രോഗവ്യാപന തോത് അനുസരിച്ച് ജില്ലയില്‍ 11 ക്ലസ്റ്ററുകളാണ് നിലവിലുള്ളത്. ഏക ലാര്‍ജ് ക്ലസ്റ്ററായ തൂണേരിയില്‍ രോഗബാധിതര്‍ 74 പേരാണ്. വടകര 50, നാദാപുരം 50, ഏറാമല 35, കല്ലായി 31, മീഞ്ചന്ത 19, ഒളവണ്ണ 45, വില്യാപ്പള്ളി 31, പുതുപ്പാടി 24, ചെക്യാട് 40, വാണിമേല്‍ 26 എന്നിങ്ങനെയാണ് ക്ലസ്റ്റര്‍ അടിസ്ഥാനത്തിലുള്ള രോഗബാധിതര്‍.

    വള്ളിക്കുന്ന് അരിയല്ലൂര്‍  ബീച്ചില്‍ ടിപ്പു സുല്‍ത്താന്‍ റോഡിനും  കരഭാഗ താത്കാലിക  സംരക്ഷണത്തിനുമായി ജിയോ ബാഗ്  സംരക്ഷണത്തിന് 28 ലക്ഷം രൂപയുടെ ഭരണാനുമതി ലഭിച്ചതായി പി.അബ്ദുല്‍ ഹമീദ് എം.എല്‍.എ അറിയിച്ചു. ജില്ലാ ദുരന്ത നിവാരണ സമിതിയുടെ ഫണ്‍ില്‍ നിന്നാണ് ഭരണാനുമതി ലഭിച്ചത്. ജലസേചന വിഭാഗം തയ്യാറാക്കിയ എസ്റ്റിമേറ്റ് തയ്യാറാക്കിയ പ്രവൃത്തിക്കാണ് ഭരണാനുമതി ലഭിച്ചത്. കഴിഞ്ഞ മാസം എം.എല്‍.എ യുടെ നിര്‍ദേശ പ്രകാരം  എ.ഡി.എമ്മിന്റെ  അധ്യക്ഷതയില്‍ ചേര്‍ന്ന ജനപ്രതിനിധികളുടേയും  ഉദ്യോഗസ്ഥരുടേയും  യോഗത്തിലാണ് ജിയോ ബാഗ് പദ്ധതി നടപ്പിലാക്കാന്‍ ധാരണയായത്. 

കോവിഡ് രോഗ വ്യാപനത്തിന്റെ പശ്ചാത്തലത്തിൽ മുതിർന്ന പൗരന്മാരെയും മാരക രോഗങ്ങളുള്ളവരേയും സംരക്ഷിക്കാൻ തദ്ദേശസ്വയംഭരണ സ്ഥാപനങ്ങൾക്ക് കീഴിൽ കരുതൽ കെയർ സെന്ററുകൾ ഒരുങ്ങുന്നു. കോവിഡ് ബാധിച്ച് ജില്ലയിൽ മരിച്ചവർ ഈ വിഭാഗത്തിൽപ്പെടുന്നതാണെന്ന് കണ്ടെത്തിയതിന്റെ വെളിച്ചത്തിലാണ് പ്രായമായവരെ സംരക്ഷിക്കാൻ ജില്ലാ ഭരണകൂടം പ്രത്യേക കർമ്മ പദ്ധതി ആവിഷ്‌കരിച്ചത്. 

ഓരോ തദ്ദേശസ്ഥാപനങ്ങൾക്ക് കീഴിലും ഒരു കരുതൽ കെയർ സെന്റർ ഒരുക്കും. ഏറ്റവും കൂടിയ ഗുണനിലവാരം ഉറപ്പു വരുത്തിയായിരിക്കും ഇവ സജ്ജമാക്കുക. പ്രത്യേകം മെഡിക്കൽ ടീമിനെയും പാലിയേറ്റിവ് വളണ്ടിയർമാരേയും ഇവിടേക്ക് നിയോഗിക്കും. 

    വളളിക്കുന്ന് മണ്ഡലത്തിലെ പുഴയോര സംരക്ഷണ പ്രവര്‍ത്തനങ്ങള്‍ക്ക് 57 ലക്ഷം രൂപയുടെ ഭരണാനുമതിയായി. കടലുണ്‍ി പുഴയുടെ വലതുകര സംരക്ഷണം (മൂന്നിയൂര്‍ ഗ്രാമപഞ്ചായത്ത്) 32ലക്ഷം രൂപ, കടലുണ്‍ി പുഴയുടെ ഇടതുകര സംരക്ഷണം (വള്ളിക്കുന്ന് ഗ്രാമപഞ്ചായത്ത്) 25.10 ലക്ഷം രൂപ എന്നിവയാണ് ജലസേചന വകുപ്പില്‍ നിന്ന് ഭരണാനുമതി ലഭിച്ചത്. സാങ്കേതികാനുമതിയും ടെന്‍ഡര്‍ നടപടിയും പെട്ടെന്ന് പൂര്‍ത്തീകരിച്ചു പ്രവൃത്തി യുദ്ധക്കാലാടിസ്ഥാനത്തില്‍ പൂര്‍ത്തിയാക്കാന്‍ എക്‌സിക്യൂട്ടീവ് എഞ്ചിനീയര്‍ക്ക് നിര്‍ദ്ദേശം നല്‍കിയതായി പി.അബ്ദുല്‍ ഹമീദ് എം.എല്‍.എ പറഞ്ഞു

 അഴിയൂര്‍ ഗ്രാമപഞ്ചായത്തിലെ ബനാത്ത് മദ്രസ്സയില്‍ ആരംഭിക്കുന്ന  കോവിഡ്  ഫസ്റ്റ് ലൈന്‍ ട്രീറ്റ്‌മെന്റ് സെന്ററില്‍ പ്രവര്‍ത്തിക്കാന്‍ തയ്യാറായ  വളണ്ടിയര്‍മാര്‍ക്ക് മാലിന്യ നിര്‍മാര്‍ജ്ജനം, ശുചിത്വ പരിപാലനം എന്നീ വിഷയങ്ങളില്‍ പരിശീലനം നല്‍കി. കോവിഡ് പോസിറ്റീവ് രോഗികളുമായി ഇടപഴകുമ്പോള്‍ പാലിക്കേണ്ട വ്യക്തിശുചിത്വം, സുരക്ഷ മാനദണ്ഡങ്ങള്‍, പി.പി.ഇ.കിറ്റ് ധരിക്കുമ്പോള്‍ ശ്രദ്ധിക്കേണ്ട കാര്യങ്ങള്‍,  ഭക്ഷണ അവശിഷ്ടങ്ങള്‍ സംസ്‌കരിക്കുമ്പോള്‍ പാലിക്കേണ്ട മര്യാദകള്‍ എന്നിവ സംബന്ധിച്ചാണ് പരിശീലനം നല്‍കിയത്.  

    മലപ്പുറം നഗരസഭയിലെ മേല്‍മുറി ചുങ്കം ഭാഗത്ത്  40-ാം വാര്‍ഡ് ചുങ്കം-കോണിത്തോട്-കോളേജ് റോഡില്‍  പി.എം.ജി.എസ്.വൈ പദ്ധതിയിലുള്‍പ്പെടുന്ന 15 ലധികം കുടുംബങ്ങള്‍ക്ക് ഗാര്‍ഹിക വൈദ്യുതി കണക്ഷന് തുക അനുവദിച്ചു. 2020-21 വര്‍ഷത്തെ പ്രാദേശിക വികസന ഫണ്‍ില്‍ നിന്ന് 3,39,176 രൂപയാണ് അനുവദിച്ചത്. കണക്ഷന്‍ ലഭ്യമാക്കുന്നതിന് 19 ഇലക്ട്രിക്ക് പോസ്റ്റുകളാണ് ആവശ്യ മായിട്ടുള്ളത്. വൈദ്യുതിയില്ലാത്തതു മൂലം വിദ്യാര്‍ഥികള്‍ക്ക്  ഓണ്‍ലൈന്‍ പഠനം വരെ നടത്താന്‍ കഴിയാത്ത സാഹചര്യത്തിലാണ് എം.എല്‍.എ ഫണ്‍് അനുവദിച്ചത്.
 

 അഴിയൂര്‍ ഗ്രാമപഞ്ചായത്തിലെ  ചുങ്കം, മാഹി റെയില്‍വേ സ്റ്റേഷന്‍ എന്നിവിടങ്ങളിലെ 200 ഓട്ടോ തൊഴിലാളികള്‍ക്ക് ഹോമിയോ പ്രതിരോധ മരുന്നു വിതരണം ചെയ്തു. പഞ്ചായത്ത് പ്രസിഡന്റ് വി.പി.ജയന്‍ മരുന്ന് വിതരണം ഉദ്ഘാടനം ചെയ്തു. ഹോമിയോ ഡോക്ടര്‍ ഷംന ഉപയോഗക്രമം വിശദീകരിച്ചു. പഞ്ചായത്ത് സെക്രട്ടറി ടി.ഷാഹുല്‍ ഹമീദ്, തൊഴിലാളി നേതാക്കളായ കെ.വി.പ്രകാശന്‍, വി.കെ.നിസാര്‍, സി.വി.റിഷാദ്, കെ.പി.ഫൈസല്‍, നൗഷാദ്, എന്നിവര്‍ പങ്കെടുത്തു. വരും ദിവസങ്ങളില്‍ മറ്റ് പ്രദേശങ്ങളിലെ ഓട്ടോ ഡ്രൈവര്‍മാര്‍ക്കും മരുന്ന് നല്‍കും.

     ഓണം, ബക്രീദ് പ്രമാണിച്ച് ജില്ലയിലെ ഖാദി ഗ്രാമവ്യവസായ ബോര്‍ഡിന്റെ വിവിധ ഷോറൂമുകളില്‍ വില്‍ക്കപ്പെടുന്ന ഖാദി തുണിത്തരങ്ങള്‍ക്ക് 30 ശതമാനം റിബേറ്റ് ഓഗസ്റ്റ് 30 വരെ അനുവദിച്ചു.  മലപ്പുറം കോട്ടപ്പടി മുനിസിപ്പല്‍ ബസ് സ്റ്റാന്‍ഡിലുള്ള  ഖാദി ഗ്രാമസൗഭാഗ്യയിലും, ചങ്ങരംകുളം, എടപ്പാള്‍, താനൂര്‍, വടക്കുമുറി എന്നിവിടങ്ങളിലുള്ള ഷോറൂമുകളിലും ജില്ലയിലെ  ഗ്രാമ സൗഭാഗ്യകളിലും വില്‍ക്കപ്പെടുന്ന ഖാദി തുണിത്തരങ്ങള്‍ക്കാണ് റിബേറ്റ്. സര്‍ക്കാര്‍ അര്‍ധസര്‍ക്കാര്‍ ജീവനക്കാര്‍ക്ക് ഒരു ലക്ഷം രൂപ വരെ ക്രെഡിറ്റ് സൗകര്യം ലഭിക്കും. 
 

    ലൈഫ് ഭവന നിര്‍മാണ പദ്ധതിയുടെ ഗുണഭോക്തൃ പട്ടികയില്‍ ആദ്യഘട്ടത്തില്‍ ഉള്‍പ്പെടാതെ പോയ ഭവനരഹിതര്‍ക്കും ഭൂരഹിതര്‍ക്കും ഓഗസ്റ്റ് ഒന്ന് മുതല്‍ 14 വരെ അപേക്ഷിക്കാം. ഓണ്‍ലൈന്‍ മുഖേനയാണ് അപേക്ഷ സമര്‍പ്പിക്കേണ്‍ത്. തദ്ദേശഭരണ സ്ഥാപനങ്ങളില്‍ സജ്ജീകരിക്കുന്ന ഹെല്‍പ് ഡെസ്‌ക്കുകള്‍ വഴിയോ സ്വന്തമായോ ഓണ്‍ലൈനായി അപേക്ഷ സമര്‍പ്പിക്കാം.  ഒരു റേഷന്‍ കാര്‍ഡില്‍ ഉള്‍പ്പെട്ടവരെ ഒറ്റ കുടുംബമായിട്ടായിരിക്കും പരിഗണിക്കുക. 2020 ജൂലൈ ഒന്നിന് മുന്‍പ് റേഷന്‍ കാര്‍ഡുള്ളതും കാര്‍ഡില്‍ പേരുള്ള ഒരാള്‍ക്ക് പോലും ഭവനം ഇല്ലാത്തവരുമായ  ഭൂമിയുള്ള ഭവനരഹിതര്‍, ഭൂരഹിത ഭവനരഹിതര്‍ എന്നിവര്‍ക്കാണ് അപേക്ഷിക്കാനാവുക.