നിര്‍ദ്ധനരായ കുട്ടികള്‍ക്ക് വെച്ചൂച്ചിറ ഗ്രാമപഞ്ചായത്ത് പത്താം വാര്‍ഡ് അംഗം കെ. ശ്രീകുമാറിന്റെ നേതൃത്വത്തില്‍ സ്വരൂപിച്ച ടെലിവിഷന്‍ സെറ്റുകള്‍ രാജു എബ്രഹാം എംഎല്‍എ പരുവ ഗവണ്‍മെന്റ് എല്‍.പി. സ്‌കൂളില്‍ വിതരണം ചെയ്തു. വെച്ചൂച്ചിറ ഗ്രാമപഞ്ചായത്തിലെ പത്ത്, പന്ത്രണ്ട് വാര്‍ഡുകളിലെ നിര്‍ദ്ധനരായ വിദ്യാര്‍ഥികള്‍ക്കാണ് സുമനസുകളുടെ സഹായത്തോടെ ഓണ്‍ലൈന്‍ പഠനത്തിനുള്ള സൗകര്യം ഒരുക്കിയത്. ഇതിനായി കെ. ശ്രീകുമാര്‍ സുമനസുകളുടെ സഹകരണം തേടുകയും സമൂഹ മാധ്യമങ്ങളില്‍ അഭ്യര്‍ഥന നടത്തുകയും ചെയ്തിരുന്നു.

तिरुवनंतपुरम, 07 जून: केरल में आज कोविद -19 के 107 नए मामलों की पुष्टि की गई, राज्य के स्वास्थ्य और सामाजिक न्याय मंत्री, श्रीमती के के शैलजा ने यह जानकारी दी।

പത്തനംതിട്ട ജില്ലയില്‍ ഇന്ന് (7) 13 കോവിഡ്-19 കേസുകള്‍ സ്ഥിരീകരിച്ചു.
1)മേയ് 28 ന് ഡല്‍ഹിയില്‍ നിന്നും എത്തിയ മെഴുവേലി സ്വദേശിനിയായ 68 വയസുകാരി. 2)മേയ് 21 ന് ദുബായില്‍ നിന്നും എത്തിയ പുറമറ്റം, വെണ്ണിക്കുളം സ്വദേശിനിയായ 72 വയസുകാരി. 3) മേയ് 21 ന് ദുബായില്‍ നിന്നും എത്തിയ ചെറുകോല്‍, കാട്ടൂര്‍ സ്വദേശിനിയായ 74 വയസുകാരി. 4)മേയ് 26 ന് കുവൈറ്റില്‍ നിന്നും എത്തിയ കോഴഞ്ചേരി സ്വദേശിനിയായ 27 വയസുകാരി. 5)മേയ് 29ന് ഡല്‍ഹിയില്‍ നിന്നും എത്തിയ മല്ലപ്പളളി സ്വദേശിനിയായ 29 വയസുകാരി.

കോവിഡ് 19 നിയന്ത്രണ പ്രവര്‍ത്തനങ്ങളുടെ ഭാഗമായി ജില്ലയില്‍ ഇന്നലെ(ജൂണ്‍ 8) നടത്തിയ റാപിഡ് ആന്റിബോഡി ടെസ്റ്റില്‍ എല്ലാ ഫലങ്ങളും നെഗറ്റീവായത് ആശ്വാസമായി. കോവിഡ് വ്യാപനത്തിന്റെ രീതി പരിശോധിക്കുന്നതിന് എളുപ്പത്തില്‍ റിസള്‍ട്ട് ലഭിക്കുന്ന നൂതന ടെസ്റ്റാണ് ഇന്നലെ ജില്ലയില്‍ തുടങ്ങിയ റാപ്പിഡ് ആന്റിബോഡി ടെസ്റ്റ്. രക്ത സാമ്പിളുകള്‍ ഉപയോഗിച്ച് നടത്തുന്ന ടെസ്റ്റില്‍ 20 മിനിറ്റിനുള്ളില്‍ തന്നെ ഫലം ലഭിക്കും. മേക്ക് ക്യുവര്‍ എന്ന കിറ്റ് കാര്‍ഡില്‍ ശേഖരിച്ച രക്തസീറം വീഴ്ത്തി ബഫര്‍ സൊലൂഷന്‍ ചേര്‍ത്താണ് ടെസ്റ്റ് നടത്തുന്നത്.

ജില്ലയില്‍ കോവിഡ് നെഗറ്റീയായ രണ്ടുപേര്‍ ഇന്നലെ(ജൂണ്‍ 8) ആശുപത്രി വിട്ടു. P42 കരുനാഗപള്ളി ആലപ്പാട് ചെറിയഴീക്കല്‍ സ്വദേശി 41 വയസുള്ള യുവാവ്. തമിഴ്‌നാട്ടിലെ ചെങ്കല്‍പ്പേട്ടില്‍ നിന്നും മേയ് 11 ന് എത്തി കോവിഡ് പോസീവ് ആയതിനാല്‍ മെയ് 30 ന് പാരിപ്പള്ളി ഗവണ്‍മെന്റ് മെഡിക്കല്‍ കോളജില്‍ പ്രവേശിപ്പിക്കുകയായിരുന്നു.

ജില്ലയില്‍ ഇന്നലെ(ജൂണ്‍8) അഞ്ചു പേര്‍ക്ക് കൂടി കോവിഡ് 19 സ്ഥിരീകരിച്ചു.  അഞ്ചു പേരും വിദേശത്ത് നിന്നും എത്തിയവരാണ്. പാരിപ്പള്ളി ഗവണ്‍മെന്റ് മെഡിക്കല്‍ കോളജില്‍ ചികിത്സയിലിരുന്ന രണ്ടുപേര്‍ രോഗമുക്തി നേടിയതിനെത്തുടര്‍ന്ന് ഇന്നലെ(ജൂണ്‍ 8) ആശുപത്രി വിട്ടു.
P119 കൊല്ലം കോര്‍പ്പറേഷന്‍ മണക്കാട് നഗര്‍ 40 വയസുള്ള യുവാവ് മെയ് 31 ന് നൈജീരിയയില്‍ നിന്നും എ ഡി കെ-7812 എയര്‍പീസ് ഫ്‌ലൈറ്റിലെത്തി. ആദ്യം സ്ഥപന നിരീക്ഷണത്തിലും തുടര്‍ന്ന് ഗൃഹനിരീക്ഷണത്തിലും പ്രവേശിച്ചു.  കോവിഡ് 19 പോസിറ്റീവ് ആയതിനെത്തുടര്‍ന്ന് പാരിപ്പള്ളി ഗവണ്‍മെന്റ് മെഡിക്കല്‍ കോളജില്‍ പ്രവേശിപ്പിച്ചു.

കൊട്ടാരക്കര താലൂക്ക് ആശുപത്രിയില്‍ പുതുതായി സ്ഥാപിച്ച സി ടി സ്‌കാന്‍  യൂണിറ്റ് ഇന്ന്(ജൂണ്‍ 9) രാവിലെ  10 ന് വീഡിയോ കോണ്‍ഫറന്‍സിങ്ങിലൂടെ ആരോഗ്യ വകുപ്പ് മന്ത്രി കെ കെ  ശൈലജ  ഉദ്ഘാടനം ചെയ്യും. ചടങ്ങില്‍ പി അയിഷാ  പോറ്റി എം എല്‍ എ അധ്യക്ഷയാകും. കൊടിക്കുന്നില്‍ സുരേഷ് എം പി വിശിഷ്ടാതിഥിയാകും.

തദ്ദേശ സ്വയംഭരണ സ്ഥാപന തിരഞ്ഞെടുപ്പിനുള്ള അന്തിമ വോട്ടര്‍പട്ടിക ജൂണ്‍ 17 ന് പ്രസിദ്ധീകരിക്കും. ജനുവരി 20 ന് കരടായി പ്രസിദ്ധീകരിച്ച വോട്ടര്‍ പട്ടിക സംബന്ധിച്ച് മാര്‍ച്ച് 16 വരെ ലഭിച്ച അപേക്ഷകളില്‍ തീര്‍പ്പാക്കാത്തവയുണ്ടെങ്കില്‍ കോവിഡ് പ്രോട്ടോകോള്‍ പാലിച്ച് ജൂണ്‍ 15 നകം പൂര്‍ത്തീകരിക്കും. ലഭിച്ച അപേക്ഷകള്‍ സംബന്ധിച്ച് എന്തെങ്കിലും രേഖകള്‍ (ഫോട്ടോ ഉള്‍പ്പടെ) ആവശ്യമായി വരുന്നപക്ഷം ജൂണ്‍ 11 വരെ അവ സമര്‍പ്പിക്കുന്നതിനുള്ള അവസരം വോട്ടര്‍മാര്‍ക്ക് ലഭിക്കും.
 (പി.ആര്‍.കെ നമ്പര്‍ 1587/2020)

കേരള ഓട്ടോമൊബൈല്‍ വര്‍ക്ക്‌ഷോപ്പ് തൊഴിലാളി ക്ഷേമനിധിയില്‍ അംശദായം 2020 സെപ്തംബര്‍ 30 വരെ ഒടുക്കാം. അംഗത്വം എടുത്ത് അംശദായം ഒടുക്കുന്നതില്‍ വീഴ്ച്ച വരുത്തിയ തൊഴിലാളികള്‍ക്ക് അവസരം ഉപയോഗപ്പെടുത്താം. വിശദ വിവരങ്ങള്‍ കോണ്‍ഗ്രസ് ഭവന് എതിര്‍വശത്തുള്ള ക്ഷേമനിധി ബോര്‍ഡ് ജില്ലാ ഓഫീസിലും 0474-2749334 നമ്പരിലും ലഭിക്കും.
(പി.ആര്‍.കെ നമ്പര്‍ 1586/2020)