ജിയോളജിക്കൽ സർവേ ഓഫ് ഇന്ത്യയുടെ കണ്ടെത്തലിൽ 14 പ്രശ്ന സാധ്യത മേഖലകളാണ് പാലക്കാട്‌ ജില്ലയിൽ  കണ്ടെത്തിയിരിക്കുന്നത്. ഈ മേഖലകളിലെ മണ്ണിടിച്ചിൽ സാധ്യതയുള്ള പ്രദേശങ്ങളിൽ 327 കുടുംബങ്ങളാണ് ഉള്ളത്. 

കരിപ്പൂർ വിമാനത്താവളത്തിൽ ഓഗസ്റ്റ് 7 ന് രാത്രി 7.30 ന്  IX 1344   ദുബായ്- കരിപ്പൂർ വിമാനം ലാൻഡിങ് സമയത്ത് റൺവേയിൽ നിന്ന് തെന്നിമാറിയുണ്ടായ അപകടത്തിൽ പാലക്കാട് സ്വദേശികളായ രണ്ടു പേരടക്കം 18 പേരുടെ മരണം സ്ഥിരീകരിച്ചു. മുഹമ്മദ് റിയാസ്(24)- ചളവറ പഞ്ചായത്ത്),  ആയിഷ ദുഅ (2)  മണ്ണാർക്കാട്  എന്നിവരാണ് മരിച്ച പാലക്കാട് സ്വദേശികൾ. 

 ജില്ലയിൽ മഴ തുടരുന്ന സാഹചര്യത്തിൽ നിലവിൽ എട്ടു ക്യാമ്പുകൾ പ്രവർത്തിക്കുന്നതായി ജില്ലാ ദുരന്തനിവാരണ അതോറിറ്റി അധികൃതർ അറിയിച്ചു. മണ്ണാർക്കാട് താലൂക്കിൽ ഏഴും ആലത്തൂർ താലൂക്കിൽ ഒരു ക്യാമ്പുമാണ് തുറന്നത്. 56 കുടുംബങ്ങളിലെ 185 പേരാണ് ഈ ക്യാമ്പുകളിൽ നിലവിൽ താമസിക്കുന്നത്. ഇതിൽ 64 സ്ത്രീകളും 55 പുരുഷന്മാരും 66 കുട്ടികളും ഉൾപ്പെടുന്നു.

മണ്ണാർക്കാട് താലൂക്ക്

വില്ലേജ്, ക്യാമ്പ്, ആകെ കുടുംബങ്ങൾ, അംഗങ്ങളുടെ എണ്ണം എന്നിവ ക്രമത്തിൽ:

1) ഷോളയൂർ - ഗവ. ട്രൈബൽ ഹയർ സെക്കൻഡറി സ്കൂൾ - 3- 14

2) പാലക്കയം- ദാറുൽ ഫർഖാൻ ഗേൾസ് ഹോം - 8- 23

കാലവർഷം ശക്തമായതിനെ തുടർന്ന് ജില്ലയിൽ ഓഗസ്റ്റ് ഏഴ്  രാവിലെ എട്ടുമുതൽ ഇന്ന് (ഓഗസ്റ്റ് 8) രാവിലെ എട്ടു വരെ ലഭിച്ചത് 72.52 മില്ലിമീറ്റർ മഴ. ജില്ലയിലെ ആറു  താലൂക്കുകളിലായി ലഭിച്ച ശരാശരി മഴയാണിത്. 

 പാലക്കാട് താലൂക്കിൽ 136.1 മില്ലി മീറ്റർ, ഒറ്റപ്പാലം 72.2, ആലത്തൂർ 62.2, പട്ടാമ്പി 61, മണ്ണാർക്കാട് 52.6,  ചിറ്റൂർ 51 മില്ലിമീറ്റർ മഴയാണ് ലഭിച്ചത്.

കോവിഡ് 19 ബാധിതരായി  ജില്ലയില്‍ നിലവില്‍ 609 പേരാണ് ചികിത്സയിലുള്ളത്.  ഇന്ന് (ഓഗസ്റ്റ് 7) ജില്ലയില്‍ 123 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 124 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 33575 സാമ്പിളുകള്‍ പരിശോധനയ്ക്കായി അയച്ചതില്‍ 32421 പരിശോധനാ ഫലങ്ങളാണ് ലഭ്യമായത്. ഇന്ന് 117 പരിശോധനാ ഫലങ്ങളാണ് ലഭിച്ചത്. പുതുതായി 171 സാമ്പിളുകൾ അയച്ചു. 2178 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 1540 പേർ രോഗമുക്തി നേടി. ഇനി 365 സാമ്പിളുകളുടെ പരിശോധനാ ഫലം  ലഭിക്കാനുണ്ട്. 

 ജില്ലയിൽ കനത്ത മഴ തുടരുന്ന സാഹചര്യത്തിൽ മലമ്പുഴ നിയോജക മണ്ഡലത്തിലെ മരുതറോഡ്,  പുതുപ്പരിയാരം, അകത്തേത്തറ, മലമ്പുഴ ഗ്രാമപഞ്ചായത്തുകളിൽ അടിയന്തര സാഹചര്യമുണ്ടായാൽ  ജനങ്ങളെ മാറ്റി  പാർപ്പിക്കുന്നതിനുള്ള  ക്യാമ്പുകൾ ആരംഭിക്കുന്നതിന്  വിവിധ  സ്ഥാപനങ്ങൾ ക്രമീകരിച്ചതായി  ഭരണപരിഷ്കാര കമ്മീഷൻ ചെയർമാനും എം.എൽ. എയുമായ  വി.എസ് അച്യുതാനന്ദന്റെ   ഓഫീസിൽ നിന്നും അറിയിച്ചു. മഴക്കാല കെടുതികൾ  വിലയിരുത്തുന്നതിനും  മുൻകരുതലുകൾ സ്വീകരിക്കുന്നതിനും  മരുതറോഡ്,  മലമ്പുഴ ഗ്രാമപഞ്ചായത്തുകളിൽ ഇന്ന് (ഓഗസ്റ്റ് 8) ഗ്രാമപഞ്ചായത്ത് അധ്യക്ഷ മാരുടെ നേതൃത്വത്തിൽ ദുരന്തനിവാരണ സമിതി യോഗം ചേരും.

മഴ കനക്കുന്ന  സാഹചര്യത്തിൽ പട്ടാമ്പി താലൂക്ക് പരിധിയിൽ ഉള്ളവർക്ക് അടിയന്തര സഹായങ്ങൾക്കായി താലൂക്കിൽ സജ്ജമാക്കിയിരിക്കുന്ന കൺട്രോൾ റൂം നമ്പറായ 0466 2214300ൽ ബന്ധപ്പെടാം.
നിലവിൽ പട്ടാമ്പി മണ്ഡലത്തിൽ 4 നാല് വീടുകൾ പൂർണമായും 51 വീടുകൾ ഭാഗികമായും തകർന്നതായി എം.എൽ.എ അറിയിച്ചു. കടകളിലേക്ക് വെള്ളം കയറിയാൽ ഉൽപ്പന്നങ്ങൾ ഗോഡൗണിലേക്ക് മാറ്റുന്നതിനുള്ള സഹായത്തിനായി വ്യാപാരികൾ കൺട്രോൾ റൂമുമായി ബന്ധപ്പെടണം. റോഡുകളിൽ ഭീഷണിയായി നിൽക്കുന്ന  മരങ്ങൾ ഉണ്ടെങ്കിൽ പഞ്ചായത്ത് അധികൃതരെ അറിയിക്കാവുന്നതാണ്.
 

പട്ടാമ്പിയിലും സമീപപ്രദേശങ്ങളിലും കൂടുതൽ രോഗബാധിതരെ കണ്ടെത്തുന്നതിനായി വരുംദിവസങ്ങളിലും പട്ടാമ്പി ഗവ ഹയർ സെക്കൻഡറി സ്കൂളിൽ കോവിഡ് പരിശോധന ക്യാമ്പ് തുടരുമെന്ന് മുഹമ്മദ് മുഹ്സിൻ എംഎൽഎ അറിയിച്ചു. ഇന്ന് 196 പേർക്കാണ് പരിശോധന നടത്തിയത്.പട്ടാമ്പി മത്സ്യമാർക്കറ്റ് മായി നേരിട്ട് ബന്ധപ്പെട്ടിട്ടുള്ള എല്ലാവരിലും ഇതിനകം പരിശോധന നടത്താൻ കഴിഞ്ഞിട്ടുണ്ട്. നിലവിൽ നേരിട്ട് ബന്ധമില്ലാത്ത സമ്പർക്ക സാധ്യതയുള്ളവർക്കാണ് പരിശോധന നടത്തുന്നത്.

കഴിഞ്ഞ രണ്ട് ദിവസങ്ങളിലായി അട്ടപ്പാടി മേഖലയിലെ ശക്തമായ മഴയിലുണ്ടായ നാശനഷ്ങ്ങൾ വിലയിരുത്തുന്നതിനും ആവശ്യമായ മുൻകരുതലുകൾ സ്വീകരിക്കുന്നതിനുമായി അട്ടപ്പാടി നോഡൽ ഓഫീസറും ഒറ്റപ്പാലം സബ് കലക്ടറുമായ അർജ്ജുൻ പാണ്ഡ്യന്റെ നേതൃത്വത്തിൽ അഗളി മിനി സിവിൽ സ്റ്റേഷനിൽ ഉദ്യോഗസ്ഥരുടെ യോഗം ചേർന്നു.