ചെന്നീര്‍ക്കര ഗ്രാമപഞ്ചായത്തില്‍ ലൈഫ് ഗുണഭോക്തൃപട്ടികയില്‍ പട്ടികജാതി/ വര്‍ഗ/മത്സ്യത്തൊഴിലാളി വിഭാഗത്തില്‍പ്പെട്ട പുതിയ ഗുണഭോക്താക്കളെ ഉള്‍പ്പെടുത്തു ന്നതിന് അപേക്ഷ ക്ഷണിച്ചു. ഒരു റേഷന്‍ കാര്‍ഡില്‍ ഒന്നിലധികം കുടുംബം ഉള്‍പ്പെട്ടിട്ടുണ്ടെങ്കില്‍ സ്വന്തമായി ഭൂമിയും വീടും ഇല്ലാത്ത കുടുംബത്തിന് അപേക്ഷിക്കാം. റേഷന്‍ കാര്‍ഡിന്റെ പകര്‍പ്പ്, ജാതി തെളിയിക്കുന്ന സര്‍ട്ടിഫിക്കറ്റ്, ആധാര്‍ കാര്‍ഡിന്റെ പകര്‍പ്പ് എന്നിവ സഹിതമുള്ള അപേക്ഷ ഈ മാസം 15നകം ലഭ്യമാക്കണമെന്ന് ഗ്രാമപഞ്ചായത്ത് സെക്രട്ടറി അറിയിച്ചു.     

ജില്ലാ കളക്ടറുടെ താലൂക്ക്തല ഓണ്‍ലൈന്‍ പരാതിപരിഹാര അദാലത്തിന് ഇന്ന് കോന്നിയില്‍ തുടക്കമാകും. ജില്ലാ കളക്ടര്‍ കളക്ടറേറ്റില്‍ നിന്നും വീഡിയോ കോണ്‍ഫറന്‍സിലൂടെ അക്ഷയ കേന്ദ്രങ്ങള്‍ മുഖേനയാണ് പൊതുജനങ്ങളുടെ പരാതികള്‍ കേള്‍ക്കുന്നത്. അക്ഷയ കേന്ദ്രങ്ങള്‍ മുഖേന രജിസ്റ്റര്‍ ചെയ്തിട്ടുള്ള പരാതികളാണ് അദാലത്തില്‍ പരിഗണിക്കുന്നത്.  

ജില്ലകളില്‍ നടത്തിവരാറുള്ള പൊതുജനപരാതിപരിഹാര അദാലത്തുകള്‍ ഓണ്‍ലൈനില്‍ സംഘടിപ്പിക്കുന്നതിന്റെ സാധ്യത പരിശോധിക്കണമെന്ന മുഖ്യമന്ത്രിയുടെ അറിയിപ്പിനെ തുടര്‍ന്നാണ് ഓണ്‍ലൈന്‍ പരാതിപരിഹാര സംവിധാനം ഏര്‍പ്പെടുത്തുന്നത്. 

കൊറോണ ബാധ സംശയിച്ച് ജില്ലയില്‍ നിരീക്ഷണത്തിലുള്ളത് 9420 പേര്‍. ഇവരില്‍ കണ്ണൂര്‍ ഗവ. മെഡിക്കല്‍ കോളേജ് ആശുപത്രിയില്‍ 63 പേരും അഞ്ചരക്കണ്ടി കോവിഡ് ചികില്‍സാ കേന്ദ്രത്തില്‍ 85 പേരും തലശ്ശേരി ജനറല്‍ ആശുപത്രിയില്‍ 28 പേരും കണ്ണൂര്‍ ജില്ലാ ആശുപത്രിയില്‍ 21 പേരും വീടുകളില്‍ 9223 പേരുമാണ് നിരീക്ഷണത്തില്‍ കഴിയുന്നത്. ഇതുവരെയായി ജില്ലയില്‍ നിന്നും 7275 സാമ്പിളുകള്‍ പരിശോധനയ്ക്കയച്ചതില്‍ 6633 എണ്ണത്തിന്റെ ഫലം ലഭ്യമായി. 6212 എണ്ണത്തിന്റെ ഫലം നെഗറ്റീവാണ്. 642 എണ്ണത്തിന്റെ ഫലം ലഭിക്കാനുണ്ട്

സംസ്ഥാന ഭാഗ്യക്കുറി ക്ഷേമനിധി ബോര്‍ഡ് തിരുവല്ല മുനിസിപ്പാലിറ്റി, കുറ്റൂര്‍ പഞ്ചായത്ത് എന്നിവിടങ്ങളിലെ ക്ഷേമനിധി അംഗങ്ങള്‍ക്ക് നല്‍കുന്ന   ഭാഗ്യകൂപ്പണ്‍, മാസ്‌ക്, സാനിറ്റൈസര്‍ എന്നിവ ഇന്ന് (6) രാവിലെ 11 മുതല്‍ തിരുവല്ല മുനിസിപ്പല്‍ ബസ് സ്റ്റാന്‍ഡില്‍ വിതരണം ചെയ്യും.  ക്ഷേമനിധി അംഗങ്ങള്‍ അംഗത്വ പാസ്ബുക്ക്, ആധാര്‍ കാര്‍ഡ് എന്നിവ സഹിതം ഹാജരാകണം. ഫോണ്‍: 0468 2222709.

ട്രോളിംഗ് നിരോധനം ജൂണ്‍ 9 ന് അര്‍ധരാത്രി മുതല്‍
അന്യ സംസ്ഥാന ബോട്ടുകള്‍ 9 നു മുമ്പായി കേരള തീരം വിട്ടു പോകണം
ജൂണ്‍ 9 മുതല്‍ ജില്ലയില്‍ ട്രോളിംഗ് നിരോധനം . ജൂലൈ 31 അര്‍ധരാത്രി വരെ 52 ദിവസത്തേക്കാണ് നിരോധനം. അന്യ സംസ്ഥാന ബോട്ടുകള്‍ ജൂണ്‍ 9 ന് മുമ്പായി കേരള തീരം വിട്ടു പോകണം. അല്ലാത്തവര്‍ക്കെതിരെ കര്‍ശന നടപടി ഉണ്ടാകും. കോവിഡ് പശ്ചാത്തലത്തില്‍ സാമൂഹിക അകലം പാലിച്ചുകൊണ്ട് മാത്രമേ ഇന്‍ബോര്‍ഡ് വള്ളങ്ങള്‍ക്ക് കടലില്‍ ഇറങ്ങാവൂ എന്നും ട്രോളിംഗ് നിരോധനവുമായി ബന്ധപ്പെട്ട്  കലക്ടറേറ്റ് അക്കാഡമിക് ഹാളില്‍ എഡിഎം ഇ പി മേഴ്‌സിയുടെ അധ്യക്ഷതയില്‍ ചേര്‍ന്ന യോഗം നിര്‍ദ്ദേശം നല്‍കി.

ജില്ലയില്‍ തദ്ദേശ സ്ഥാപനങ്ങളുടെ നേതൃത്വത്തില്‍ മഴക്കാലപൂര്‍വ ശുചീകരണ പ്രവര്‍ത്തനങ്ങള്‍ സംഘടിപ്പിച്ചു. ജനപ്രതിനിധികളുടെയും ഉദ്യോഗസ്ഥരുടെയും നേതൃത്വത്തിലാണ് ജലാശയങ്ങള്‍, പാതയോരങ്ങള്‍, പൊതുസ്ഥലങ്ങള്‍, വീടുകളുടെയും ഓഫീസുകളുടെയും പരിസരങ്ങള്‍  തുടങ്ങിയവ ശുചീകരിച്ചത്. സന്നദ്ധ സംഘടനകള്‍, ക്ലബ്ബുകള്‍ തുടങ്ങിയവയുടെ സഹകരണത്തോടെയായിരുന്നു ശുചീകരണം.

ജില്ലയില്‍ ഏഴു പേര്‍ക്കു കൂടി ഇന്നലെ (മെയ് 31) കോവിഡ് ബാധ സ്ഥിരീകരിച്ചതായി ജില്ലാ കലക്ടര്‍ അറിയിച്ചു. നാലു പേര്‍ വിദേശരാജ്യങ്ങളില്‍ നിന്നും മൂന്നു പേര്‍ മറ്റു സംസ്ഥാനങ്ങളില്‍ നിന്നും വന്നവരാണ്.

ജില്ലയില്‍ എട്ടു പേര്‍ക്കു കൂടി ഇന്നലെ (മെയ് 30) കോവിഡ് ബാധ സ്ഥിരീകരിച്ചതായി ജില്ലാ കലക്ടര്‍ അറിയിച്ചു. എട്ടു പേരും മുംബൈയില്‍ നിന്നും വന്നവരാണ്.

ആരവങ്ങളോ ആര്‍പ്പുവിളികളോ ഇല്ലാതെ ഹയര്‍ സെക്കണ്ടറി പരീക്ഷയ്ക്ക് സമാപനം. വെള്ളി, ശനി ദിവസങ്ങളിലായി നടന്ന ഹയര്‍ സെക്കണ്ടറി, വിഎച്ച്എസ്ഇ ഒന്നാം വര്‍ഷ, രണ്ടാം വര്‍ഷ പരീക്ഷ വിദ്യാര്‍ഥികള്‍ക്ക് തെല്ലും ആശങ്കകയ്ക്ക്് വക നല്‍കാതെയാണ് അവസാനിച്ചത്.