ഒരു വീട്ടിൽ തന്നെ മൂന്നും നാലും പേർക്ക്  കോവിഡ്19 രോഗം പിടിപെടുന്ന കുടുംബങ്ങളുടെ എണ്ണം  ജില്ലയിൽ വർധിച്ചുവരുന്നതായി ആരോഗ്യവകുപ്പിന്റെ വിലയിരുത്തൽ. റിപ്പോർട്ട് ചെയ്യുന്ന കേസുകളിൽ ഇങ്ങനെയുള്ള കുടുംബങ്ങളുടെ എണ്ണം കൂടിവരികയാണ്.
പുറത്തുപോകുന്നവർ കോവിഡ് പ്രോട്ടോക്കോൾ സ്വീകരിക്കാത്തതാണ് വീടുകളിലുള്ളവർക്ക്  രോഗം വരുന്നതിന് ഇടയാക്കുന്നത്. വീടുകളിൽ നിന്നും പുറത്തു പോകുന്നവർ  കോവിഡ് പ്രതിരോധ മുൻകരുതൽ കർശനമായി പാലിക്കണമെന്ന്  ആരോഗ്യവകുപ്പ് അധികൃതർ നിർദ്ദേശിക്കുന്നു..

കക്കോടി ഗ്രാമപഞ്ചായത്തില്‍ സജ്ജീകരിച്ച കോവിഡ് ഫസ്റ്റ് ലൈന്‍ ചികിത്സാ കേന്ദ്രം ഗതാഗത മന്ത്രി എ കെ ശശീന്ദ്രന്‍ സന്ദര്‍ശിച്ചു.   പടിഞ്ഞാറ്റുംമുറി കണ്ണാടിച്ചാല്‍ എം ഇ എസ് കോളേജ് ഓഫ് ആര്‍ക്കിടെക്ചറില്‍ ആണ് കക്കോടി ഗ്രാമ പഞ്ചായത്തിലെ എഫ് എല്‍ ടി സി ഒരുങ്ങിയത്. കേന്ദ്രത്തിന്റെ സൗകര്യങ്ങള്‍ മന്ത്രി വിലയിരുത്തി.

ആരോഗ്യരംഗത്ത് സമാനതകളില്ലാത്ത പ്രവര്‍ത്തനമാണ് സംസ്ഥാനത്ത് നടക്കുന്നത്.  കുടുംബാരോഗ്യ കേന്ദ്രങ്ങളുടെ പ്രവര്‍ത്തനം ശക്തമായതോടെ രോഗീസൗഹൃദമായ അന്തരീക്ഷവും സംസ്ഥാനത്തുണ്ടായി. കേരളത്തിലെ ഏറ്റവും മികച്ച കുടുംബാരോഗ്യ കേന്ദ്രങ്ങളിലൊന്നാണ് കണ്ണാടിപൊയിലില്‍ പ്രവര്‍ത്തിക്കുന്ന പനങ്ങാട് കുടുംബാരോഗ്യ കേന്ദ്രം. കോവിഡ് പ്രതിരോധ പ്രവര്‍ത്തനത്തനവും മികച്ച രീതിയില്‍  നടന്നുവരുന്നു.

ഓള്‍ കേരള ഡിസ്ട്രിബ്യൂട്ടേഴ്‌സ് അസോസിയേഷന്‍ ജില്ലാ കമ്മിറ്റി കോവിഡ് പ്രാഥമിക ചികിത്സാ കേന്ദ്രത്തിലേക്കായി സമാഹരിച്ച സാധന സാമഗ്രികള്‍ ജില്ലാ പ്രസിഡന്റ് ബി വേണുഗോപാല്‍ നായര്‍ ജില്ലാ കലക്ടര്‍ ബി അബ്ദുല്‍ നാസറിന് കൈമാറി. പി പി ഇ കിറ്റ്(52), ബെഡ്(100), തലയിണ(100), തലയിണ കവര്‍(100), ബെഡ്ഷീറ്റ്(117), തോര്‍ത്ത്(100), ബക്കറ്റ്(100), മഗ്(100), ഫേസ് മാസ്‌ക്(300), ഹാന്‍ഡ് വാഷ്(108), ക്ലിനിംഗ് ലിക്വിഡ്(66), വാഷിംഗ് സോപ്പ്(120), ബാത്ത് സോപ്പ്(884) എന്നിവയാണ് കൈമാറിയത്.

കൊല്ലം ജില്ലയില്‍ ഹോമിയോപ്പതി വകുപ്പില്‍ നഴ്‌സ് ഗ്രേഡ്-2(ഹോമിയോ, കാറ്റഗറി നമ്പര്‍ 017/2018, എന്‍ സി എ - എസ് സി) തസ്തികയുടെ ചുരുക്കപ്പട്ടിക പി എസ് സി പ്രസിദ്ധീകരിച്ചു.
(പി.ആര്‍.കെ നമ്പര്‍ 2015/2020)

കോവിഡ് ബാധിതര്‍ക്ക് മാനസിക പിന്തുണയുമായി കരുനാഗപ്പള്ളി ലൈബ്രറി കൗണ്‍സില്‍ പുസ്തകങ്ങള്‍ എത്തിച്ചു. കരുനാഗപ്പള്ളി താലൂക്ക് ലൈബ്രറി കൗണ്‍സില്‍ സംഘടിപ്പിച്ച അതിജീവനത്തിന് അക്ഷരം കൂട്ട് എന്ന പദ്ധതിയില്‍ ഒറ്റദിവസം കൊണ്ട് 1520 പുസ്തകങ്ങള്‍ ജില്ലാ കലക്ടര്‍ക്ക് കൈമാറി.

അംഗീകൃത ഫിഷ് പ്രോസസിംഗ് യൂണിറ്റിലേക്ക് ജില്ലയ്ക്ക് പുറത്ത് നിന്നും അന്യസംസ്ഥാനങ്ങളില്‍ നിന്നും മത്സ്യം കൊണ്ടുവന്നു കയറ്റുമതി ആവശ്യത്തിനായി മാത്രം സംസ്‌കരണം നടത്തുന്നതിന് ജില്ലാ കലക്ടര്‍ അനുമതി നല്‍കി. ജില്ലയ്ക്കുള്ളില്‍ ഇത്തരം മത്സ്യം വില്പ്പന നടത്തുവാന്‍ അനുവദിക്കില്ല. മത്സ്യഫെഡിന് ജില്ലയ്ക്ക് പുറത്തു നിന്നും പായ്ക്ക് ചെയ്ത മത്സ്യം കൊണ്ടുവന്ന് അംഗീകൃത ഫിഷ് സ്റ്റാളുകളിലുടെ വില്പന നടത്താം. മത്സ്യം കൊണ്ടുവരുന്ന വ്യവസായികള്‍ അവരുടെ അംഗീകൃത ഫിഷ് പ്രോസസിംഗ് യൂണിറ്റുകളുടെ ലൈസന്‍സ് വിവരങ്ങള്‍ ജില്ലാ പൊലീസ് മേധാവിമാര്‍ക്ക് സമര്‍പ്പിക്കണം.
(പി.ആര്‍.കെ നമ്പര്‍ 2013/2020)

പി എസ് സി നിയമനങ്ങളുടെ സുതാര്യത വിര്‍ധിപ്പിക്കുന്നതിന് ആധാര്‍ അധിഷ്ഠിത ബയോമെട്രിക് വെരിഫിക്കേഷന്‍ നടപ്പാക്കും. പി എസ് സി വണ്‍ ടൈം രജിസ്‌ട്രേഷന്‍ വഴി അപേക്ഷ സമര്‍പ്പിച്ച് ജോലിയില്‍ പ്രവേശിച്ച് നിയമന പരിശോധന പൂര്‍ത്തിയാക്കാത്ത ഉദ്യോഗസ്ഥരും പുതുതായി പ്രവേശിച്ചവരും ജോലിയില്‍ പ്രവേശിച്ച് ഒരു മാസത്തിനകം പി എസ് സി വണ്‍ ടൈം രജിസ്‌ട്രേഷന്‍ പ്രൊഫൈലില്‍ ആധാര്‍ ലിങ്ക് ചെയ്യണം. ഇക്കാര്യം നിയമന അധികാരികള്‍ ഉറപ്പുവരുത്തണമെന്ന് ജില്ലാ കലക്ടര്‍ നിര്‍ദേശിച്ചു.
(പി.ആര്‍.കെ നമ്പര്‍ 2012/2020)

ജില്ലാ പഞ്ചായത്തിന്റെ തലവൂര്‍ മിനി വ്യവസായ എസ്റ്റേറ്റിലെ ഒഴിവുള്ള വ്യവസായ ഷെഡുകള്‍ ലഭിക്കാന്‍ സംരംഭകര്‍ക്ക് അപേക്ഷിക്കാം. പ്രൊജക്ട് റിപ്പോര്‍ട്ട്, വിദ്യാഭ്യാസ യോഗ്യത, മുന്‍പരിചയം തെളിയിക്കുന്ന രേഖകള്‍ സഹിതം അപേക്ഷ ഓഗസ്റ്റ് നാലിനകം മാനേജര്‍ ആന്റ്  നിര്‍വഹണ ഉദ്യോഗസ്ഥന്‍, ജില്ലാ വ്യവസായ കേന്ദ്രം, ആശ്രാമം, കൊല്ലം വിലാസത്തിലോ dickollam@gmail.com    ഇ-മെയില്‍ മുഖനയോ നല്‍കാം. വിശദ വിവരങ്ങള്‍ 9446108519 നമ്പരില്‍ ലഭിക്കും.
(പി.ആര്‍.കെ നമ്പര്‍ 2011/2020)

ജില്ലാ ആസൂത്രണ സമിതി  യോഗം ജൂലൈ 30 ന് ഉച്ചകഴിഞ്ഞ് 2.30 ന്            ജില്ലാ പഞ്ചായത്ത്  ഐ ടി ഹാളില്‍ ഗൂഗിള്‍ മീറ്റ് വഴി ചേരും.    
(പി.ആര്‍.കെ നമ്പര്‍ 2010/2020)