കോവിഡ് പ്രതിരോധ പ്രവര്‍ത്തനങ്ങള്‍ക്കായി സംസ്ഥാനത്ത് ആരംഭിച്ച ഫസ്റ്റ് ലൈന്‍ ട്രീറ്റ്‌മെന്റ് സെന്ററുകള്‍ ചരിത്രത്തിന്റെ ഭാഗമാകുമെന്ന് തദ്ദേശസ്വയംഭരണ വകുപ്പ് മന്ത്രി എ സി മൊയ്തീന്‍. കൊട്ടാരക്കര ബ്ലോക്ക് പഞ്ചായത്തില്‍   നിര്‍മിച്ച സ്വരാജ് പുരസ്‌കാര ഓഡിറ്റോറിയത്തിന്റെയും പരിശീലന ഹാളിന്റെയും  ഉദ്ഘാടനം വീഡിയോ കോണ്‍ഫറന്‍സിങിലൂടെ നിര്‍വഹിക്കുകയായിരുന്നു അദ്ദേഹം.

കോവിഡ് 19 രോഗ വ്യാപന ഭീഷണി നിലനിൽക്കുന്ന സാഹചര്യത്തിൽ മസ്റ്ററിങിനായി പെൻഷൻകാർ ട്രഷറിയിൽ നേരിട്ട് എത്തുന്നത് പരമാവധി ഒഴിവാക്കേണ്ടതാണെന്ന് ജില്ലാ ട്രഷറി ഓഫീസർ അറിയിച്ചു. നിലവിൽ വാർഷിക മസ്റ്ററിങ് നടത്താനുള്ള പെൻഷൻകാർക്ക് ആഗസ്റ്റ് 31 വരെ സമയം അനുവദിച്ചു. ഇവർക്ക് ജീവൻ പ്രമാൺ പോലുള്ള വെബ്പോർട്ടലുകൾ മുഖേന മസ്റ്ററിങ് നടത്താവുന്നതാണ്. പെൻഷൻ രേഖകളിൽ ആധാർ നമ്പർ ചേർത്തിട്ടില്ലാത്ത പെൻഷൻകാർ സമർപ്പിക്കുന്ന ഡിജിറ്റൽ ലൈഫ് സർട്ടിഫിക്കറ്റിന്റെ പകർപ്പിനൊപ്പം ആധാർ കാർഡിന്റെ സ്വയം സാക്ഷ്യപ്പെടുത്തിയ പകർപ്പും ബന്ധപ്പെട്ട ട്രഷറിയിലേക്ക് മെയിലയക്കണം.

ജില്ലാ വനിതാ ശിശുവികസന ഓഫീസിലെ ഔദ്യോഗികാവശ്യത്തിനായി ഇലക്ട്രിക്ക് കാർ 2020-21 സാമ്പത്തിക വർഷത്തേക്ക് ലഭ്യമാക്കാൻ ടെണ്ടർ ക്ഷണിച്ചു. ദർഘാസ് സ്വീകരിക്കുന്ന അവസാന തീയതി ആഗസ്റ്റ് 17 ഉച്ചയ്ക്ക് 2 മണി. ഫോൺ: 0487 2361500.
 

കോവിഡ് 19 വ്യാപനത്തിന്റെ പശ്ചാത്തലത്തിൽ പെയ്ഡ് ക്വാറന്റൈൻ സംവിധാനം ആവശ്യമുളളവർ നോഡൽ ഓഫീസറുമായി ബന്ധപ്പെടാം. വിദേശ രാജ്യങ്ങളിൽ നിന്നും അന്യസംസ്ഥാനങ്ങളിൽ നിന്നും തിരിച്ചെത്തുന്നവർക്കാണ് പെയിഡ് ക്വാറന്റൈൻ സൗകര്യം ഒരുക്കിയിരിക്കുന്നത്. തൃശൂർ ഡെപ്യൂട്ടി ഡയറക്ടർ ഓഫ് ടൂറിസമാണ് പെയിഡ് ക്വാറന്റൈൻ സംവിധാനത്തിന്റെ നോഡൽ ഓഫീസർ. പെയിഡ് ക്വാറന്റൈൻ സൗകര്യം ആവശ്യമുള്ളവർ ബന്ധപ്പെടേണ്ടതാണെന്ന് ജില്ലാ നോഡൽ ഓഫീസർ അറിയിച്ചു. ഇമെയിൽ വിലാസം paidiqtsr@gmail.com. ഫോൺ നമ്പർ - 04872 332419, 9446811371.

ജൂലൈ 31 വരെ അറബിക്കടലിൽ കേരള, കർണാടക, ലക്ഷദ്വീപ്, മാലിദ്വീപ് എന്നീ സമുദ്ര മേഖലകളിൽ മണിക്കൂറിൽ 40 മുതൽ 50 കിലോ മീറ്റർ വരെ വേഗതയിൽ ശക്തമായ കാറ്റിനും മോശം കാലാവസ്ഥക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ആയതിനാൽ പ്രസ്തുത ദിവസങ്ങളിൽ മൽസ്യ തൊഴിലാളികൾ കടലിൽ പോകരുത്.

സംസ്ഥാന ടൂറിസംവകുപ്പ് ഇലഞ്ഞി ഗ്രാമപഞ്ചായത്തിലെ കൂരുമല ടൂറിസം പദ്ധതിയുടെ ഭാഗമായി നിർമ്മാണം പൂർത്തീകരിച്ച നടപ്പാത, വാച്ച് ടവർ, മണ്ഡപം, ലാന്റ്സ്കേപ്പിംഗ് എന്നിവയുടെ ഉദ്ഘാടനം ടൂറിസം വകുപ്പ്മന്ത്രി കടകംപള്ളി സുരേന്ദ്രൻ ഓൺലൈനിൽ നിർവ്വഹിക്കും. കോവിഡ് 19 രോഗവ്യാപനത്തിന്റെ പശ്ചാത്തലത്തിൽ പദ്ധതിയുടെ ഉദ്ഘാടനം ഇന്ന് (29/7/20) രാവിലെ 11.30ന് കൂരുമല പദ്ധതി പ്രദേശത്ത് കോവിഡ് മാനദണ്ഡപ്രകാരം നടത്തും. അനൂപ് ജേക്കബ് എം.എൽ.എയുടെ അദ്ധ്യക്ഷതയിൽ നടക്കുന്ന ചടങ്ങിൽ തോമസ് ചാഴികാടൻ എം.പി മുഖ്യാതിഥിയായിരിക്കും. ഇലഞ്ഞി ഗ്രാമപഞ്ചായത്ത് പ്രസിഡൻറ് ജോയ്സ് മാമ്പിള്ളി സ്വാഗതം ആശംസിക്കും.

എം സി സിയില്‍ ബി എസ് സി നഴ്‌സിംഗ്:  അപേക്ഷ ക്ഷണിച്ചു