ഭാഗ്യക്കുറി ക്ഷേമനിധി അംഗങ്ങള്‍ക്കായുള്ള സാനിറ്റൈസര്‍, മാസ്‌ക്, ഭാഗ്യക്കൂപ്പണ്‍ എന്നിവ കൈപ്പറ്റാത്ത ജില്ലയിലെ അംഗങ്ങള്‍ക്ക് ജൂണ്‍ 10, 11, 15, 16 തീയതികളില്‍ ജവഹര്‍ ബാലഭവനില്‍ വിതരണം ചെയ്യുമെന്ന് ജില്ലാ ഭാഗ്യക്കുറി ക്ഷേമനിധി ഓഫീസര്‍ അറിയിച്ചു.
(പി.ആര്‍.കെ നമ്പര്‍ 1596/2020)

വെട്ടിക്കവല ബ്ലോക്ക് പഞ്ചായത്തിലെ 14 ബ്ലോക്ക് ഡിവിഷനുകളുടെ കീഴില്‍ പ്രവര്‍ത്തിക്കുന്ന വയോജന ക്ലബ്ബുകള്‍ക്ക് ആവശ്യമായ പ്ലാസ്റ്റിക് കസേരകള്‍ ലഭ്യമാക്കുന്നതിന് ടെണ്ടര്‍ ക്ഷണിച്ചു. ജൂണ്‍ 16 ന് ഉച്ചകഴിഞ്ഞ് രണ്ടുവരെ സമര്‍പ്പിക്കാം. വിശദ വിവരങ്ങള്‍ ഓഫീസിലും 0474-2404299 നമ്പരിലും ലഭിക്കും.
(പി.ആര്‍.കെ നമ്പര്‍ 1595/2020)

പട്ടികജാതിവര്‍ഗ വിഭാഗങ്ങളുടെ സാമ്പത്തികവും സാമൂഹികവുമായ പുരോഗതി ലക്ഷ്യമാക്കിയുള്ള പദ്ധതികള്‍ക്ക് മുന്‍ഗണന നല്‍കണമെന്ന് ജില്ലാ പഞ്ചായത്ത് പ്രസിഡന്റ് സി രാധാമണി പറഞ്ഞു. ജില്ലാതല എസ് സി-എസ് ടി സമിതി യോഗത്തില്‍ അധ്യക്ഷത വഹിക്കുകയായിരുന്നു അവര്‍. 2020-21 വര്‍ഷത്തെ എസ് സി എ, എസ് സി എസ് പി ആക്ഷന്‍ പ്ലാന്‍, കോര്‍പ്പസ് ഫണ്ട്, ഫുഡ് സപ്പോര്‍ട്ട് പ്രോഗ്രാം എന്നിവ അംഗീകരിക്കുന്നതിനായി ചേര്‍ന്ന യോഗത്തില്‍ ജില്ലാ കലക്ടര്‍ ബി അബ്ദുല്‍ നാസര്‍, വിവിധ ജില്ലാതല ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.

കൊട്ടാരക്കര താലൂക്ക് ആശുപത്രിയില്‍ പുതുതായി സ്ഥാപിച്ച സി ടി സ്‌കാന്‍ യൂണിറ്റിന്റെ ഉദ്ഘാടനം വീഡിയോ  കോണ്‍ഫറന്‍സിങ്ങിലൂടെ ആരോഗ്യ വകുപ്പ് മന്ത്രി കെ കെ  ശൈലജ  നിര്‍വഹിച്ചു. താലൂക്ക് ആശുപത്രിയുടെ  സമഗ്ര വികസനത്തിന്റെ ഭാഗമായി 91 കോടി രൂപയുടെ പദ്ധതികളാണ് നടപ്പാക്കുന്നതെന്ന് മന്ത്രി പറഞ്ഞു.

  ഒരു വയസുള്ള ആണ്‍കുട്ടി ഉള്‍പ്പെടെ ജില്ലയില്‍ ഇന്നലെ(ജൂണ്‍ 09) അഞ്ച് പേര്‍ക്ക് കോവിഡ് പോസിറ്റീവായി സ്ഥിരീകരിച്ചു. ആര്‍ക്കും സമ്പര്‍ക്കം മൂലം രോഗം ബാധിച്ചിട്ടില്ല. മൂന്ന് പേര്‍ വിദേശത്തു നിന്നും രണ്ടുപേര്‍ ഇതര സംസ്ഥാനത്തുനിന്നും എത്തിയവരുമാണ്. രണ്ടു പേര്‍ രോഗം ഭേദമായി ആശുപത്രി വിട്ടു.

திருவனந்தபுரம்,

*ചികിത്സയിലുള്ളത് 1231 പേർ
*10 പുതിയ ഹോട്ട് സ്‌പോട്ടുകൾ

സ്റ്റേറ്റ് സെൻട്രൽ ലൈബ്രറിയിൽ ഇനി ഒരു അറിയിപ്പ് ഉണ്ടാകുന്നത് വരെ പുസ്തകങ്ങൾ ഇഷ്യു ചെയ്യുന്നതല്ലെന്ന് ലൈബ്രറിയൻ അറിയിച്ചു. ലൈബ്രറിയുടെ പ്രവർത്തനം സമയം രാവിലെ പത്ത് മുതൽ വൈകിട്ട് അഞ്ചുവരെ ആയിരിക്കും. പുസ്തകങ്ങളുടെ പിഴസംഖ്യ ഈടാക്കുന്നത് താത്ക്കാലികമായി നിർത്തിവെച്ചു. ലൈബ്രറി അംഗങ്ങൾ പുസ്തകങ്ങൾ തിരികെ നൽകുന്നതിന് കൂട്ടമായി ലൈബ്രറിയിൽ വരുന്നത് ഒഴിവാക്കണം. കൂടുതൽ വിവരങ്ങൾക്ക് വേണ്ടി ഡ്യൂട്ടി ലൈബ്രേറിയൻമാരെ ബന്ധപ്പെടുക. ഫോൺ: 9446511208, 9446520430.
പി.എൻ.എക്സ്. 2085/2020

കുന്നംകുളം നിയോജക മണ്ഡലത്തിലെ മരത്തംകോട്, കരിയന്നൂർ, വേലൂർ കെ.എസ്.ഇ.ബി സബ് സെന്ററുകൾ മാറ്റാനുള്ള നീക്കം കെഎസ്ഇബി ഉപേക്ഷിച്ചു. മന്ത്രി എ സി മൊയ്തീൻ വൈദ്യുതി വകുപ്പ് മന്ത്രിക്ക് നൽകിയ കത്തിന്റെ അടിസ്ഥാനത്തിലാണ് നടപടി. കടങ്ങോട്, എരുമപ്പെട്ടി, വേലൂർ ഗ്രാമപഞ്ചായത്തുകളിലെയും വടക്കാഞ്ചേരി മുൻസിപ്പാലിറ്റിയിലെ മുണ്ടത്തിക്കോട് ഭാഗത്തെ 5 ഡിവിഷനുകളിലെയും പതിനായിരത്തിലധികം ഉപഭോക്താക്കൾക്ക് പ്രയോജനപ്പെടുന്ന ഈ സബ് സെൻററുകൾ വടക്കാഞ്ചേരി, കുന്നംകുളം, സെക്ഷനുകളുമായി യോജിപ്പിക്കാനായിരുന്നു തീരുമാനം. പ്രദേശവാസികൾക്ക് ഏറെ ബുദ്ധിമുട്ടുണ്ടാക്കുന്ന തീരുമാനമാണ് മന്ത്രിയുടെ ഇടപെടലിലൂടെ തിരുത്തിയത്.