കോട്ടയം ജില്ലയില്‍ പുതിയതായി ഒന്‍പതു പേര്‍ക്കു കൂടി കോവിഡ് സ്ഥിരീകരിച്ചു. മൂന്നു പേര്‍ വിദേശത്തുനിന്നും അഞ്ചു പേര്‍ മറ്റു സംസ്ഥാനങ്ങളില്‍നിന്നും എത്തിയവരാണ്. ഒരാള്‍ക്ക് സമ്പര്‍ക്കം മുഖേനയാണ് രോഗം ബാധിച്ചത്. എല്ലാവരും ഹോം ക്വാറന്‍റയിനിലായിരുന്നു. വിദേശത്ത് ചികിത്സയ്ക്കുശേഷം കോവിഡ് മുക്തയായി നാട്ടിലെത്തിയ യുവതിയും ഒരു കുടുംബത്തിലെ നാലു പേരും രോഗം ബാധിച്ചവരില്‍ ഉള്‍പ്പെടുന്നു.  ഏഴു പേര്‍ക്ക് രോഗലക്ഷണങ്ങള്‍ ഉണ്ടായിരുന്നു. 

രോഗം ബാധിച്ചവര്‍

1. കൊല്‍ക്കത്തയില്‍നിന്ന്  ജൂണ്‍ 22ന് എത്തിയ കൂരോപ്പട സ്വദേശിനി(60). രോഗലക്ഷണങ്ങള്‍ ഉണ്ടായിരുന്നില്ല.

പറത്താനം പ്രാഥമികാരോഗ്യ കേന്ദ്രത്തില്‍ ജൂണിയര്‍ ഹെല്‍ത്ത് ഇന്‍സ്പെക്ടര്‍, ജൂണിയര്‍ പബ്ലിക് ഹെല്‍ത്ത് നഴ്സ് തസ്തികകളില്‍ താത്കാലിക നിയമനത്തിന് അപേക്ഷ ക്ഷണിച്ചു.  നിശ്ചിത യോഗ്യതയും 40ല്‍ താഴെ പ്രായവുമുള്ളവരെയാണ് പരിഗണിക്കുന്നത്. 

അപേക്ഷ യോഗ്യത തെളിയിക്കുന്ന രേഖകള്‍ സഹിതം ജൂലൈ എട്ടിനകം സമര്‍പ്പിക്കണം.  ഇന്‍റര്‍വ്യൂ തീയതി അപേക്ഷകരെ നേരിട്ട് അറിയിക്കും. ഫോണ്‍: 04828 296001

മൂന്നു കോടി രൂപയുടെ പദ്ധതി

വിനോദ സഞ്ചാര കേന്ദ്രമായ ഇല്ലിക്കല്‍കല്ലില്‍ അടിസ്ഥാന സൗകര്യങ്ങളും സുരക്ഷയും ഉറപ്പാക്കുന്നതിന് കോട്ടയം ജില്ലാ ടൂറിസം പ്രൊമോഷന്‍ കൗണ്‍സില്‍ മുഖേന ടൂറിസം വകുപ്പ് നടപ്പാക്കുന്ന മൂന്നു കോടി രൂപയുടെ വികസന പദ്ധതിയുടെ നിര്‍മാണോദ്ഘാടനം  ഇന്ന് (ജൂലൈ 3) നടക്കും.

ടൂറിസം വകുപ്പിന് സംസ്ഥാന സര്‍ക്കാര്‍ വിട്ടുനല്‍കിയിട്ടുള്ള 50 സെന്‍റ് സ്ഥലത്ത് പ്രവേശന കവാടം, അഡ്മിനിസ്ട്രേഷന്‍ ബ്ലോക്ക്, ടോയ്ലറ്റ് സമുച്ചയം, കഫറ്റേരിയ, കോട്ടേജുകള്‍, ഷോപ്പുകള്‍, വ്യൂ പോയന്‍റ്, നടപ്പാത  തുടങ്ങിയ സൗകര്യങ്ങളാണ്  ക്രമീകരിക്കുന്നത്. 

തമിഴ്നാട് സര്‍ക്കാരിന്‍റെ ബോംബ് ഡിസ്പോസല്‍ സ്ക്വാഡില്‍ ചേരുന്നതിന് വിമുക്തഭടന്മാര്‍ക്ക് അവസരം. എസ്.എസ്.എല്‍.സി അല്ലെങ്കില്‍ തത്തുല്യ യോഗ്യതയും ആര്‍മി/എന്‍.എസ്.ജി/സി.എം.ഇ(പൂന) എന്നിവിടങ്ങളില്‍ നിന്നും ബോംബ് ഡിറ്റക്ഷന്‍ ആന്‍റ് ഡിസ്പോസല്‍ കോഴ്സില്‍ പരിശീലനം നേടിയവരെയും പ്രവൃത്തിപരിചയവുമുള്ളവരെയുമാണ് പരിഗണിക്കുന്നത്.   താല്‍പ്പര്യമുള്ളവര്‍ ജില്ലാ സൈനിക ക്ഷേമഓഫീസുമായി ബന്ധപ്പെടണം.ഫോണ്‍: 04812371187

ഇതര സംസ്ഥാനങ്ങളില്‍നിന്ന് മുംബൈ-തിരുവനന്തപുരം, നിസാമുദീന്‍- എറണാകുളം, ന്യൂഡല്‍ഹി-തിരുവനന്തപുരം സ്‌പെഷ്യല്‍ ട്രെയിനുകളിലായി വ്യാഴാഴ്ച (ജൂലൈ 2) പത്തനംതിട്ട ജില്ലക്കാരായ 11 പേര്‍കൂടി എത്തി. ഇവരില്‍ ആറു പേരെ കോവിഡ് കെയര്‍ സെന്ററുകളിലും അഞ്ചു പേരെ വീടുകളിലും നിരീക്ഷണത്തില്‍ പ്രവേശിപ്പിച്ചു.

തിരുവനന്തപുരം,കൊച്ചി, കരിപ്പൂര്‍ അന്താരാഷ്ട്ര വിമാനത്താവളങ്ങള്‍ വഴി  വ്യാഴാഴ്ച (ജൂലൈ 2) 14 വിമാനങ്ങളിലായി പത്തനംതിട്ട ജില്ലക്കാരായ 119 പ്രവാസികള്‍കൂടി എത്തി. ഇവരില്‍ 23 പേരെ വിവിധ കോവിഡ് കെയര്‍ സെന്ററുകളിലും രണ്ടു ഗര്‍ഭിണികള്‍ ഉള്‍പ്പെടെ 96 പേരെ വീടുകളിലും നിരീക്ഷണത്തിലാക്കി.    

കോവിഡ് 19 സുരക്ഷയുടെ ഭാഗമായി ജില്ലയിലെ ഓട്ടോറിക്ഷകളില്‍ ഡ്രൈവറേയും യാത്രക്കാരേയും വേര്‍തിരിക്കുന്ന സുതാര്യ ഷീല്‍ഡുകള്‍ സ്ഥാപിക്കുന്നതിന് എഡിഎം അലക്‌സ് പി.തോമസിന്റെ അധ്യക്ഷതയില്‍ കളക്ടറേറ്റില്‍ ചേര്‍ന്ന സംയുക്ത ട്രേഡ് യൂണിയന്‍ നേതാക്കളുടെ യോഗത്തില്‍ തീരുമാനമായി.  യാത്രക്കാരുടെ പേരുവിവരങ്ങള്‍ രേഖപ്പെടുത്താന്‍ രജിസ്റ്റര്‍ സൂക്ഷിക്കും.  ജില്ലാ മെഡിക്കല്‍ ഓഫീസര്‍ ഡോ.എ.എല്‍.ഷീജ, ട്രേഡ് യൂണിയന്‍ നേതാക്കളായ കെ.അനില്‍കുമാര്‍, അഡ്വ.അബ്ദുള്‍ മനാഫ്, പി.കെ.ഗോപി, സാബു കണ്ണങ്കര,പി.ജി.ഹരികുമാര്‍ തുടങ്ങിയവര്‍ പങ്കെടുത്തു.

ആറന്മുള ഗ്രാമ പഞ്ചായത്തിലെ രജിസ്റ്റേഡ് മത്സ്യത്തൊഴിലാളികള്‍ക്കും അനുബന്ധ മത്സ്യത്തൊഴിലാളികള്‍ക്കും മോട്ടോര്‍സൈക്കിളും ഐസ്‌ബോക്‌സും ലഭിക്കുന്നതിന് അപേക്ഷിക്കാം. ഒരു മോട്ടോര്‍സൈക്കിളും ഐസ്‌ബോക്‌സും അടങ്ങുന്ന യൂണിറ്റിന് പരമാവധി 60000 രൂപയാണ് ചെലവ് പ്രതീക്ഷിക്കുന്നത്. 50 ശതമാനം സബ്‌സിഡി ലഭിക്കും.  അപേക്ഷ പത്തനംതിട്ട ജില്ലാ ഓഫീസില്‍ ബന്ധപ്പെട്ട രേഖകള്‍ സഹിതം ജൂലൈ ഏഴിനകം നല്‍കണം. ഫോണ്‍: 0468 2223134.

ജില്ലയില്‍ വനം വകുപ്പില്‍ (കൊല്ലം സര്‍ക്കിള്‍) ഫോറസ്റ്റര്‍ (സെക്ഷന്‍ ഫോറസ്റ്റ് ഓഫീസര്‍) (ഫസ്റ്റ് എന്‍സിഎ ധീവര) (കാറ്റഗറി നമ്പര്‍ 621/2017) തസ്തികയുടെ ചുരുക്കപ്പട്ടികയില്‍ ഉള്‍പ്പെട്ട ഉദേ്യാഗാര്‍ഥികള്‍ക്ക് ഈ മാസം 10ന് എറണാകുളം ജില്ലാ പി.എസ്.സി ഓഫീസില്‍ അഭിമുഖം നടത്തും. അഭിമുഖത്തിന് ഉള്‍പ്പെടുത്തിയിട്ടുള്ള ഉദേ്യാഗാഥികള്‍ക്ക് ഇന്റര്‍വ്യൂ മെമ്മോ പ്രൊഫൈലില്‍ അയച്ചിട്ടുണ്ട്. കൂടുതല്‍ വിവരം ജില്ലാ പി.എസ്.സി ഓഫീസില്‍ ലഭിക്കും. ഫോണ്‍: 0468 2222665.