പാലക്കാട് താലൂക്ക് വികസന സമിതിയുടെ   ഡിസംബറിലെ യോഗം ഡിസംബര്‍ രണ്ടിന് അവധിയായതിനാല്‍ നാലിന് രാവിലെ 10.30ന് പാലക്കാട് താലൂക്ക് ഓഫീസ് സമ്മേളന ഹാളില്‍ ചേരും. ബന്ധപ്പെട്ട ജനപ്രതിനിധികളും ഉദ്യോഗസ്ഥരും പങ്കെടുക്കണമെന്ന് തഹസില്‍ദാര്‍ അറിയിച്ചു. 

    64-മത്         അഖിലേന്ത്യാ സഹകരണ ബാങ്കുകളുടെ രാഘോഷത്തിന്‍റെ ഭാഗമായി ജില്ലയില്‍ ജോയിന്‍റ് രജിസ്ട്രാര്‍ (ജനറല്‍) ഓഫീസിന്‍റെ ആഭിമുഖ്യത്തില്‍ ആറ് താലൂക്കുകളില്‍ ശുചീകരണ പ്രവൃത്തികള്‍ നടത്തി.
    ആലത്തൂര്‍ താലൂക്കില്‍  കെ.ഡി.പ്രസേനന്‍ എം.എല്‍.എ  ഉദ്ഘാടനം ചെയ്തു. പഞ്ചായത്ത് പ്രസിഡന്‍റ് ടി.ജി.ഗംഗാധരന്‍ അധ്യക്ഷനായി. ഗവ.ആയുര്‍വേദ ആശുപത്രി, പകല്‍വീട്, ആലത്തൂര്‍ അങ്കണവാടി, ബഡ്സ് സ്കൂള്‍, ലേഡീസ് ഹോസ്റ്റല്‍ എന്നീ സ്ഥാപനങ്ങള്‍ ശുചീകരിച്ചു 16 സേവന സഹകരണ ബാങ്കുകളും ആലത്തൂര്‍ പ്രാഥമിക സഹകരണ കാര്‍ഷിക ഗ്രാമ വികസന ബാങ്കും ശുചിത്വ യജ്ഞത്തില്‍ പങ്കെടുത്തു. 

     ജില്ലാ കുടുംബശ്രീയുടെ  ആഭിമുഖ്യത്തില്‍ ജില്ലാ ലൈബ്രറിയില്‍ കുടുംബശ്രീ ബാലസഭാ കുട്ടികള്‍ക്കായി 'ചൈല്‍ഡ് ടാക്കീസ്' ഏകദിന ചലച്ചിത്ര മേള നടത്തി. ജില്ലാ ലൈബ്രറിയില്‍  നടന്ന മേളയില്‍ പച്ചിലക്കൂട്, അവര്‍ ഹോം, നമ്മുടെ തറവാട്, പുനര്‍ജനി സിനിമകളാണ്   പ്രദര്‍ശിപ്പിച്ചത്. മേളയില്‍ 100 ഓളം ബാലസഭാ കുട്ടികള്‍ പങ്കെടുത്തു. കേരള സംഗീത നാടക അക്കാദമി സെക്രട്ടറി എന്‍. രാധാകൃഷ്ണന്‍ നായര്‍ മേള ഉദ്ഘാടനം ചെയ്തു.