ക്ലസ്റ്ററുകളിലും കണ്ടെയ്ന്‍മെന്റ് സോണുകളിലും കൂടുതല്‍ പരിശോധനകള്‍ നടത്തണമെന്ന് മന്ത്രി പറഞ്ഞു. നിലവില്‍ ദിനം പ്രതി നടക്കുന്ന പരിശോധകള്‍ കാര്യമായി വര്‍ധിപ്പിക്കാന്‍ മന്ത്രി  നിര്‍ദ്ദേശിച്ചു.   ജില്ല പഞ്ചായത്ത് 50000 ആന്റിജന്‍ കിറ്റുകള്‍ നല്‍കാമെന്ന് സ്പോണ്‍സര്‍ ചെയ്യാമെന്ന് സമ്മതിച്ചതായി കളക്ടര്‍ എ.അലക്സാണ്ടര്‍ ചൂണ്ടിക്കാട്ടി. കൂടാതെ ജില്ല പഞ്ചായത്ത് എല്ലാ ഡിവിഷനിലും പരിശോധനാ കിയോസ്കുുകള്‍ ഒരുക്കാന്‍ തീരുമാനിച്ചതായി ജില്ല പഞ്ചായത്ത് സ്റ്റാന്‍ഡിങ് കമ്മറ്റി ചെയര്‍മാന്‍ കെ.ടി.മാത്യു പറഞ്ഞു.

ആലപ്പുുഴ:  കോവിഡ് 19 മായി ബന്ധപ്പെട്ട്  തീരപ്രദേശങ്ങള്‍ അതീവ ജാഗ്രത പുലര്‍ത്തണമെന്നും ഇവിടങ്ങളിലെ ഫസ്റ്റ് ലൈൻ ട്രീറ്റ്മെൻറ് സെൻററുകളിലെ അടിസ്ഥാന സൗകര്യങ്ങള്‍ അടിയന്തിരമായി വിലയിരുത്തി എല്ലാം സൗകര്യങ്ങളും ഉറപ്പാക്കണമെന്നും ധനകാര്യ വകുപ്പുുമന്ത്രി ഡോ.ടി.എം.തോമസ് ഐസക് നിര്‍ദ്ദേശം നല്‍കി. തീരമേഖലയിലെ തദ്ദേശസ്വയംഭരണസ്ഥാപനങ്ങളുടെ  കോവിഡ് നിയന്ത്രണ പ്രവര്‍ത്തനങ്ങള്‍ സംബന്ധിച്ച് കളക്ട്രേറ്റില്‍ വീഡിയോ കോൺഫറൻസ് വഴി ചേര്‍ന്ന അവലോകന യോഗത്തില്‍ സംസാരിക്കുകയായിരുന്നു മന്ത്രി.

ആലപ്പുഴ : പത്തനംതിട്ട ജില്ലയിൽ അതിശക്തമായ മഴ ഉള്ളതിനാൽ മൂഴിയാർ അണക്കെട്ടിലെ ജലനിരപ്പ് ഉയർന്നുകൊണ്ടിരിക്ക കയാണ്. ശക്തമായ മഴ ഇതേ രീതിയിൽ തുടരുകയാണങ്കിൽ ഇന്നു വൈകുന്നേരം 7  മണിയോടുകൂടി മൂഴിയാർ ഡാമിൻ 3 ഷട്ടറുകൾ 30  സെൻറീമീറ്റർ വീതം  ഉയർത്തി 51.36 ക്യൂമെന്റ് നിരക്കിൽ ജലം കക്കാട്ട് ആറിലേക്ക് ഒഴുക്കി വിടുന്നതാണ്. ആയതിനാൽ പമ്പനദിയുടെ തീരപ്രദേശങ്ങളായ ചെങ്ങന്നൂർ മുൻസിപ്പാലിറ്റി, ചെറുയന, മാന്നാർ തിരുവൻവണ്ടൂർ, പാണ്ടനാട്', എടത്വാ, ചെന്നിത്തല തൃപ്പെരുന്തുറ, വീയപുരം, കുമാരപുരം നിവാസികളും പൊതുജനങ്ങളും ജാഗ്രതാ പുലർത്തേണ്ടതും നദികളിൽ ഇറങ്ങു ന്നത് ഒഴിവാക്കേണ്ടതുമാണെന്ന് ജില്ലാ കളക്ടർ അറിയിച്ചു.

രണ്ടുപേർ വിദേശത്തു നിന്നും 3പേർ മറ്റ് സംസ്ഥാനങ്ങളിൽ നിന്നും എത്തിയവരാണ് .94 പേർക്ക് സമ്പർക്കത്തിലൂടെയാണ് രോഗം സ്ഥിരീകരിച്ചത് .

ആലപ്പുഴ : പുറക്കാട് ഗ്രാമ പഞ്ചായത്തിലെ നാലുചിറ ആറ്റുകടവ് തോണിക്കടവ് റോഡിന്റെ നിർമ്മാണം പൂർത്തിയായി. മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിൽ ഉൾപ്പെടുത്തിയാണ് റോഡിന്റെ നിർമ്മാണം പൂർത്തിയാക്കിയത്.

പുത്തനാറിന് വടക്കുഭാഗത്ത് വെള്ളത്താൽ ചുറ്റപ്പെട്ട ഒരു തുരുത്താണ് നാലുചിറ. വർഷങ്ങളായി ചെളി കോരി ബലപ്പെടുത്തിയാ ബണ്ടിലൂടെയാണ് ജനങ്ങൾ സഞ്ചാരത്തിനായി ഉപയോഗിച്ചിരുന്നത്. റോഡിൻറെ നിർമാണം പൂർത്തിയായതോടെ പ്രദേശവാസികളുടെ ദീർഘകാല സ്വപ്നമാണ് യാഥാർഥ്യമായത്.

ആലപ്പുഴ : അമ്പലപ്പുഴ ബ്ലോക്ക് പഞ്ചായത്ത് പരിധിയിൽ സ്ഥാപിച്ച നിരീക്ഷണ ക്യാമറകളുടെ ഉദ്ഘാടനം ഇന്ന് ( ആഗസ്റ്റ് 7) രാവിലെ 11ന് ബ്ലോക്ക് പഞ്ചായത്ത് ഓഫീസിൽ വെച്ച് മന്ത്രി ജി.സുധാകരൻ നിർവഹിക്കും. കോവിഡ് പ്രോട്ടോക്കോൾ പാലിച്ചു വീഡിയോ കോൺഫറൻസ് വഴിയാണ് ക്യാമറകളുടെ സ്വിച്ച് ഓൺ കർമം.

ആലപ്പുഴ: രോഗവ്യാപനം തടയുന്നതിന്റെ ഭാഗമായി ആലപ്പുഴ മുനിസിപ്പാലിറ്റിയിലെ വലിയ മാർക്കറ്റ് പൂർണമായും അടച്ചിടാൻ ജില്ലാ കളക്ടർ ഉത്തരവിട്ടു..  മുനിസിപ്പാലിറ്റിയിലെ വാർഡ് 24  (വഴിച്ചേരി),  45 (സീവ്യൂ) എന്നീ വാർഡുകളിലായാണ് വലിയ മാർക്കറ്റ് സ്ഥിതിചെയ്യുന്നത്.

ആലപ്പുഴ മുനിസിപ്പാലിറ്റിയിലെ വാർഡ് 24ൽ  (വഴിച്ചേരി) കോവിഡ്  പോസിറ്റീവ് രോഗികളും രോഗികളുമായി സമ്പർക്കത്തിൽ ഏർപ്പെട്ട പ്രൈമറി സെക്കൻഡറി കോൺടാക്റ്റുകളും  ഉള്ളതിനാൽ വാർഡ് കണ്ടെയ്‌മെന്റ്  സോണായി പ്രഖ്യാപിച്ചിരുന്നു.

ആലപ്പുഴ: ജില്ലയിലെ തീരപ്രദേശങ്ങളിലെ മത്സ്യബന്ധനവും വിപണനവും ഓഗസ്റ്റ് 12(12/8/2020) രാത്രി 12 മണി വരെ നീട്ടി ജില്ലാകലക്ടർ ഉത്തരവായി. തുടർ നിയന്ത്രണങ്ങൾ സംബന്ധിച്ച ഉത്തരവ് 12/8/2020 ഉണ്ടാകും .

നേരത്തെ ആഗസ്റ്റ് 5 രാത്രി 12 വരെ പ്രഖ്യാപിച്ചിരുന്ന നിരോധനം ,ആഗസ്റ്റ്‌ 6 വരെ നീട്ടിയും, തുടർ നിയന്ത്രണങ്ങൾ പിന്നീട് തീരുമാനിക്കാമെന്നും 5/8/2020ന് ചേർന്ന ദുരന്തനിവാരണ അതോറിറ്റിയുടെ യോഗത്തിൽ തീരുമാനമായിരുന്നു.

ആഗസ്റ്റ് 5, 6 തീയതികളിൽ തീരദേശ മേഖലയിൽ രോഗവ്യാപനം കൂടിയ സാഹചര്യത്തിലാണ് നിരോധനം ഓഗസ്റ്റ് 12(12/8/2020) രാത്രി 12 മണി വരെ നീട്ടിയത്.