ജാമിയ മിലിയ ഇസ്ലാമിയ യൂണിവേഴ്‌സിറ്റി ചരിത്ര വകുപ്പില്‍ പ്രൊഫസറായിരുന്ന ഡോ. ഗോപിനാഥ് രവീന്ദ്രനെ കണ്ണൂര്‍ സര്‍വകലാശാല വൈസ് ചാന്‍സലറായി നിയോഗിച്ച് ചാന്‍സലര്‍ കൂടിയായ ഗവര്‍ണര്‍ വിജ്ഞാപനമിറക്കി.

പി.എന്‍.എക്‌സ്.4943/17

കൊച്ചി: ഉപരാഷ്ട്രപതി പദമേറ്റെടുത്തിന് ശേഷമുള്ള ആദ്യത്തെ കേരള സന്ദര്‍സനത്തിനായി വെങ്കയ്യ നായിഡു കൊച്ചിയിലെത്തി. ഇന്നലെ ഉച്ചയ്ക്ക് 12.05ന് വ്യോമസേനയുടെ പ്രത്യേക വിമാനത്തിലെത്തിയ ഉപരാഷ്ട്രപതിയ്ക്ക് നാവിക വിമാനത്താവളമായ ഐ.എന്‍.എസ് ഗരുഡയില്‍ സ്വീകരണം നല്‍കി. ഗവര്‍ണര്‍ ജസ്റ്റിസ് പി. സദാശിവം, മന്ത്രി കെ.ടി. ജലില്‍ എന്നിവരുടെ നേതൃത്വത്തിലായിരുന്നു സ്വീകരണം.

മങ്കട ഗവ. ആര്‍ട്‌സ് & സയന്‍സ് കോളേജില്‍ കൊമേഴ്‌സ് & മാനേജ്‌മെന്റ് സ്റ്റഡീസ്  അതിഥി അദ്ധ്യാപകരെ ആവശ്യമുണ്ട്.  ബന്ധപ്പെട്ട വിഷയത്തില്‍ 55 ശതമാനം മാര്‍ക്കില്‍ കുറയാത്ത എം.ബി.എ ബിരുദവും, യുജിസി നിഷ്‌കര്‍ഷിക്കുന്ന യോഗ്യതയുള്ളവരും, കോളേജ് വിദ്യാഭ്യാസ ഉപ ഡയറക്ടറേറ്റുകളില്‍ രജിസ്റ്റര്‍ ചെയ്തിട്ടുള്ളവരുമായ ഉദ്യോഗാര്‍ത്ഥികള്‍ അസ്സല്‍ രേഖകളും, പകര്‍പ്പും സഹിതം നവംബര്‍ 23 ന് രാവിലെ 10.30 ന് കോളേജില്‍ നേരിട്ട് ഹാജരാവുക.  നെറ്റ്  യോഗ്യതയുള്ളവരുടെ അഭാവത്തില്‍ മറ്റുള്ളവരേയും പരിഗണിക്കും.  ഫോ: 04933-202135.
 

കോഴിക്കോട് ബിച്ചില്‍ നടന്നു വരുന്ന മത്സ്യോത്സവം 2017 ന്റെ ഭാഗമായി കര്‍ഷക സംഗമവും കര്‍ഷകരെ ആദരിക്കലും സംഘടിപ്പിച്ചു. പുരുഷന്‍ കടലുണ്ടി എം.എല്‍.എ ഉദ്ഘാടനം ചെയ്തു. ജില്ലാ പഞ്ചായത്ത് പ്രസിഡന്റ് ബാബു പറശ്ശേരി അധ്യക്ഷത വഹിച്ചു. തുടര്‍ന്ന് വിവിധ വിഷയങ്ങളില്‍ മത്സ്യ കൃഷി സെമിനാര്‍ സംഘടിപ്പിച്ചു.

                ലോക ഭിന്നശേഷി ദിനാചരണം നടത്തിപ്പ് സംബന്ധിച്ച് സംഘാടക സമിതി യോഗം നവംബര്‍ 22ന് വൈകീട്ട് 3ന് കളക്‌ട്രേറ്റ് കോണ്‍ഫറന്‍സ് ഹാളില്‍ ചേരും.  മുഴുവന്‍ കമ്മറ്റി അംഗങ്ങളും, ഭിന്നശേഷിക്കാരുടെ ക്ഷേമത്തിനായി പ്രവര്‍ത്തിക്കുന്നവരും യോഗത്തില്‍ പങ്കെടുക്കണമെന്ന് ജില്ലാ സാമൂഹ്യനീതി ഓഫീസര്‍ അറിയിച്ചു.  ഫോണ്‍ 04936 205307.