നെടുങ്കണ്ടത്ത് റിസോര്‍ട്ടില്‍ നിയമവിരുദ്ധമായി നിശാപാര്‍ട്ടിയും ബെല്ലി ഡാന്‍സും സംഘടിപ്പിച്ച കേസില്‍ റിസോര്‍ട്ട് ഉടമ ഉള്‍പ്പെടെ 22 പേരെക്കൂടി പോലീസ് അറസ്റ്റ് ചെയ്തു.

മരിയാപുരം ഗ്രാമപഞ്ചായത്തില്‍ നിന്നും വിവിധ സാമൂഹ്യ സുരക്ഷാ പെന്‍ഷനുകള്‍ വാങ്ങുന്ന ഗുണഭോക്താക്കള്‍ ജൂലൈ 15ന് മുമ്പായി മസ്റ്ററിംഗ് നടത്തണം. മസ്റ്ററിംഗ് നടത്താത്ത ഗുണഭോക്താക്കള്‍ക്ക് അടുത്ത ഗഡു മുതല്‍ പെന്‍ഷന്‍ അനുവദിക്കില്ലായെന്ന് സെക്രട്ടറി അറിയിച്ചു.

        കുമളി പഞ്ചായത്ത് കാര്യാലയത്തില്‍ പ്രവര്‍ത്തിച്ചു കൊണ്ടിരുന്ന മത്സ്യബന്ധന വകുപ്പ് അസി.ഡയറക്ടറുടെ കാര്യാലയം  കുമളിയില്‍ നിന്ന് പൈനാവിലെ പഴയ കേന്ദ്രീയ വിദ്യാലയ സമുച്ചയത്തിലേക്ക് മാറ്റി. ഫോണ്‍ നമ്പര്‍- 04862 232550

സ്കൂളിൽ നിന്നും ഉച്ചഭക്ഷണ പദ്ധതിയിൽ ഉൾപ്പെട്ട വിദ്യാർഥികൾക്കായി ഭക്ഷ്യധാന്യ കിറ്റുകളുടെ വിതരണം തൊടുപുഴ നഗരസഭയിൽ തുടങ്ങി. 
പ്രീപ്രൈമറി മുതൽ എട്ടാം ക്ലാസ് വരെയുള്ള കുട്ടികള്‍ക്കാണ് അരിയും പലവ്യജ്ഞനങ്ങളും അടങ്ങിയ കിറ്റ് വിതരണം ചെയ്യുക. സംസ്ഥാന പൊതുവിദ്യാഭ്യാസ വകുപ്പാണ് ഭക്ഷ്യ കിറ്റ് വിതരണ പദ്ധതി നടപ്പിലാക്കുന്നത്.

  ഇടുക്കി മെഡിക്കല്‍ കോളേജാശുപത്രിയില്‍ തയാറാകുന്ന ഡയാലിസിസ് യൂണിറ്റിന്റെയും ബ്ളഡ് ബാങ്കിന്റെയും ഉദ്ഘാടനത്തിനു മുന്നോടിയായുള്ള ഒരുക്കങ്ങള്‍ സ്വാഗതസംഘം യോഗം വിലയിരുത്തി. ജില്ലാ കളക്ടര്‍ എച്ച് ദിനേശന്റെ അധ്യക്ഷതയിലാണ് യോഗം ചേര്‍ന്നത്. ജൂലായ് 14ന് ഉദ്ഘാടനം നടത്താനാണ് തീരുമാനം. ഇതുമായി ബന്ധപ്പെട്ട മറ്റ് ഘടകങ്ങളുടെയും ഉദ്ഘാടനം ഇതോടൊപ്പം നടത്തും. ഡയാലിസിസ് യൂണിറ്റ്, ബ്ളഡ് ബാങ്ക് എന്നിവ കൂടാതെ ഐസിയു, പിസിആര്‍ ലാബ്, കാന്റീന്‍, റോഡ്, വെയിറ്റിംഗ് ഷെഡ്, മോര്‍ച്ചറി നവീകരണം എന്നിവ ഇതിലുള്‍പ്പെടുന്നു.

തിരുവനന്തപുരം, കൊച്ചി, കരിപ്പൂര്‍, അന്താരാഷ്ട്ര വിമാനത്താവളങ്ങള്‍ വഴി തിങ്കളാഴ്ച (ജൂലൈ 6) 21 വിമാനങ്ങളില്‍ പത്തനംതിട്ട ജില്ലക്കാരായ 186 പ്രവാസികള്‍കൂടി എത്തി. ഇവരില്‍ 31 പേരെ വിവിധ കോവിഡ് കെയര്‍ സെന്ററുകളിലും മൂന്നു ഗര്‍ഭിണികള്‍ ഉള്‍പ്പെടെ  155 പേരെ വീടുകളിലും നിരീക്ഷണത്തിലാക്കി.