താലൂക്ക്  സപ്ലൈ ഓഫീസില്‍ റേഷന്‍ കാര്‍ഡ് സംബന്ധമായ കാര്യങ്ങള്‍ ഫോൺ വിളിച്ച് അന്വേഷിക്കണമെന്ന്  വടകര താലൂക്ക് സപ്ലൈ ഓഫീസര്‍ അറിയിച്ചു. 9495886215 ( സീനിയര്‍ ക്ലര്‍ക്ക് - റേഷന്‍ കാര്‍ഡ് വിഭാഗം) എന്ന നമ്പറില്‍ വിളിച്ച്  വിവരങ്ങൾ അന്വേഷിക്കാം.    

ചാത്തമംഗലം ഗ്രാമപഞ്ചായത്തിലെ മൂന്നാമത്തെ കോവിഡ് ഫസ്റ്റ് ലൈന്‍ ട്രീറ്റ്മെന്‍റ് സെന്‍റര്‍ എന്‍.ഐ.ഇ.എല്‍.ടി ഹോസ്റ്റലില്‍ പി.ടി.എ റഹീം എം.എല്‍.എ ഉദ്ഘാടനം ചെയ്തു.

കോവിഡ് രോഗവ്യാപനത്തിന്റെ പശ്ചാത്തലത്തില്‍ കോഴിക്കോട് മെഡിക്കല്‍ കോളേജ് ആശുപത്രിയില്‍ നിയന്ത്രണങ്ങള്‍ ഏര്‍പ്പെടുത്തിയതായി ഗതാഗത വകുപ്പ് മന്ത്രി എ.കെ ശശീന്ദ്രന്‍ അറിയിച്ചു. കലക്ടറേറ്റില്‍ നടന്ന കോവിഡ് അവലോകന യോഗത്തിന് ശേഷം സംസാരിക്കുകയായിരുന്നു അദ്ദേഹം.

2020 ഓഗസ്റ്റ് മാസത്തെ ഭക്ഷ്യധാന്യങ്ങള്‍ വിതരണത്തിന് തയ്യാറായതായി ജില്ലാ സപ്ലൈ ഓഫീസര്‍ അറിയിച്ചു.

1. എ.ഐ.വൈ വിഭാഗത്തില്‍പ്പെട്ട (മഞ്ഞ) കാര്‍ഡ് ഒന്നിന് 30 കിലോഗ്രാം അരിയും, അഞ്ച് കിലോഗ്രാം ഗോതമ്പും സൗജന്യമായി ലഭിക്കും. കൂടാതെ ഒരു കിലോഗ്രാം പഞ്ചസാര, 21 രൂപയ്ക്കും ലഭിക്കുന്നതാണ്.

* പി.എം.ജി.കെ.എ.വൈ പദ്ധതിപ്രകാരം കാര്‍ഡിലെ ഓരോ അംഗത്തിനും നാല് കിലോഗ്രാം അരിയും ഒരു കിലോ ഗോതമ്പും സൗജന്യമായി ലഭിക്കും.

കാലവര്‍ഷം ശക്തമായതിനെ തുടര്‍ന്ന് ജില്ലയില്‍ ഓഗസ്റ്റ് അഞ്ചിന് ലഭിച്ചത് 12.7 മില്ലിമീറ്റര്‍ മഴ. ജില്ലയിലെ ആറു താലൂക്കുകളിലായി ഓഗസ്റ്റ് അഞ്ച് രാവിലെ എട്ട് മുതല്‍ ഓഗസ്റ്റ് ആറിന് രാവിലെ എട്ട് വരെ ലഭിച്ച ശരാശരി മഴയാണിത്. മണ്ണാര്‍ക്കാട് താലൂക്കില്‍ 36.6 മില്ലിമീറ്റര്‍, പട്ടാമ്പിയില്‍ 0.4,  ആലത്തൂരില്‍ 0.6,  ഒറ്റപ്പാലം 6.8, ചിറ്റൂര്‍ 5, പാലക്കാട് 26.8 മില്ലിമീറ്റര്‍ മഴയാണ് ലഭിച്ചത്.

ആലത്തൂര്‍ ബ്ലോക്ക് പഞ്ചായത്ത് സ്വാമി അയ്യര്‍ ദുരൈ ഡാം വിനോദ കേന്ദ്രമായി ഉയര്‍ത്തുന്നതിന്റെ ഭാഗമായി  പൂര്‍ത്തിയാക്കിയ ആദ്യഘട്ട നിര്‍മ്മാണ പ്രവൃത്തികളുടെ ഉദ്ഘാടനം കെ.ഡി പ്രസേനന്‍  എം.എല്‍.എ നിര്‍വഹിച്ചു. സ്വാമി അയ്യര്‍ ദുരൈ ഡാം വിനോദസഞ്ചാരകേന്ദ്രമായി ഉയര്‍ത്തുന്നതിലൂടെ സമീപപ്രദേശങ്ങളിലെ നിരവധി ആളുകള്‍ക്ക്് ഉപകാരപ്രദമാകുമെന്ന്  എം.എല്‍.എ പറഞ്ഞു.. നിലവില്‍ ഡാമിന്റെ സംരക്ഷഭിത്തി ബലപ്പെടുത്തുകയും ആഴം വര്‍ദ്ധിപ്പിക്കുകയും ചെയ്തു.  പരിപാടിയില്‍ ആലത്തൂര്‍ ബ്ലോക്ക് പഞ്ചായത്ത് പ്രസിഡന്റ് സി.കെ ചാമുണ്ണി അധ്യക്ഷനായി.

വൃഷ്ടിപ്രദേശത്ത് മഴ  കനക്കുന്നതിനെ തുടര്‍ന്ന് ശിരുവാണി പുഴയില്‍ ജലനിരപ്പ് ഉയര്‍ന്നതിനാല്‍ കോട്ടത്തറ ഭാഗത്തുള്ള തീരദേശ വാസികള്‍ ജാഗ്രത പാലിക്കണമെന്ന് ജില്ലാ കളക്ടര്‍ അറിയിച്ചു.

മഴ തുടരുന്ന സാഹചര്യത്തില്‍ മലമ്പുഴയുമായി ബന്ധപ്പെട്ട് മലമ്പുഴ പ്രകൃതി ദുരന്ത സാധ്യത പഠനറിപ്പോര്‍ട്ട് പുറത്തിറക്കി. ജില്ലയിലെ അഗ്‌നിശമനസേനയുടെ കീഴിലുള്ള സിവില്‍ ഡിഫന്‍സ് വളണ്ടിയേഴ്‌സ് നടത്തിയ പഠനത്തിന്റെ അടിസ്ഥാനത്തില്‍ തയ്യാറാക്കിയ പുസ്തകം അഗ്‌നിശമനസേന ജില്ലാ മേധാവി അരുണ്‍ ഭാസ്‌കര്‍ ജില്ല ദുരന്തനിവാരണ അതോറിറ്റി ചെയര്‍മാന്‍ കൂടിയായ ജില്ലാ കളക്ടര്‍ ഡി. ബാലമുരളിക്ക്  കൈമാറി.

മലമ്പുഴ സമഗ്ര കുടിവെള്ള പദ്ധതിയുടെ ഭാഗമായുള്ള ജലസംഭരണികളുടെ നിര്‍മാണോദ്ഘാടനം ഇന്ന് (ഓഗസ്റ്റ് ഏഴിന്) രാവിലെ 11 ന് ജലവിഭവ വകുപ്പ് മന്ത്രി കെ. കൃഷ്ണന്‍കുട്ടി മലമ്പുഴ വാട്ടര്‍ അതോറിറ്റി കോമ്പൗണ്ടില്‍ നിര്‍വഹിക്കും. ഭരണപരിഷ്‌കാര കമ്മീഷന്‍ ചെയര്‍മാനും എം.എല്‍.എ.യുമായ വി.എസ് അച്യുതാനന്ദന്‍ ഓണ്‍ലൈനില്‍ അധ്യക്ഷനാകും .