ജില്ലയില്‍ 129 പേര്‍ക്ക് കൂടി കോവിഡ് 19 സ്ഥിരീകരിച്ചു.
സമ്പര്‍ക്കത്തിലൂടെ 109 പേര്‍ക്ക് വൈറസ്ബാധ സ്ഥിരീകരിച്ചു.
ഇതില്‍ ഉറവിടമറിയാതെ 19  പേര്‍ രോഗബാധിതരായി
സമ്പര്‍ക്കത്തിലൂടെ രോഗബാധ സ്ഥിരീകരിച്ചവര്‍

    അരീക്കോട് ബ്ലോക്ക് പഞ്ചായത്ത് താലൂക്ക് ആശുപത്രി മാറ്റി സ്ഥാപിക്കുന്നതിന്  മൂന്നര ഏക്കറില്‍ കുറയാത്ത വഴി സൗകര്യമുള്ള സ്ഥലം സൗജന്യമായോ സര്‍ക്കാര്‍ നിശ്ചയിക്കുന്ന നിരക്കിലോ വിട്ടു നല്‍കാന്‍ താത്പര്യമുള്ളവരില്‍ നിന്ന്  സീല്‍ ചെയ്ത അപേക്ഷകള്‍ ക്ഷണിച്ചു. അപേക്ഷകള്‍ ഓഗസ്റ്റ് 18ന് ഉച്ചക്ക് രണ്‍ിനകം അരീക്കോട് ബ്ലോക്ക് പഞ്ചായത്ത് സെക്രട്ടറിയുടെ പേരില്‍ സമര്‍പ്പിക്കണം. കൂടുതല്‍ വിവരങ്ങള്‍ക്ക് അരീക്കോട് ബ്ലോക്ക് പഞ്ചായത്ത് ഓഫീസുമായി ബന്ധപ്പെടണമെന്ന് സെക്രട്ടറി അറിയിച്ചു. ഫോണ്‍: 0483 2850047. 
 

    വൃത്തിഹീനതൊഴിലില്‍ ഏര്‍പ്പെട്ടിരിക്കുന്നവരുടെ മക്കള്‍ക്കുള്ള പ്രീ മെട്രിക് വിദ്യാഭ്യാസാനുകൂല്യ പദ്ധതിക്ക് ജാതി-മത പരിഗണന കൂടാതെ അപേക്ഷ ക്ഷണിച്ചു. വൃത്തിഹീനതൊഴില്‍/വേസ്റ്റ് പിക്കിങ് നടത്തുന്നവരുടെ ആശ്രിതരാണെന്നുള്ള പഞ്ചായത്ത്/നഗരസഭ സെക്രട്ടറിയുടെ സാക്ഷ്യപത്രം, ആധാര്‍ കാര്‍ഡിന്റെ പകര്‍പ്പ്, ബാങ്ക് പാസ്ബുക്ക് പകര്‍പ്പ് എന്നിവ സഹിതം അതത് ബ്ലോക്ക്/നഗരസഭ പട്ടികജാതി വികസന ഓഫീസര്‍ക്ക് ഓഗസ്റ്റ് 25നകം അപേക്ഷ സമര്‍പ്പിക്കണമെന്ന് ജില്ലാപട്ടിക ജാതി വികസന ഓഫീസര്‍ അറിയിച്ചു. 
 

    കേരള ബില്‍ഡിങ് ആന്‍ഡ് അദര്‍ കണ്‍സ്ട്രക്ഷന്‍ വര്‍ക്കേഴ്‌സ് വെല്‍ഫെയര്‍ ബോര്‍ഡില്‍ നിന്ന്  കോവിഡ്19 പ്രത്യേക ധനസഹായമായ ആയിരം രൂപ ലഭിക്കുന്നതിനുള്ള അപേക്ഷ ഓഗസ്റ്റ് 15നകം എല്ലാ അംഗങ്ങളും നിര്‍മാണ തൊഴിലാളി ക്ഷേമനിധി ജില്ലാ ഓഫീസില്‍ സമര്‍പ്പിക്കണമെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു.
 

    ജില്ലയില്‍ ആംബുലന്‍സുകളുടെ ഉടമകള്‍ വാഹനങ്ങളുടെയും ഡ്രൈവര്‍മാരുടെയും വിവരങ്ങള്‍  covid19jagratha.kerala.nic.in   എന്ന      വെബ്‌സൈറ്റിലെ  ആംബുലന്‍സ് എന്ന ഓപ്ഷനില്‍ ഉടന്‍ രജിസ്റ്റര്‍ ചെയ്യണമെന്ന് ജില്ലാ എന്‍ഫോഴ്‌സ്മന്റ് ആര്‍.ടി.ഒ അറിയിച്ചു. രജിസ്റ്റര്‍ ചെയ്യുന്നതിന് സഹായം ആവശ്യമുള്ളവര്‍ അതത് സ്ഥലങ്ങളിലെ ആര്‍.ടി.ഒ/ സബ് ആര്‍.ടി.ഒ ഓഫീസിനെ സമീപിക്കണം.
 

    പ്രളയ രക്ഷാപ്രവര്‍ത്തനങ്ങള്‍ക്കായി കൊണ്ടോട്ടി താലൂക്കില്‍ 48 ക്യാമ്പുകള്‍ തയ്യാറായി. കൊണ്ടോട്ടി താലൂക്കിലെ 12 വില്ലേജുകളിലാണ്  ക്യാമ്പുകള്‍  ഒരുക്കിയിട്ടുള്ളത്. എല്ലാ ക്യാമ്പുകളിലേക്കും അവശ്യ സൗകര്യങ്ങളൊരുക്കുന്നതിനും പ്രളയ സുരക്ഷാ ക്രമീകരണങ്ങളൊരുക്കുന്നതിനുമായി ചീക്കോട്  പഞ്ചായത്തില്‍ ബെയ്‌സ് ക്യാമ്പ് ആരംഭിച്ചു.  

    അതിതീവ്രമഴയ്ക്ക് സാധ്യതയുള്ളതിനാല്‍ കേന്ദ്ര കാലാവസ്ഥ വകുപ്പ് ഇന്ന് (ഓഗസ്റ്റ് ഏഴ്) ജില്ലയില്‍ റെഡ് അലര്‍ട്ട് പ്രഖ്യാപിച്ചു. 24 മണിക്കൂറില്‍ 204.5 മി.മി  കൂടുതല്‍ മഴ ലഭിക്കാനുള്ള സാധ്യതയാണിത്. പൊതുജനങ്ങളും സര്‍ക്കാര്‍ സംവിധാനങ്ങളും അതീവ ജാഗ്രത പാലിക്കണം. രാത്രി സമയങ്ങളില്‍ മഴ ശക്തിപ്പെടുന്ന സാഹചര്യമുള്ളതിനാല്‍ ഉരുള്‍പൊട്ടല്‍, മണ്ണിടിച്ചില്‍ സാധ്യതയുള്ള പ്രദേശങ്ങളില്‍ മുന്‍കരുതലായി ആളുകള്‍ മാറിതാമസിക്കണം.