ജില്ലയില്‍ ഒരാള്‍ക്കു കൂടി ഇന്നലെ (മെയ് 27) കോവിഡ് ബാധ സ്ഥിരീകരിച്ചതായി ജില്ലാ കലക്ടര്‍ അറിയിച്ചു. മെയ് 23ന് മുംബൈയില്‍ നിന്ന് നാട്ടിലെത്തിയ കോട്ടയം മലബാര്‍ സ്വദേശി 45കാരനാണ് പുതുതായി കോവിഡ് സ്ഥിരീകരിച്ചത്. 25ന് അഞ്ചരക്കണ്ടി കോവിഡ് ചികില്‍സാ കേന്ദ്രത്തില്‍ ഇദ്ദേഹം സ്രവ പരിശോധനയ്ക്ക് വിധേയനായിരുന്നു. ഇതോടെ ജില്ലയില്‍ കോവിഡ് ബാധിതരുടെ എണ്ണം 197 ആയി. ഇതില്‍ 119 പേര്‍ രോഗം ഭേദമായി ആശുപത്രി വിട്ടു.  

നിര്‍മ്മിക്കാന്‍ ഒരുങ്ങി  ഹരിതകേരളം മിഷന്‍

ആരോഗ്യ വകുപ്പിന്റെ നിര്‍ദേശങ്ങള്‍ക്കനുസൃതമായി ആശങ്കകള്‍ക്കിട നല്‍കാതെ രണ്ടാംദിനവും.  33722 പേരാണ് എസ്എസ്എല്‍സി പരീക്ഷ എഴുതിയത്. 56 വിദ്യാര്‍ഥികള്‍ മറ്റ് ജില്ലകളില്‍ നിന്ന് സെന്റര്‍ മാറ്റം വഴി കണ്ണൂര്‍ ജില്ലയില്‍ പരീക്ഷ എഴുതി. 203 സെന്ററുകളിലായി 33737 പേരാണ് പരീക്ഷക്ക് രജിസ്റ്റര്‍ ചെയ്തത്. പരീക്ഷക്ക് ഹാജരാകാത്ത 15 പേരില്‍ 9 പേര്‍ മാര്‍ച്ചിലെ പരീക്ഷകളും എഴുതാത്തവരാണ്.

ജില്ലയില്‍ എട്ടു പേര്‍ക്കു കൂടി ഇന്നലെ (മെയ് 26) കോവിഡ് ബാധ സ്ഥിരീകരിച്ചതായി ജില്ലാ കലക്ടര്‍ അറിയിച്ചു. രണ്ടു പേര്‍ ദുബൈയില്‍ നിന്നും രണ്ടു പേര്‍ മുംബൈയില്‍ നിന്നും വന്നവരാണ്. ബാക്കി നാലു പേര്‍ക്ക് സമ്പര്‍ക്കത്തിലൂടെയാണ് രോഗബാധ.
മെയ് 17ന് ഐഎക്‌സ് 344 വിമാനത്തില്‍ കണ്ണൂര്‍ വിമാനത്താവളം വഴിയെത്തിയ മട്ടന്നൂര്‍ സ്വദേശികളായ 13കാരനും ഏഴ് വയസ്സുകാരിയുമാണ് ദുബൈയില്‍ നിന്നു വന്നവര്‍. പന്ന്യന്നൂര്‍ സ്വദേശികളായ 64കാരനും 62കാരനും മെയ് 18നാണ് മുബൈയില്‍ നിന്നെത്തിയത്.

കര്‍ശന സുരക്ഷയില്‍ പരീക്ഷ: എസ്എസ്എല്‍സി എഴുതിയത് 33778 വിദ്യാര്‍ഥികള്‍

കള്ള് ഷാപ്പ് വില്‍പന
2020-21 വര്‍ഷത്തെ കള്ള് ഷാപ്പ് വില്‍പന മെയ് 29, 30, ജൂണ്‍ ഒന്ന് തീയതികളില്‍ കലക്ടറേറ്റ് ഓഡിറ്റോറിയത്തില്‍ രാവിലെ 10 മണിക്ക് നടത്തും.  ഫോണ്‍: 0497 2706698.

പച്ച വിരിച്ച് കണ്ണെത്താ ദൂരം നീണ്ടു കിടക്കുന്ന പാടം..നെല്‍കൃഷി എന്നു കേള്‍ക്കുമ്പോള്‍ ആദ്യം മനസില്‍ ഓടിയെത്തുന്ന ചിത്രം അതാണ്.  എന്നാല്‍  വേണമെങ്കില്‍ നെല്ല് ഓടിനകത്തും വിളയുമെന്നു തെളിയിക്കുകയാണ് തില്ലങ്കേരി ഗ്രാമപഞ്ചായത്തിലെ പന്ത്രണ്ടാം വാര്‍ഡ് അംഗമായ കെ കെ പ്രീത. മച്ചൂര്‍ മലയിലുള്ള പ്രീതയുടെ വീട്ടുമുറ്റത്തെ നെല്‍കൃഷി അല്‍പം കൗതുകമുണര്‍ത്തുന്നതാണ്. പഴയ വീടിന്റെ ഓടുകള്‍ ചേര്‍ത്തുവച്ചു കെട്ടി അതില്‍ മണ്ണ് നിറച്ചാണ് ഇവര്‍ കൃഷി സ്ഥലം ഒരുക്കിയിരിക്കുന്നത്. സ്ഥല പരിമിതിയും ഗ്രോബാഗിന്റെ ലഭ്യതക്കുറവുമാണ് പുതിയ പരീക്ഷണത്തിന് പ്രേരണയായത്

ഊര്‍ജ്ജവകുപ്പിന് കീഴിലുള്ള അനെര്‍ട്ട് പി എം -കുസും പദ്ധതി പ്രകാരം കാര്‍ഷിക പമ്പുകള്‍ സോളാറിലേക്ക് മാറ്റുന്ന പദ്ധതിക്ക് തുടക്കമായി. ഇതിനുള്ള രജിസ്ട്രേഷന്‍ അനെര്‍ട്ട് ജില്ല ഓഫീസില്‍ ആരംഭിച്ചു.   കോവിഡ് 19 ബാധയെ തുടര്‍ന്ന് പ്രഖ്യാപിച്ച ലോക്ക് ഡൗണ്‍ കാര്‍ഷിക മേഖലയില്‍ സൃഷ്ടിച്ച ആഘാതം മറികടക്കുന്നതിനും  കര്‍ഷകര്‍ക്ക്  അധിക വരുമാനം ലഭ്യമാക്കുന്നതിനുമാണ് പദ്ധതി നടപ്പാക്കുന്നത്.