മഞ്ചേരി മെഡിക്കല്‍ കോളജില്‍ ചികിത്സയിലിരിക്കെ മരിച്ച

ഒരാള്‍ക്ക് കൂടി രോഗബാധ സ്ഥിരീകരിച്ചു

88 പേര്‍ രോഗ മുക്തരായി

ഉറവിടമറിയാതെ 34 പേര്‍ക്ക് വൈറസ്ബാധ

രോഗബാധിതരായി ചികിത്സയില്‍ 522 പേര്‍

ഇതുവരെ രോഗബാധ സ്ഥിരീകരിച്ചത് 1,770 പേര്‍ക്ക്

1,493 പേര്‍ക്ക് കൂടി പ്രത്യേക നിരീക്ഷണം

ആകെ നിരീക്ഷണത്തിലുള്ളത് 36,445 പേര്‍

    മങ്കട ഫുഡ്ക്രാഫ്റ്റ് ഇന്‍സ്റ്റിറ്റ്യൂട്ടില്‍ ഹോട്ടല്‍ മാനേജ്‌മെന്റ് കോഴ്‌സുകളിലേക്ക് പ്രവേശനത്തിനുള്ള അപേക്ഷ തീയതി ഓഗസ്റ്റ് ആറു വരെ നീട്ടി. ഫുഡ് ആന്‍ഡ് ബിവറേജ് സര്‍വീസ്, ഫ്രണ്‍് ഓഫീസ് ഓപ്പറേഷന്‍, ഹോട്ടല്‍ അക്കോമഡേഷന്‍ ഓപ്പറേഷന്‍ എന്നീ കോഴ്‌സുകളിലേക്കാണ് പ്രവേശനം. എസ്.എസ്.എല്‍.സി, പ്ലസ്ടു, ഡിഗ്രി എന്നിവയാണ് യോഗ്യത. താത്പര്യമുള്ളവര്‍  www.fcikerala.org എന്ന വെബ്‌സൈറ്റിലൂടെ അപേക്ഷിക്കണം. ഫോണ്‍: 0493:295733, 9645078880, 9895510650. 
 

അകത്തേത്തറ ഗ്രാമ പഞ്ചായത്ത് കൃഷിഭവന്റെ പുതിയ കെട്ടിട ഉദ്ഘാടനം ജൂലൈ 29 ന് വൈകിട്ട് നാലിന് കൃഷി വകുപ്പ് മന്ത്രി വി.എസ്. സുനില്‍കുമാര്‍ ഓണ്‍ലൈനായി നിര്‍വ്വഹിക്കും. കേരള ഭരണ പരിഷ്‌കാര കമ്മീഷന്‍ ചെയര്‍മാനും മലമ്പുഴ എം.എല്‍.എയുമായ വി.എസ്. അച്ചുതാനന്ദന്റെ ആസ്തി വികസന നിധിയില്‍ നിന്നും അമ്പത് ലക്ഷം രൂപ ചെലവഴിച്ചാണ് കെട്ടിടം നിര്‍മ്മിച്ചത്. ഉദ്ഘാടന പരിപാടിയില്‍ വി.എസ്. അച്ചുതാനന്ദന്‍ എംഎല്‍എ അധ്യക്ഷനാവും. അകത്തേത്തറ ഗ്രാമപഞ്ചായത്ത് പ്രസിഡന്റ് ഡി. സദാശിവന്‍, ജനപ്രതിനിധികള്‍, രാഷ്ട്രീയ പാര്‍ട്ടി പ്രതിനിധികള്‍, കര്‍ഷക പ്രതിനിധികള്‍, കൃഷിവകുപ്പ് ഉദ്യോഗസ്ഥര്‍ എന്നിവര്‍ പങ്കെടുക്കും.

    മലപ്പുറം ജില്ലാ വനിതാ ശിശുവികസന ഓഫീസിന്റെ ഔദ്യോഗിക ആവശ്യത്തിനായി 2020-21 സാമ്പത്തിക വര്‍ഷത്തേക്ക് കരാര്‍ അടിസ്ഥാനത്തില്‍ ഇലക്ട്രിക്ക് വാഹനം വാടകയ്ക്ക് എടുക്കുന്നതിന് ദര്‍ഘാസ് ക്ഷണിച്ചു. ടെന്‍ഡര്‍ സ്വീകരിക്കുന്ന അവസാന തീയതി: ഓഗസ്റ്റ് 10.  കൂടുതല്‍ വിവരങ്ങള്‍ക്ക് ജില്ലാ വനിതാ ശിശുവികസന ഓഫീസുമായി ബന്ധപ്പെടണം. ഫോണ്‍ : 0483 2950084. 
 

    പിന്നാക്ക വിഭാഗ വികസന വകുപ്പിന്റെ അഭിഭാഷക ധനസഹായ പദ്ധതിക്ക് (2020-21) അപേക്ഷ ക്ഷണിച്ചു. കേരള ബാര്‍ കൗണ്‍സിലില്‍ 2019 ജൂലൈ ഒന്നിനും 2020 ജൂണ്‍ 30നും ഇടയില്‍ എന്റോള്‍ ചെയ്ത് സംസ്ഥാനത്ത് തന്നെ പ്രാക്ടീസ് ചെയ്യുന്ന  ഒ.ബി.സി വിഭാഗത്തില്‍പ്പെട്ട നിയമ ബിരുദധാരികള്‍ക്ക് അപേക്ഷിക്കാം.  അപേക്ഷ സ്വീകരിക്കുന്ന അവസാന തീയതി ഓഗസ്റ്റ് 20. അപേക്ഷാ ഫോമിന്റെ മാതൃകയും വിശദവിവരങ്ങളും www.bcdd.kerala.gov.in  എന്ന വെബ്‌സൈറ്റില്‍ ലഭിക്കും.  കൂടുതല്‍ വിവരങ്ങള്‍ക്ക് പിന്നാക്ക സമുദായ വികസന വകുപ്പ് കോഴിക്കോട് മേഖലാ ഓഫീസുമായി ബന്ധപ്പെടണം. ഫോണ്‍ : 0495-2377786,  ഇ-മെയില്‍ : bcddkkd@gmail.com.
 

    വേങ്ങര പാണ്ടികശാല തേര്‍ക്കയം കനാല്‍ ലിങ്ക് റോഡ് കോണ്‍ക്രീറ്റ് ചെയ്യുന്നതിന് തുക അനുവദിച്ചു. വേങ്ങര ഗ്രാമപഞ്ചായത്തിന്റെ 2020 - 2021 വാര്‍ഷിക പദ്ധതിയിലുള്‍പ്പെടുത്തി 10 ലക്ഷം രൂപയാണ് അനുവദിച്ചത്.  റോഡ് യഥാര്‍ഥ്യമാകുന്നതോടെ പ്രദേശത്തെ  പതിനഞ്ചോളം കുടുംബങ്ങള്‍ക്ക് ആശ്വാസമാകും.