ജില്ലാ ആശുപത്രിയിലെ കോവിഡ് വാർഡിൽ ഭക്ഷണം ഉൾപ്പെടെയുള്ള സൗകര്യങ്ങൾ ലഭിക്കുന്നില്ലെന്ന രോഗികളുടെ പരാതി പരിഹരിച്ചതായി ജില്ലാ പഞ്ചായത്ത് പ്രസിഡണ്ട് അഡ്വ. കെ. ശാന്തകുമാരി അറിയിച്ചു.  ജില്ലയിലെ ഒരു കുടുംബശ്രീ യൂണിറ്റുമായി  ചർച്ച നടത്തിയാണ് ഭക്ഷണ വിതരണത്തിനുള്ള നടപടി സ്വീകരിച്ചിരിക്കുന്നത്. ബോഫെ മാതൃകയിൽ രോഗികൾക്ക് തന്നെ ഭക്ഷണം സ്വയം എടുത്തു കഴിക്കുന്ന രീതിയിലാണ് പുതിയ ക്രമീകരണം നടത്തിയിരിക്കുന്നത്. ജില്ലാ കലക്ടർ ഡി.ബാലമുരളി, ജില്ലാ ആശുപത്രി സൂപ്രണ്ട് ഡോ. രമാദേവി എന്നിവരുമായി നടത്തിയ ചർച്ചയുടെ അടിസ്ഥാനത്തിലാണ് തീരുമാനം.

ലോക്ക് ഡൗണിനെ തുടർന്ന് ഇന്ന് (ജൂൺ 3) വൈകിട്ട് 6.30 വരെ ജില്ലയിൽ പോലീസ് നടത്തിയ പരിശോധനയിൽ 10  കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി  ആർ. മനോജ് കുമാർ അറിയിച്ചു. ഇത്രയും കേസുകളിലായി 24 പേരെ അറസ്റ്റ് ചെയ്തു. 4 വാഹനങ്ങൾ പിടിച്ചെടുത്തു.   
ലോക്ക് ഡൗൺ നിർദ്ദേശങ്ങൾ  പാലിക്കാത്തതിനെ തുടർന്നാണ് കേസ് രജിസ്റ്റർ ചെയ്തത്.

 മാസ്ക് ധരിക്കാത്ത 3 പേർക്കെതിരെ കേസ് 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 3 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത പറഞ്ഞതിനു ശേഷം കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു.

കോവിഡ് 19 മായി ബന്ധപ്പെട്ട് ജില്ലയില്‍ നിലവില്‍ 148 പേരാണ് ചികിത്സയിലുള്ളത്.  കൂടാതെ, ജില്ലയിലെ വിവിധ ആശുപത്രികളിലായി 39 പേർ നിരീക്ഷണത്തിലുണ്ട്. 

ഇന്ന് (ജൂൺ 3) ജില്ലയിൽ 5 പേർക്കാണ് കോവിഡ് 19 സ്ഥിരീകരിച്ചത്. 

പരിശോധനയ്ക്കായി ഇതുവരെ അയച്ച 8795 സാമ്പിളുകളില്‍ 163 എണ്ണം പോസിറ്റീവാണ്. ഇതില്‍ 15 പേര്‍ രോഗം ഭേദമായി ആശുപത്രി വിട്ടു. 

സെന്റിനെന്റൽ സർവൈലൻസ് പ്രകാരം ഇതുവരെ 974 സാമ്പിളുകളാണ് പരിശോധിച്ചത്.

24*7 കോള്‍ സെന്റര്‍ നമ്പര്‍ 0491 2505264, 2505189, 2505847

 ഇതര സംസ്ഥാനങ്ങളിൽ  നിന്ന് വാളയാർ ചെക്പോസ്റ്റ് വഴി ഇന്ന്   ( ജൂൺ മൂന്നിന് വൈകിട്ട് 6 വരെ) 1305 പേർ  കേരളത്തിൽ എത്തിയതായി സ്പെഷ്യൽ ബ്രാഞ്ച് ഡി.വൈ.എസ്.പി ആർ. മനോജ് കുമാർ അറിയിച്ചു.910 പുരുഷൻമാരും 241 സ്ത്രീകളും 154
കുട്ടികളുമുൾപ്പെടെയുള്ളവർ 521 വാഹനങ്ങളിലായാണ് കേരളത്തിലേക്ക് എത്തിയത്. 391 കാറുകൾ, 51 ഇരുചക്രവാഹനങ്ങൾ,9 ട്രാവലറുകൾ,68 മിനി ബസുകൾ, രണ്ട് ആംബുലൻസുകൾ   എന്നിവയാണ് അതിർത്തി കടന്ന് കേരളത്തിലെത്തിയത്.
 

പാലക്കാട് ജില്ലയിൽ ഇന്ന്(ജൂൺ മൂന്ന്) അഞ്ച് പേർക്ക് കോവിഡ് 19  സ്ഥിരീകരിച്ചു. ഇതോടെ  ജില്ലയിൽ കോവിഡ്‌  സ്ഥിരീകരിച്ച്  148 പേരാണ് ചികിത്സയിൽ ഉള്ളത്.

 ഇന്ന് സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്. 

ചെന്നൈ- 1
മെയ് 25 ന് ചെന്നൈയിൽ നിന്നും എത്തിയ കൊപ്പം മണ്ണേങ്ങോട് സ്വദേശി (62, പുരുഷൻ)

അബുദാബി-2
മെയ് 17ന് അബുദാബിയിൽനിന്ന് എത്തിയിട്ടുള്ള  വലിയപാടം സ്വദേശി (35, പുരുഷൻ) എലപ്പുള്ളി നോമ്പിക്കോട് സ്വദേശി (47, പുരുഷൻ) 

 അബുദാബി,  ബഹറിൻ, ജിദ്ദ ദോഹ,  ദുബായ്,  കുവൈറ്റ് എന്നിവിടങ്ങളിൽ നിന്നും  നെടുമ്പാശ്ശേരി, കരിപ്പൂർ അന്താരാഷ്ട്ര വിമാനത്താവളങ്ങളിൽ  ഇന്നലെ (ജൂൺ 2) ജില്ലയിലെത്തിയത് 129 പാലക്കാട് സ്വദേശികൾ.  ഇവരിൽ 30 പേർ  ഇൻസ്റ്റിറ്റ്യൂഷനൽ ക്വാറന്റൈനിൽ പ്രവേശിച്ചു.  ബാക്കിയുള്ള 99 പേർ വീടുകളിൽ നിരീക്ഷണത്തിലാണ്. 

 അബുദാബിയിൽ നിന്നും കരിപ്പൂർ അന്താരാഷ്ട്ര വിമാനത്താവളത്തിൽ 23 പാലക്കാട് സ്വദേശികളാണ് തിരിച്ചെത്തിയത്. ഇവരിൽ 12 പേർ  ഇൻസ്റ്റിറ്റ്യൂഷനൽ ക്വാറന്റൈനിൽ  പ്രവേശിച്ചു. 11 പേർ  വീട്ടിൽ നിരീക്ഷണത്തിലാണ്.

 ഇതര സംസ്ഥാനങ്ങളിൽ  നിന്ന് വാളയാർ ചെക്പോസ്റ്റ് വഴി ഇന്നലെ   ( ജൂൺ രണ്ടിനു രാവിലെ 6 മുതൽ ജൂൺ മൂന്നിന് രാവിലെ 6 വരെ) 1495 പേർ  കേരളത്തിൽ എത്തിയതായി സ്പെഷ്യൽ ബ്രാഞ്ച് ഡി.വൈ.എസ്.പി ആർ. മനോജ് കുമാർ അറിയിച്ചു. 975 പുരുഷൻമാരും 332 സ്ത്രീകളും 188
കുട്ടികളുമുൾപ്പെടെയുള്ളവർ 557 വാഹനങ്ങളിലായാണ് കേരളത്തിലേക്ക് എത്തിയത്.361 കാറുകൾ, 70 ഇരുചക്രവാഹനങ്ങൾ,22 ട്രാവലറുകൾ,100 മിനി ബസുകൾ, നാല്  ഓട്ടോറിക്ഷകൾ എന്നിവയാണ് അതിർത്തി കടന്ന് കേരളത്തിലെത്തിയത്.
 

ലോക്ക് ഡൗണിനെ തുടർന്ന് ഇന്ന് (ജൂൺ 4)  രാത്രി 7.30 വരെ ജില്ലയിൽ പോലീസ് നടത്തിയ പരിശോധനയിൽ 5  കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി  ആർ. മനോജ് കുമാർ അറിയിച്ചു. ഇത്രയും കേസുകളിലായി 2 പേരെ അറസ്റ്റ് ചെയ്തു. 2 വാഹനങ്ങൾ പിടിച്ചെടുത്തു.   
ലോക്ക് ഡൗൺ നിർദ്ദേശങ്ങൾ  പാലിക്കാത്തതിനെ തുടർന്നാണ് കേസ് രജിസ്റ്റർ ചെയ്തത്.

 മാസ്ക് ധരിക്കാത്ത 52 പേർക്കെതിരെ കേസ് 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 52 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത പറഞ്ഞതിനു ശേഷം കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു.

ദമാം, ദുബായ്,  അബുദാബി,  റാസൽഖൈമ, ബഹറിനിൽ
എന്നിവിടങ്ങളിൽ നിന്നും  നെടുമ്പാശ്ശേരി, കരിപ്പൂർ അന്താരാഷ്ട്ര വിമാനത്താവളങ്ങളിൽ  ഇന്നലെ (ജൂൺ 3) ജില്ലയിലെത്തിയത് 52 പാലക്കാട് സ്വദേശികൾ.  ഇവരിൽ 31 പേർ  ഇൻസ്റ്റിറ്റ്യൂഷനൽ ക്വാറന്റൈനിൽ പ്രവേശിച്ചു.  ബാക്കിയുള്ള 21 പേർ വീടുകളിൽ നിരീക്ഷണത്തിലാണ്. 

 ദമാമിൽ നിന്നും നെടുമ്പാശ്ശേരി അന്താരാഷ്ട്ര വിമാനത്താവളത്തിൽ 4 പാലക്കാട് സ്വദേശികളാണ് തിരിച്ചെത്തിയത്. ഇവരിൽ ഒരാൾ ഇൻസ്റ്റിറ്റ്യൂഷനൽ ക്വാറന്റൈനിൽ  പ്രവേശിച്ചു. 3 പേർ വീട്ടിൽ നിരീക്ഷണത്തിലാണ്.

ജില്ലയിൽ ചികിത്സയിൽ ഉണ്ടായിരുന്ന 13 പേർ ഇന്ന്(ജൂൺ നാല്) രോഗമുക്തരായി ആശുപത്രി വിട്ടു.