കോവിഡ് 19 പ്രതിരോധത്തിന്റെ ഭാഗമായുള്ള ആരോഗ്യ ജാഗ്രത ലംഘിച്ചതിന് മലപ്പുറം ജില്ലയില്‍ അഞ്ച് കേസുകള്‍ കൂടി ഇന്നലെ (ജൂലൈ 26)  രജിസ്റ്റര്‍ ചെയ്തതായി ജില്ലാ പൊലീസ് മേധാവി യു. അബ്ദുള്‍ കരീം അറിയിച്ചു. വിവിധ സ്റ്റേഷനുകളിലായി നാല് പേരെ ഇന്നലെ അറസ്റ്റു ചെയ്തു. ഒരു വാഹനവും പിടിച്ചെടുത്തു. ഇതോടെ ആരോഗ്യ ജാഗ്രത ലംഘിച്ചതിന് പൊലീസ് രജിസ്റ്റര്‍ ചെയ്ത കേസുകളുടെ എണ്ണം 5,142 ആയി. 6,287 പേരെയാണ് ഇതുവരെ അറസ്റ്റു ചെയ്തത്. 2,666 വാഹനങ്ങളും പിടിച്ചെടുത്തിട്ടുണ്‍്.

ജില്ലയില്‍ 48 പേര്‍ക്ക് കൂടി കോവിഡ് 19 സ്ഥിരീകരിച്ചതായി ജില്ലാ കളക്ടര്‍ അറിയിച്ചു. 31 പേര്‍ക്ക് സമ്പര്‍ക്കത്തിലൂടെയാണ് രോഗം സ്ഥിരീകരിച്ചത്. ഇതില്‍ രണ്‍ു പേരുടെ രോഗ ഉറവിടം വ്യക്തമല്ല. 6 പേര്‍ക്ക് ആന്റിജന്‍ പരിശോധനയിലൂടെയാണ് രോഗം സ്ഥിരീകരിച്ചത്. കോട്ടയം സ്വദേശിയായ ഒരാള്‍ക്കും ജില്ലയില്‍ രോഗം സ്ഥിരീകരിച്ചിട്ടുണ്‍്. 

121 പേര്‍ രോഗ മുക്തരായി
ഉറവിടമറിയാതെ 23 പേര്‍ക്ക് വൈറസ്ബാധ
രോഗബാധിതരായി ചികിത്സയില്‍ 526 പേര്‍
ഇതുവരെ രോഗബാധ സ്ഥിരീകരിച്ചത് 1,686 പേര്‍ക്ക്
1,268 പേര്‍ക്ക് കൂടി പ്രത്യേക നിരീക്ഷണം
ആകെ നിരീക്ഷണത്തിലുള്ളത് 36,199 പേര്‍

    സുഭിക്ഷ കേരളം പദ്ധതിയുടെ ഭാഗമായി കര്‍ഷകര്‍ക്ക് ആയിരം  വാഴക്കന്നുകള്‍ വിതരണം ചെയ്തു. വേങ്ങര പഞ്ചായത്തിലെ പാണ്ടികശാല പതിനേഴാം വാര്‍ഡിലെ  150  കര്‍ഷകര്‍ക്കാണ് വാഴക്കന്നുകള്‍ നല്‍കിയത്. കര്‍ഷകനായ  കരുമ്പില്‍ അബൂബക്കറിന് വാഴക്കന്ന് നല്‍കി പരിപാടി  ഉദ്ഘാടനം ചെയ്തു.  പാണ്ടികശാലയില്‍ നടന്ന പരിപാടിയില്‍ വാര്‍ഡ് അംഗം വി.ഉമ്മു ഐമന്‍ യൂസുഫലി , കെ.മുസ്തഫ, ഇ.വി.സൈതലവി, എം.വേലായുധന്‍, ഇ.വി.സൈതലവി,  ഇ.വി.മൊയ്തീന്‍ക്കുട്ടി, ടി. കുഞ്ഞവറാന്‍, പി.വേലായുധന്‍ എന്നിവര്‍ പങ്കെടുത്തു.
 

    വേങ്ങര  പാണ്ടികശാല തട്ടാഞ്ചേരി മല ജംങ്ഷന്‍  - ഗ്രീന്‍ സോണ്‍ റോഡ് നിര്‍മാണ പ്രവൃത്തിയുടെ ടെന്‍ഡര്‍ നടപടികള്‍ പൂര്‍ത്തിയായി. വേങ്ങര ഗ്രാമപഞ്ചായത്തിന്റ 2020-21 വാര്‍ഷിക പദ്ധതിയില്‍ ഉള്‍പ്പെടുത്തി മൂന്ന് ലക്ഷം രൂപ ചെലവഴിച്ചാണ് റോഡ് നിര്‍മിക്കുന്നത്.  തട്ടാഞ്ചേരി മലയിലെ പത്തോളം കുടുംബങ്ങള്‍ക്ക് പുതിയ റോഡ് ഏറെ ആശ്വാസമാവുമെന്ന് വാര്‍ഡ് അംഗം വി.ഉമ്മു ഐമന്‍ യൂസുഫലി പറഞ്ഞു.