വടശേരിക്കര  ഗ്രാമപഞ്ചായത്തിന്റെയും സിഎച്ച്‌സിയുടെയും ചുമതലയില്‍  പ്രവര്‍ത്തനം ആരംഭിക്കുന്ന ഫസ്റ്റ് ലൈന്‍ ട്രീറ്റ്‌മെന്റ് സെന്ററില്‍ താത്ക്കാലിക അടിസ്ഥാനത്തില്‍  സ്റ്റാഫ് നഴ്‌സിനെ നിയമിക്കുന്നു. 17,000 രൂപ പ്രതിമാസ വേതനം ലഭിക്കും. ജിഎന്‍എം/ബിഎസ്‌സി നഴ്‌സിംഗ് ഡിഗ്രിയും കേരള നഴ്‌സിംഗ് കൗണ്‍സില്‍ രജിസ്‌ട്രേഷനുമാണ് യോഗ്യത. പ്രായപരിധി 40 വയസ്. പ്രവൃത്തിപരിചയമുള്ളവര്‍ക്ക് മുന്‍ഗണന ലഭിക്കും. താത്പര്യമുള്ളവര്‍ ബയോഡേറ്റയും അസല്‍ സര്‍ട്ടിഫിക്കറ്റുകളും പകര്‍പ്പും  സഹിതം ഈ മാസം 30ന് രാവിലെ 11ന് സിഎച്ച്‌സിയില്‍ ഹാജരാകണം. ഫോണ്‍: 04735 251773.

കേരള ഖാദി ഗ്രാമവ്യവസായ ബോര്‍ഡിന്റെ ആഭിമുഖ്യത്തില്‍ ഇന്ന്(28) മുതല്‍ ഓഗസ്റ്റ് 30 വരെ ഓണം-ബക്രീദ് ഖാദി വില്‍പ്പന മേള നടത്തും. ഇന്ന് (28) രാവിലെ 11ന് ഇലന്തൂര്‍ ജില്ലാ ഖാദി ഗ്രാമവ്യവസായ ഓഫീസ് അങ്കണത്തില്‍ ജില്ലാ പഞ്ചായത്ത് പ്രസിഡന്റ് അന്നപൂര്‍ണാദേവി മേളയുടെ ജില്ലാതല ഉദ്ഘാടനം നിര്‍വഹിക്കും. മേളയില്‍ 30 ശതമാനം വരെ ഗവണ്‍മെന്റ് റിബേറ്റ് ലഭിക്കും.
 

ഇരവിപേരൂര്‍ ഗ്രാമപഞ്ചായത്തില്‍ 104 കിടക്കളുമായി രണ്ട് കോവിഡ് പ്രാഥമിക ചികിത്സാകേന്ദ്രങ്ങള്‍ സര്‍ക്കാര്‍ നിര്‍ദേശപ്രകാരം തയാറാക്കി. ജില്ലയിലെ രണ്ടാമത് ചികിത്സാകേന്ദ്രമായി നേരത്തെ പ്രവര്‍ത്തനം ആരംഭിച്ച കൊട്ടയ്ക്കാട് ആശുപത്രിയിലെ 40 കിടക്കകള്‍ക്കു പുറമേ 64 കിടക്കകളുമായി യാഹിര്‍ കണ്‍വന്‍ഷന്‍ സെന്റര്‍ കൂടി സജ്ജമാക്കി. യാഹിര്‍ കണ്‍വന്‍ഷന്‍ സെന്ററിലെ കോവിഡ് ചികിത്സാകേന്ദ്രത്തിന്റെ പ്രവര്‍ത്തന ഉദ്ഘാടനം ഗ്രാമപഞ്ചായത്ത് പ്രസിഡന്റ് അനസൂയാദേവി നിര്‍വഹിച്ചു.

കോവിഡ് പ്രതിരോധ പ്രവര്‍ത്തനങ്ങളുടെ ഭാഗമായി  ഇലന്തൂര്‍ സാമൂഹികാരോഗ്യ കേന്ദ്രത്തിലേക്ക് താത്ക്കാലിക അടിസ്ഥാനത്തില്‍ സ്റ്റാഫ് നഴ്‌സിനെ തെരഞ്ഞെടുക്കുന്നതിന് നാളെ (29) രാവിലെ 11ന് നടത്താനിരുന്ന അഭിമുഖം മാറ്റിവച്ചു.
 

പത്തനംതിട്ട നഗരസഭയിലെ വാര്‍ഡ് 13, 14, 21, 25 എന്നീ സ്ഥലങ്ങളിലെ കണ്ടെയ്ന്‍മെന്റ് സോണുകളുടെ കാലാവധി ജൂലൈ 29 മുതല്‍ ഏഴു ദിവസത്തേക്കും പള്ളിക്കല്‍ ഗ്രാമപഞ്ചായത്തിലെ ഏഴാം വാര്‍ഡിലെ കണ്ടെയ്ന്‍മെന്റ് സോണ്‍ കാലാവധി ഓഗസ്റ്റ് രണ്ടു വരെയും കോട്ടാങ്ങല്‍ ഗ്രാമപഞ്ചായത്തിലെ വാര്‍ഡ് അഞ്ച്, ആറ്, ഏഴ്, എട്ട്, ഒന്‍പത് എന്നീ സ്ഥലങ്ങളില്‍  ജൂലൈ 28 മുതല്‍ ഏഴു ദിവസത്തേക്കും ദീര്‍ഘിപ്പിച്ച് ജില്ലാ ദുരന്തനിവാരണ അതോറിറ്റി ചെയര്‍മാനും ജില്ലാ മജിസ്ട്രേറ്റും കൂടിയായ ജില്ലാ കളക്ടര്‍ പി.ബി.

അടൂര്‍ നഗരസഭയിലെ വാര്‍ഡ് 14, 15, 16, 17, കോയിപ്രം ഗ്രാമപഞ്ചായത്തിലെ വാര്‍ഡ് 17, എഴുമറ്റൂര്‍ ഗ്രാമപഞ്ചായത്തിലെ വാര്‍ഡ് ഒന്ന്, മലയാലപ്പുഴ ഗ്രാമ പഞ്ചായത്തിലെ വാര്‍ഡ് 12, മെഴുവേലി ഗ്രാമപഞ്ചായത്തിലെ വാര്‍ഡ് ആറ്, 13, പള്ളിക്കല്‍ ഗ്രാമപഞ്ചായത്തിലെ വാര്‍ഡ് ഒന്ന്, മൂന്ന്, ആറ്, എട്ട് എന്നീ സ്ഥലങ്ങളെ ജൂലൈ 27 മുതല്‍ ഏഴു ദിവസത്തേക്ക് കണ്ടെയ്ന്‍മെന്റ് സോണുകളായി പ്രഖ്യാപിച്ച് ജില്ലാ ദുരന്തനിവാരണ അതോറിറ്റി ചെയര്‍മാനും ജില്ലാ മജിസ്ട്രേറ്റും കൂടിയായ ജില്ലാ കളക്ടര്‍ പി.ബി. നൂഹ് ഉത്തരവ് പുറപ്പെടുവിച്ചു.

കോവിഡ് പ്രതിരോധ പ്രവര്‍ത്തനങ്ങള്‍ ശക്തമാക്കുന്നതിന്റെ ഭാഗമായി 102 കിടക്കകളുള്ള പ്രാഥമിക ചികിത്സാകേന്ദ്രം കരുനാഗപ്പള്ളിയില്‍ ഇന്നലെ(ജൂലൈ 27) ആരംഭിച്ചു. കരുനാഗപ്പള്ളി വി വി വേലുക്കുട്ടി അരയന്‍ മെമ്മോറിയല്‍ ഫിഷറീസ് ഹയര്‍ സെക്കന്‍ഡറി സ്‌കൂള്‍ ഹോസ്റ്റലിലാണിത്. ആര്‍ രാമചന്ദ്രന്‍ എം എല്‍ എ ഉദ്ഘാടനം ചെയ്തു.

കോവിഡ് ബാധിതരായ 190 പേര്‍ ഇന്നലെ(ജൂലൈ 27) വരെ ചികിത്സയിലുണ്ട്. കോവിഡ് ചികിത്സാ കേന്ദ്രമാക്കിയെങ്കിലും ജില്ലാ ആശുപത്രിയില്‍ ഒ പി രാവിലെ എട്ടു മുതല്‍ ഉച്ചയ്ക്ക് ഒരു മണിവരെ പ്രവര്‍ത്തിക്കുന്നുണ്ട്. കൂടാതെ കീമോ, ഡയാലിസിസ്, കാത്ത് ലാബ്, എം ആര്‍ ഐ-സി ടി സ്‌കാന്‍ വിഭാഗങ്ങള്‍, രക്ത ബാങ്ക്, ലിംഫ് ഫിറ്റിംഗ് വിഭാഗങ്ങള്‍ എന്നിവയും പ്രവര്‍ത്തിക്കുന്നുണ്ടെന്നും ജില്ലാ ആശുപത്രി സൂപ്രണ്ട് ഡോ വസന്തദാസ് അറിയിച്ചു.
(പി.ആര്‍.കെ നമ്പര്‍ 2005/2020)

കൊടുമണ്‍ ഗ്രാമപഞ്ചായത്തിലെ വാര്‍ഡ് 12, 13, 17, കുളനട ഗ്രാമപഞ്ചായത്തിലെ വാര്‍ഡ് രണ്ട്, കോട്ടാങ്ങല്‍ ഗ്രാമപഞ്ചായത്തിലെ വാര്‍ഡ് അഞ്ച്, ആറ്, ഏഴ്, എട്ട്, ഒന്‍പത് എന്നീ സ്ഥലങ്ങളെ ജൂലൈ 28 മുതലും പത്തനംതിട്ട നഗരസഭയിലെ വാര്‍ഡ് ഒന്ന്, രണ്ട്, മൂന്ന്, നാല്, അഞ്ച്, ആറ്, ഏഴ്, എട്ട്, ഒന്‍പത്, 10, 11, 12, 15, 16, 17, 18, 19, 20, 22, 23, 24, 26, 27, 28, 29, 30, 31, 32 എന്നീ സ്ഥലങ്ങളെ ജൂലൈ 29 മുതലും കണ്ടെയ്ന്‍മെന്റ് സോണ്‍ നിയന്ത്രണത്തില്‍ നിന്നും ഒഴിവാക്കി ജില്ലാ ദുരന്തനിവാരണ അതോറിറ്റി ചെയര്‍മാനും ജില്ലാ മജിസ്‌ട്രേറ്റും കൂടിയായ ജില്ലാ കളക്ടര്‍ പി.ബി. നൂഹ്  ഉത്തരവ് പുറപ്പെടുവിച്ചു.