ങൾ വിലയിരുത്തി. 

കോവിഡ് കാലത്തെ കുട്ടികളിലെ മാനസിക ബുദ്ധിമുട്ടുകളെ കുറിച്ച്  ജില്ലാ മാനസിക ആരോഗ്യ പദ്ധതിയുടെ ഭാഗമായ  സ്ക്കൂൾ മാനസിക ആരോഗ്യ പരിപാടിയുടെയും അങ്കമാലി ഡി പോൾ സ്കൂൾ ഓഫ് സോഷ്യൽ വർക്കും സംയുക്തമായാണ് ഇന്ന് (6/6/20) വെബിനാർ സംഘടിപ്പിച്ചത്. ' കോവിഡ് കാലത്ത് വിദ്യാർത്ഥികളുടെ മാനസിക ആരോഗ്യം - കൗൺസലിങ്ങും പ്രായോഗിക സമീപനവും"
എന്ന വിഷയം ജില്ലാ മാനസിക ആരോഗ്യ പദ്ധതി ജില്ലാ നോഡൽ ഓഫീസർ ഡോ. സൗമ്യ രാജ് അവതരിപ്പിച്ചു. ഗൂഗിൾ മീറ്റ്, യൂട്യൂബ് ലൈവ് എന്നിവ മുഖേന നടത്തിയ പരിപാടിയിൽ സ്ക്കൂൾ, കോളേജ് വിദ്ധ്യാർത്ഥികളും അദ്ധ്യാപകരും ഉൾപ്പടെ 450 പേർ പങ്കെടുത്തു.

എറണാകുളം : സ്വദേശത്തേക്ക് മടങ്ങാൻ ആഗ്രഹിക്കുന്ന അതിഥി തൊഴിലാളികളുടെ വിവരങ്ങൾ ജില്ല തലത്തിൽ ശേഖരിക്കും. പഞ്ചായത്ത്‌ തലത്തിൽ പ്രത്യേക ക്യാമ്പുകൾ വഴിയാകും വിവരങ്ങൾ ശേഖരിക്കുന്നത്. മന്ത്രി വി. എസ് സുനിൽകുമാറിന്റെ അധ്യക്ഷതയിൽ ചേർന്ന കോവിഡ് അവലോകന യോഗത്തിലാണ് വിവര ശേഖരണം നടത്താൻ തീരുമാനിച്ചത്.  പോലീസ്, റെവന്യൂ, തൊഴിൽ വകുപ്പ് എന്നിവരുടെ സഹായത്തോടു കൂടിയാകും വിവരശേഖരണം നടത്തുന്നത്. സ്വദേശത്തേക്ക് മടങ്ങാൻ ആഗ്രഹിക്കുന്ന തൊഴിലാളികളുടെ വിവരശേഖരണം ആണ് നടത്തുന്നത്. 

തിരുവനന്തപുരം ആക്കുളം ഓട്ടോറിക്ഷാ പുന:പരിശോധനാ ക്യാമ്പിൽ ഫെയർമീറ്റർ മുദ്രപതിപ്പിച്ചിട്ടുളള ഓട്ടോറിക്ഷകൾ ഇനിമുതൽ കുമാരപുരത്തിന് സമീപത്തെ ഓഫീസിൽ മുദ്ര പതിപ്പിക്കണമെന്ന് ലീഗൽ മെട്രോളജി ഡെപ്യൂട്ടി കൺട്രോളർ അറിയിച്ചു. പുന:പരിശോധനക്കായി 8281972013 എന്ന നമ്പരിൽ ബന്ധപ്പെട്ട് തീയതി വാങ്ങണം. പുതിയ മീറ്റർ ഉളളവർ ബില്ല് സഹിതം ഓഫീസിൽ നേരിട്ടെത്തി തീയതി വാങ്ങണമെന്നും വകുപ്പ് അറിയിച്ചു.
പി.എൻ.എക്സ്. 2083/2020

മഴക്കാല ക്യാമ്പുകൾ തുറക്കാനും മറ്റ് അടിയന്തര ആവശ്യങ്ങൾക്കുമായി വില്ലേജ് ഓഫീസർമാർക്ക് 20,000 രൂപ വീതം അനുവദിക്കാൻ ജില്ലാ കളക്ടർമാർക്ക് അനുമതി നൽകി ഉത്തരവായി. അടിയന്തര ജോലി ചെയ്യുന്നവർക്കുള്ള റിഫ്രഷ്‌മെന്റിനും മഴയിൽ വീഴുന്ന മരങ്ങൾ നീക്കം ചെയ്യുന്നതിനും സമാനമായ മറ്റ് അടിയന്തര ആവശ്യങ്ങൾക്കും ഈ തുക വിനിയോഗിക്കാം. ജില്ലാ കളക്ടറേറ്റുകൾ, ആർ.ഡി. ഓഫീസ്, താലൂക്ക് ഓഫീസ്, ജനങ്ങൾ കൂടുതലായെത്തുന്ന റവന്യൂ വകുപ്പിന്റെ മറ്റ് ഓഫീസുകൾ എന്നിവിടങ്ങളിലേക്ക് ഇൻഫ്രാറെഡ് തെർമോമീറ്ററുകൾ മെഡിക്കൽ സർവീസസ് കോർപ്പറേഷനിൽ നിന്ന് വാങ്ങി വിതരണം തുടങ്ങിയതായി ലാന്റ് റവന്യൂ കമ്മിഷണർ അറിയിച്ചു.
പി.എൻ.എക്സ്. 2082/2020

മലമ്പുഴ 2 വില്ലേജിലെ കൊട്ടേക്കാട് സ്വദേശി കെ.എം സുകുമാരനില്‍ നിന്നും ഏറ്റെടുത്ത ഭൂമിയില്‍ 2020-2021 കാലയളവിലേക്ക് കൃഷി ചെയ്ത് വിളവെടുക്കുന്നതിനുള്ള അവകാശം ജൂണ്‍ 16 ന് രാവിലെ 11 ന് മലമ്പുഴ 2 വില്ലേജോഫീസില്‍ നടക്കുമെന്ന് തഹസില്‍ദാര്‍ (ഭൂരേഖ) അറിയിച്ചു. ബ്ലോക്ക് നമ്പര്‍ 37, പഴയ സര്‍വെ നമ്പര്‍ 206/4 സി (റീ സര്‍വെ നമ്പര്‍ 140) ല്‍ ഉള്‍പ്പെട്ട 17 സെന്റ് ഭൂമിയാണ് ഏറ്റെടുത്തിരിക്കുന്നത്.

മലമ്പുഴ 2 വില്ലേജ് സ്വദേശിനി കുള്ളച്ചിയില്‍ നിന്നും ഏറ്റെടുത്ത ഭൂമിയില്‍ 2020-2021 കാലയളവിലേക്ക് കൃഷി ചെയ്ത് വിളവെടുക്കുന്നതിനുള്ള അവകാശം ജൂണ്‍ 16 ന് രാവിലെ 11 ന് മലമ്പുഴ 2 വില്ലേജോഫീസില്‍ നടക്കുമെന്ന് തഹസില്‍ദാര്‍ (ഭൂരേഖ) അറിയിച്ചു. ബ്ലോക്ക് നമ്പര്‍ 37, പഴയ സര്‍വെ നമ്പര്‍ 206/4 സി (റീ സര്‍വെ നമ്പര്‍ 140) ല്‍ ഉള്‍പ്പെട്ട 1.05 ഏക്കര്‍ ഭൂമിയാണ് ഏറ്റെടുത്തിരിക്കുന്നത്.