ആരോഗ്യ വകുപ്പിന്റെ ജില്ലാ മാനസിക ആരോഗ്യ പദ്ധതിയിലെ മെഡിക്കല്‍ ഓഫീസര്‍, സൈക്യാട്രിസ്റ്റ് തസ്തികകളിലേക്ക് ജൂലൈ എട്ടിന് രാവിലെ 11 മണിക്ക് കോഴിക്കോട് ജില്ലാ മെഡിക്കല്‍ ഓഫീസില്‍ (ആരോഗ്യം) കൂടിക്കാഴ്ച നടത്തും. മെഡിക്കല്‍ ഓഫീസര്‍ - യോഗ്യത: എംബിബിഎസ്, ടിസിഎംസി രജിസ്‌ട്രേഷന്‍.  സൈക്യാട്രിസ്റ്റ് - യോഗ്യത: എം.ഡി.സൈക്യാട്രി/ഡിപ്ലോമ ഇന്‍ സൈക്യാട്രിക്ക് മെഡിസിന്‍. 

താല്‍പര്യമുളള ഉദ്യോഗാര്‍ത്ഥികള്‍ ബയോഡാറ്റയും യോഗ്യത തെളിയിക്കുന്ന അസ്സല്‍ സര്‍ട്ടിഫിക്കറ്റുകളും സഹിതം കൂടിക്കാഴ്ചക്ക് ഹാജരാകണം. ഫോണ്‍ : 0495 2370494.

ജില്ലാ വനിതാ സംരക്ഷണ ഓഫീസറുടെ ഔദ്യോഗിക ആവശ്യത്തിന് 2020-2021 സാമ്പത്തിക വര്‍ഷം ഇലക്ട്രിക് വാഹനം വാടകക്കെടുക്കുന്നതിന് ടെണ്ടര്‍ ക്ഷണിച്ചു.  അവസാന തീയതി ജൂലൈ 17 ഉച്ചക്ക് 2.30. ഫോണ്‍ : 0495 2371343.

 അഴിയൂര്‍ ഗ്രാമപഞ്ചായത്തിലെ പാലിയേറ്റീവ് പ്രവര്‍ത്തനം രോഗികള്‍ക്ക് ആശ്വാസമാകുന്നു.  ജനകീയാസൂത്രണ പദ്ധതിയിലുള്‍പ്പെടുത്തി അഞ്ചു ലക്ഷം രൂപ വകയിരുത്തി പ്രാഥമികാരോഗ്യകേന്ദ്രം മുഖേനയാണ് പ്രവര്‍ത്തനം.  അന്‍പതിനായിരം രൂപ മരുന്നിനായും നീക്കിവെച്ചിട്ടുണ്ട്.  കിടപ്പിലായ 140 രോഗികള്‍ക്ക് പദ്ധതിയിലൂടെ ആശ്വാസം ലഭിക്കുന്നു.

ചെറുകുളത്തൂര്‍ സ്വദേശികളായ നാല് വിരമിച്ച ഉദ്യോഗസ്ഥര്‍ തങ്ങളുടെ ഒരു മാസത്തെ പെന്‍ഷന്‍ തുക മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവനയായി നല്‍കി. നാല് പേരുടെ വിഹിതമായ ഒരു ലക്ഷം രൂപക്കുള്ള ചെക്കുകള്‍ പി.ടി.എ റഹീം എം.എല്‍.എ ഏറ്റുവാങ്ങി. 

ഖാദി ബോര്‍ഡ്  തുണിയില്‍ നിര്‍മ്മിച്ച മാസ്കുകള്‍ ജിലയിലെ  പോലീസ് ഉദ്യോഗസ്ഥര്‍ക്കായി നല്‍കി. ബോര്‍ഡിന്‍റെ കളത്തൂര്‍ റെഡിമെയ്ഡ്  വസ്ത്ര നിര്‍മ്മാണ കേന്ദ്രത്തില്‍ തയ്യാറാക്കിയ 13 രൂപ വിലവരുന്ന 1000 മാസ്കുകള്‍ ഇന്ത്യന്‍ ബാങ്ക്  കോട്ടയം ശാഖയുടെ സഹകരണത്തോടെയാണ് പോലിസുകാര്‍ക്ക് ലഭ്യമാക്കിയത്. 

ബോര്‍ഡംഗം ടി.വി ബേബി മാസ്കുകള്‍ ജില്ലാ പോലീസ് മേധാവി ജി ജയദേവിന് കൈമാറി. ഇന്‍ഡ്യന്‍ ബാങ്ക് മാനേജര്‍ അനൂപ് ശിവകുമാര്‍, ഖാദി പ്രോജക്ട് ഓഫീസര്‍ കെ.എസ്. ഉണ്ണികൃഷ്ണന്‍ നായര്‍ എന്നിവര്‍ പങ്കെടുത്തു.

കോവിഡ് ചികിത്സയ്ക്കും സാമ്പിള്‍ പരിശോധനയ്ക്കുമുള്ള സംവിധാനങ്ങളുടെ വിപുലീകരണ കര്‍മ്മ പദ്ധതിക്ക് ജില്ലയിലെ സ്വകാര്യ ആശുപത്രികള്‍ പിന്തുണ അറിയിച്ചു. ജില്ലാ കളക്ടര്‍ എം. അഞ്ജനയുടെ അധ്യക്ഷതയില്‍ ചേര്‍ന്ന യോഗത്തിലാണ് ആശുപത്രികളുടെ പ്രതിനിധികള്‍ തുടര്‍ പ്രവര്‍ത്തനങ്ങളില്‍ പങ്കാളിത്തം വാഗ്ദാനം ചെയ്തത്. 

ക്വറന്‍റയിന്‍ നിര്‍ദേശങ്ങള്‍ ലംഘിച്ചാല്‍ നടപടി

കോവിഡ് വ്യാപനത്തിനെതിരെ പൊതുജനങ്ങള്‍ കര്‍ശന ജാഗ്രത പുലര്‍ത്തണമെന്ന് ജില്ലാ കളക്ടർ എം. അഞ്ജന നിര്‍ദേശിച്ചു. വിദേശത്തുനിന്നും മറ്റു സംസ്ഥാനങ്ങളില്‍നിന്നും കൂടുതല്‍ ആളുകള്‍ എത്തിക്കൊണ്ടിരിക്കുന്ന ഘട്ടമാണിത്. ജില്ലയില്‍ നിലവില്‍ 115 പേര്‍ രോഗം ബാധിച്ച് ചികിത്സയിലുണ്ട്. രോഗപ്രതിരോധത്തിന്‍റെ ഭാഗമായി 7206 പേര്‍ വീടുകളിലും നിരീക്ഷണ കേന്ദ്രങ്ങളിലുമായി ക്വാറന്‍റയിനില്‍ കഴിയുന്നുണ്ട്.

രണ്ടു പേര്‍ക്ക് കോവിഡ് സ്ഥിരീകരിച്ച പൊന്‍കുന്നത്തെ സ്വകാര്യ ആശുപത്രിയിലെ എല്ലാ ജീവനക്കാരെയും കോവിഡ് പരിശോധനയ്ക്ക് വിധേയരാക്കുമെന്ന് ജില്ലാ കളക്ടര്‍ എം. അഞ്ജന അറിയിച്ചു. ആദ്യം രോഗം സ്ഥിരീകരിച്ച പള്ളിക്കത്തോട് സ്വദേശിനിയുടെ സമ്പര്‍ക്ക പട്ടികയിലുള്ളവരുടെ സാമ്പിള്‍ പരിശോധന നടത്തിവരികയാണ്. ഇങ്ങനെ നടത്തിയ പരിശോധനയിലാണ് യുവതിയുടെ സഹപ്രവര്‍ത്തകയായ പൊന്‍കുന്നം സ്വദേശിനിക്ക് രോഗം സ്ഥിരീകരിച്ചത്.