ആലപ്പുഴ : അമ്പലപ്പുഴ ബ്ലോക്ക് പഞ്ചായത്ത് പരിധിയിൽ സ്ഥാപിച്ച നിരീക്ഷണ ക്യാമറകളുടെ ഉദ്ഘാടനം ഇന്ന് ( ആഗസ്റ്റ് 7) രാവിലെ 11ന് ബ്ലോക്ക് പഞ്ചായത്ത് ഓഫീസിൽ വെച്ച് മന്ത്രി ജി.സുധാകരൻ നിർവഹിക്കും. കോവിഡ് പ്രോട്ടോക്കോൾ പാലിച്ചു വീഡിയോ കോൺഫറൻസ് വഴിയാണ് ക്യാമറകളുടെ സ്വിച്ച് ഓൺ കർമം.

ആലപ്പുഴ: രോഗവ്യാപനം തടയുന്നതിന്റെ ഭാഗമായി ആലപ്പുഴ മുനിസിപ്പാലിറ്റിയിലെ വലിയ മാർക്കറ്റ് പൂർണമായും അടച്ചിടാൻ ജില്ലാ കളക്ടർ ഉത്തരവിട്ടു..  മുനിസിപ്പാലിറ്റിയിലെ വാർഡ് 24  (വഴിച്ചേരി),  45 (സീവ്യൂ) എന്നീ വാർഡുകളിലായാണ് വലിയ മാർക്കറ്റ് സ്ഥിതിചെയ്യുന്നത്.

ആലപ്പുഴ മുനിസിപ്പാലിറ്റിയിലെ വാർഡ് 24ൽ  (വഴിച്ചേരി) കോവിഡ്  പോസിറ്റീവ് രോഗികളും രോഗികളുമായി സമ്പർക്കത്തിൽ ഏർപ്പെട്ട പ്രൈമറി സെക്കൻഡറി കോൺടാക്റ്റുകളും  ഉള്ളതിനാൽ വാർഡ് കണ്ടെയ്‌മെന്റ്  സോണായി പ്രഖ്യാപിച്ചിരുന്നു.

ആലപ്പുഴ: ജില്ലയിലെ തീരപ്രദേശങ്ങളിലെ മത്സ്യബന്ധനവും വിപണനവും ഓഗസ്റ്റ് 12(12/8/2020) രാത്രി 12 മണി വരെ നീട്ടി ജില്ലാകലക്ടർ ഉത്തരവായി. തുടർ നിയന്ത്രണങ്ങൾ സംബന്ധിച്ച ഉത്തരവ് 12/8/2020 ഉണ്ടാകും .

നേരത്തെ ആഗസ്റ്റ് 5 രാത്രി 12 വരെ പ്രഖ്യാപിച്ചിരുന്ന നിരോധനം ,ആഗസ്റ്റ്‌ 6 വരെ നീട്ടിയും, തുടർ നിയന്ത്രണങ്ങൾ പിന്നീട് തീരുമാനിക്കാമെന്നും 5/8/2020ന് ചേർന്ന ദുരന്തനിവാരണ അതോറിറ്റിയുടെ യോഗത്തിൽ തീരുമാനമായിരുന്നു.

ആഗസ്റ്റ് 5, 6 തീയതികളിൽ തീരദേശ മേഖലയിൽ രോഗവ്യാപനം കൂടിയ സാഹചര്യത്തിലാണ് നിരോധനം ഓഗസ്റ്റ് 12(12/8/2020) രാത്രി 12 മണി വരെ നീട്ടിയത്.

എല്ലാ വർഷവും ആഗസ്റ്റ് മാസത്തിലെ രണ്ടാം ശനിയാഴ്ച നടത്തി വന്നിരുന്ന നെഹ്‌റു ട്രോഫി ജലമേള, Covid 19 മഹാമാരിയുടെ പശ്ചാത്തലത്തിൽ  മാറ്റിവെച്ചിരിക്കുന്നു എന്ന് നെഹ്‌റു ട്രോഫി ബോട്ട് റേസ് സൊസൈറ്റിയുടെ ചെയർമാൻ കൂടിയായ  ആലപ്പുഴ ജില്ലാ കളക്ടർ അറിയിച്ചു.
 

ആലപ്പുഴ ബൈപാസ് നിര്‍മ്മാണത്തിന്‍റെ അവസാനഘട്ട നിര്‍മ്മാണ പ്രവര്‍ത്തനങ്ങളുടെ ഭാഗമായുള്ള കുതിരപ്പന്തി റെയില്‍വേ മേല്‍പാലത്തിന്‍റെ കോണ്‍ക്രീറ്റ് പ്രവൃത്തികള്‍ ഇന്ന് (ആഗസ്റ്റ് 7) ആരംഭിക്കുമെന്ന് പൊതുമരാമത്ത് മന്ത്രി ജി. സുധാകരന്‍ അറിയിച്ചു.

ആലപ്പുഴ നഗരസഭ വാർഡ് നമ്പർ 24 കണ്ടൈൻമെന്റ് സോണായി പ്രഖ്യാപിച്ച് ജില്ലാ കലക്ടർ ഉത്തരവായി. ഈ വാർഡിൽ കോവിഡ് പോസിറ്റീവ് രോഗികളും, രോഗികളുടെ പ്രൈമറി, സെക്കണ്ടറി കോൺടാക്റ്റുകളും ഉള്ളതായുള്ള ജില്ലാ മെഡിക്കൽ ഓഫീസറുടെ റിപ്പോർട്ടിനെ തുടർന്നാണ് ഈ വാർഡുകൾ കണ്ടൈൻ മെന്റ് സോണായ് പ്രഖ്യാപിച്ചത്.

ആലപ്പുഴ: കേരളാ സർക്കാർ ഈ വർഷം മുതൽ നടപ്പിലാക്കിയ വിഎച്ച് എസ് ഇ - എൻ എസ് ക്യു എഫ് കോമേഴ്സ് വിഷയത്തിൽ ഉൾപ്പെട്ട കമ്പ്യൂട്ടർ ആപ്ലിക്കേഷൻ അക്കൗണ്ടിങ് & പബ്ലിഷിങ് (43) സെയിൽസ് അസോഷിയേറ്റ് (46 ) എന്നീകോഴ്സുകളി ലേക്കുള്ള അഡ്മിഷൻ ആരംഭിച്ചു.പ്രവേശനം ഏകജാലകത്തിലുടെ. vhscap.kerala.gov.inഎന്ന സൈറ്റ് സന്ദർശിക്കുക.വാണിജ്യ വ്യവസായശാലകളിൽ പരിശീലനവും ജോലിയും ഉറപ്പാക്കുന്നതിനോടൊപ്പം ഉന്നത വിദ്യാദ്യാസത്തിനുളള ഹയർസെക്കണ്ടറി സർട്ടിഫിക്കേറ്റും നേടാം. ഫോൺ നമ്പർ 8075592150, 9447463736 ,9400611119, 9446830976 എന്നിവയിൽ ബന്ധപ്പെടാവുന്നതാണ്.

ലൈഫ് മിഷന്‍ 2020; 2017 ല്‍ വിട്ടു പോയിട്ടുള്ളയാളുകള്‍ക്കും

ശേഷം അർഹത നേടിയിട്ടുള്ളവര്‍ക്കും അവസരം