സമ്പര്‍ക്കം വഴി 113 പേര്‍ക്ക്

കോഴിക്കോട് ജില്ലയില്‍ ഇന്ന് (ഓഗസ്റ്റ് 7) 149 പേര്‍ക്ക് കൂടി കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ അറിയിച്ചു.വിദേശത്ത് നിന്ന് എത്തിയ ആറുപേര്‍ക്കും ഇതര സംസ്ഥാനങ്ങളില്‍നിന്ന് എത്തിയ 24 പേര്‍ക്കും പോസിറ്റീവായി. സമ്പര്‍ക്കം വഴി 113 കേസുകള്‍ റിപ്പോര്‍ട്ട് ചെയ്തു. ആറുപേര്‍ക്ക് രോഗം ബാധിച്ചതിന്റെ ഉറവിടം വ്യക്തമല്ല. ഇതോടെ രോഗം സ്ഥിരീകരിച്ച് ചികിത്സയിലുളള കോഴിക്കോട് സ്വദേശികളുടെ എണ്ണം 1000 ആയി. കോഴിക്കോട് കോര്‍പ്പറേഷന്‍ പരിധിയില്‍ 21 അതിഥി തൊഴിലാളികള്‍ക്ക് കോവിഡ് ബാധിച്ചിട്ടുണ്ട്

വിദേശത്ത് നിന്ന് എത്തിയവര്‍ - 6

ജില്ലയില്‍ കനത്ത കാറ്റിനും മഴയ്ക്കും സാധ്യതയുള്ളതിനാല്‍ ആഗസ്ത് എട്ട്, ഒമ്പത് തീയതികളില്‍ കേന്ദ്ര കാലാവസ്ഥവകുപ്പ് ഓറഞ്ച് അലര്‍ട്ട് പ്രഖ്യാപിച്ചു.  10ന് യെല്ലോ അലര്‍ട്ടും പ്രഖ്യാപിച്ചിട്ടുണ്ട്.  മഴ ശക്തി പ്രാപിക്കാന്‍ സാധ്യതയുള്ളതിനാല്‍ പൊതുജനങ്ങള്‍ ജാഗ്രത പാലിക്കണമെന്നും നിര്‍ദേശമുണ്ട്.

മലമ്പുഴ ഡാമിന്റെ വൃഷ്ടിപ്രദേശങ്ങളിൽ  മഴ തുടരുന്നതിനാൽ ഡാമിലെ ജലനിരപ്പ് ക്രമാതീതമായി ഉയർന്ന്  നീരൊഴുക്ക് കൂടുന്ന സാഹചര്യം കണക്കിലെടുത്ത്   ഓഗസ്റ്റ് 9 ന്  നിയന്ത്രിതമായ അളവിൽ ജലം തുറന്നു വിടാൻ സാധ്യതയുണ്ടെന്ന് എക്സിക്യൂട്ടീവ് എൻജിനീയർ അറിയിച്ചു.  പുഴയുടെ തീരത്ത് താമസിക്കുന്നവർ ജാഗ്രത പാലിക്കണമെന്ന നിർദ്ദേശവും നൽകിയിട്ടുണ്ട്.

മഴക്കെടുതിയെത്തുടര്‍ന്ന് ജില്ലയില്‍ ഒമ്പത്  കുടുംബങ്ങളെ കൂടി മാറ്റിപ്പാര്‍പ്പിച്ചു. വീടിന്റെ മേല്‍ക്കൂര തകര്‍ന്നതിനെ തുടര്‍ന്ന് ആന്തൂര്‍ കോടല്ലൂരിലെ ഒരു കുടുംബത്തേയും വെള്ളപ്പൊക്ക ഭീഷണിയെത്തുടര്‍ന്ന് കുറ്റിയാട്ടൂര്‍ വില്ലേജിലെ അഞ്ച് കുടുംബങ്ങളെയും ശ്രീകണ്ഠാപുരം വില്ലേജിലെ മൂന്ന്  കുടുംബങ്ങളെയുമാണ് വെള്ളിയാഴ്ച ബന്ധുവീടുകളിലേക്ക് മാറ്റിപ്പാര്‍പ്പിച്ചത്.

കോഴിക്കോട് എഫ്.എല്‍.ടി.സി, മെഡിക്കല്‍ കോളേജ്, എന്‍.ഐ.ടി. എഫ്.എല്‍.ടി.സികളില്‍ ചികിത്സയിലായിരുന്ന 36  പേര്‍ രോഗമുക്തി നേടി
കോഴിക്കോട് കോര്‍പ്പറേഷന്‍ -  15, കൊയിലാണ്ടി  - 3, നാദാപുരം  -  2, ഏറാമല - 2,പുതുപ്പാടി - 1, കുന്ദമംഗലം - 1, ഒഞ്ചിയം  - 1, ഒളവണ്ണ  - 1, രാമനാട്ടുകര  - 1, കോട്ടുര്‍  - 1, ചെക്യാട്   -  2, വേളം   -   1, ഉണ്ണികുളം  -  1, പുറമേരി - 1, അത്തോളി - 1.

കൊവിഡ് 19 രോഗവ്യാപനത്തിന്റെ പശ്ചാത്തലത്തില്‍ ജില്ലയിലെ ബാങ്കുകളുടെ പ്രവര്‍ത്തനവുമായി ബന്ധപ്പെട്ട് പുതിയ നിര്‍ദേശങ്ങള്‍ പുറപ്പെടുവിച്ചു. ജില്ലാ കലക്ടര്‍ ടി വി സുഭാഷിന്റെ നേതൃത്വത്തില്‍ ബാങ്ക് മേധാവികളുമായി ചേര്‍ന്ന ഓണ്‍ലൈന്‍ യോഗത്തിലാണ് ഇത് സംബന്ധിച്ച തീരുമാനം.
നിര്‍ദേശങ്ങള്‍;
പണമിടപാടുകള്‍ക്കായി ബാങ്കുകളില്‍ ഒരേ സമയം അഞ്ച് പേരെയോ ബാങ്കിലെ ജീവനക്കാരുടെ എണ്ണവും സ്ഥല സൗകര്യവും പരിഗണിച്ചോ അകത്ത് പ്രവേശിപ്പിക്കുന്നതിനാവശ്യമായ നടപടികള്‍ ബന്ധപ്പെട്ട ബാങ്ക് മാനേജര്‍മാര്‍ സ്വീകരിക്കണം.

കോവിഡ് 19 പ്രതിരോധവുമായി ബന്ധപ്പെട്ട് കേരള തയ്യല്‍ തൊഴിലാളി ക്ഷേമനിധി ബോര്‍ഡ് നല്‍കി വരുന്ന 1000 രൂപ ധനസഹായത്തിന് അപേക്ഷ സമര്‍പ്പിക്കുന്നതിനുള്ള സമയം ആഗസ്റ്റ് 10ന് വൈകിട്ട് 5 മണിക്ക് അവസാനിക്കും. ഇതിനകം ഓണ്‍ലൈന്‍  അപേക്ഷ സമര്‍പ്പിച്ചിട്ടുള്ള തൊഴിലാളികള്‍ അപേക്ഷയോടൊപ്പം രേഖകളുടെ പകര്‍പ്പ് അപ്ലോഡ് ചെയ്തിട്ടില്ലാത്ത പക്ഷം ആഗസ്റ്റ് 10 നകം രേഖകളുടെ പകര്‍പ്പ് ജില്ലാ ഓഫീസുകളി കോവിഡ് മാനദണ്ഡങ്ങള്‍ പാലിച്ച് എത്തിക്കണം. അല്ലാത്ത പക്ഷം ഈ അപേക്ഷകള്‍ നിരസിക്കുന്നതായിരിക്കുമെന്ന് ജില്ലാ എക്സിക്യൂട്ടീവ് ഓഫീസര്‍ അറിയിച്ചു.

കനത്ത മഴയും വെള്ളപ്പൊക്കവും ഉണ്ടാകുമെന്നുള്ള മുന്നറിയിപ്പുള്ളതിനാല്‍ വെള്ളം കയറുന്ന താഴ്ന്ന ഭാഗങ്ങളിലെ ഉപഭോക്താക്കള്‍ വീടുമാറി താമസിക്കേണ്ടി വരുന്ന സാഹചര്യങ്ങളില്‍ മീറ്റര്‍ ചേമ്പറില്‍ ഉള്ള വാല്‍വ് അടച്ചിടണമെന്ന് കേരള ജല അതോറിറ്റി എക്സിക്യൂട്ടീവ എഞ്ചിനീയര്‍ അറിയിച്ചു. അല്ലാത്തപക്ഷം വാട്ടര്‍ മീറ്ററിനു ശേഷമുള്ള ഭാഗങ്ങളില്‍ പൈപ്പ് പൊട്ടിയാല്‍ വലിയ തോതിലുള്ള ജല നഷ്ടമുണ്ടാവാനും, ഉപഭോക്താവിന് അധിക തുക അടയ്ക്കേണ്ടതായും വരും. ഇതിനാല്‍ മുന്‍കരുതലെടുക്കുന്നതിന് ബന്ധപ്പെട്ട ഉപഭോക്താക്കള്‍ ശ്രദ്ധിക്കണമെന്നും അറിയിച്ചു.

ഈ വര്‍ഷത്തെ സ്വാതന്ത്ര്യദിനാഘോഷ പരിപാടികള്‍ കൊവിഡ് രോഗവ്യാപനസാഹചര്യത്തില്‍ ചടങ്ങ് മാ്രതമായി ചുരുക്കും. പരേഡ് ഉള്‍പ്പെടെയുള്ള പരിപാടികള്‍ ഒഴിവാക്കും. പൊതുജനങ്ങള്‍ക്ക് ചടങ്ങിലേക്ക് പ്രവേശനം ഉണ്ടായിരിക്കില്ല. ജനപ്രതിനിധികള്‍, വിശിഷ്ട വ്യക്തികള്‍, ഉദ്യോഗസ്ഥര്‍, മാധ്യമ പ്രവര്‍ത്തകര്‍ എന്നിങ്ങനെയുള്ള വിഭാഗങ്ങളില്‍ നിന്നുള്ള പ്രത്യേക ക്ഷണിതാക്കളെ പാസ് നല്‍കിയായിരിക്കും ചടങ്ങുകളില്‍ പങ്കെടുപ്പിക്കുക. ജില്ലാ കലക്ടര്‍ ടി വി സുഭാഷിന്റെ അധ്യക്ഷതയില്‍ ചേര്‍ന്ന ഇതുസംബന്ധിച്ച യോഗത്തിലാണ് തീരുമാനം. രാവിലെ ഒമ്പത് മണിക്ക് ചടങ്ങ് ആരംഭിക്കും.