'കേരളം ശാസ്ത്രത്തോടൊപ്പം' എന്ന മുദ്രാവാക്യവുമായി  കേരള ശാസ്ത്രസാങ്കേതിക  പരിസ്ഥിതി കൗണ്‍സില്‍ , കേരള ശാസ്ത്രസാഹിത്യ പരിഷത്ത്,  ഗ്രന്ഥശാലാ സംഘം, പൊതു വിദ്യാഭ്യാസ വകുപ്പ്, ശാസ്ത്ര സാങ്കേതിക വിദ്യാഭ്യാസ വകുപ്പ് , കോളെജ് വിദ്യാഭ്യാസ ഡയറക്ടറേറ്റ് , സംസ്ഥാന കുടുംബശ്രീ മിഷന്‍, സംസ്ഥാന ശിശുക്ഷേമ സമിതി എന്നിവ  സംയുക്തമായി ശാസ്ത്രവാരം ആചരിക്കുന്നു.  

ഇതിന്റെ ഭാഗമായി രൂപവത്കരിച്ച സംഘാടകസമിതിയുടെ എക്‌സിക്യൂട്ടീവ് കമ്മിറ്റി യോഗം താഴെ കൊടുക്കുന്ന തീരുമാനങ്ങളെടുത്തു.

ജില്ലാ പഞ്ചായത്തിന്റേയും കേരള സംസ്ഥാന യുവജനക്ഷമേ ബോര്‍ഡിന്റേയും നേതൃത്വത്തില്‍ നടക്കുന്ന ജില്ലാതല കേരളോത്സവം കുഴല്‍മന്ദം ബ്ലോക്കില്‍ ഇന്ന് (നവംബര്‍ 11) മുതല്‍ 14 വരെ നടക്കും.  ജില്ലാതല കേരളോത്സവത്തിന്റെ ഉദ്ഘാടനം ഇന്ന് (നവംബര്‍ 11) രാവിലെ 9.30ന് കുഴല്‍മന്ദം വയോജന പാര്‍ക്കില്‍ കെ.ഡി.പ്രസേനന്‍ എം.എല്‍.എ നിര്‍വഹിക്കും. ജില്ലാ പഞ്ചായത്ത് പ്രസിഡന്റ് കെ.ശാന്തകുമാരി അധ്യക്ഷയാവും. ജില്ലാ യൂത്ത് കോഡിനേറ്റര്‍ റ്റി.എം.ശശി റിപ്പോര്‍ട്ട് അവതരിപ്പിക്കും.

കേരള നിയമസഭയുടെ വിദ്യാഭ്യാസം സംബന്ധിച്ച VI-ാം സബ്ജക്ട് കമ്മിറ്റി നവംബര്‍ 18 ന് രാവിലെ 10 മണിക്ക് കോഴിക്കോട് കളക്ടറേറ്റ് കോണ്‍ഫറന്‍സ് ഹാളില്‍ യോഗം ചേരും. വിദ്യാര്‍ത്ഥികള്‍ക്കിടയിലെ ലഹരി വസ്തുക്കളുടെ ഉപയോഗം എന്ന വിഷയം സംബന്ധിച്ച് ബന്ധപ്പെട്ട വകുപ്പ് ഉദ്യോഗസ്ഥരില്‍ നിന്ന് തെളിവെടുക്കും.

സംസ്ഥാന എക്സൈസ് വകുപ്പിലെ ജീവനക്കാരുടെ കലാ-കായിക കഴിവുകള്‍ പ്രോത്സാഹിപ്പിക്കുന്നതിനായി നടത്തുന്ന 15-മത് സംസ്ഥാന എക്സൈസ് കലാ-കായിക മേളയോടനുബന്ധിച്ച്  വിവിധ മത്സരങ്ങള്‍ ഗവ.വിക്‌ടോറിയ കേ#ാളെജില്‍ തുടങ്ങി. ഇന്ന് (നവംബര്‍ 11) രാവിലെ 8.30ന് ഗവ.വിക്ടോറിയ കോളെജില്‍ എക്‌സൈസ്-തൊഴില്‍ വകുപ്പ് മന്ത്രി  ടി.പി.രാമകൃഷ്ണന്‍ കലാ-കായികമേളയുടെ ഔദ്യോഗിക  ഉദ്ഘാടനം നിര്‍വഹിക്കും. ജില്ലാ പഞ്ചായത്ത് ഓഫീസിനടുത്താണ് എക്‌സൈസ് ടവര്‍ നിര്‍മിക്കുന്നത്. 

മലമ്പുഴ നിയോജകമണ്ഡലത്തില്‍ എം.എല്‍.എ.യുടെ പ്രത്യേക വികസന നിധി വിനിയോഗിച്ച് 2017-18ല്‍ ഒരു കോടി ചെലവില്‍ നടപ്പാക്കുന്ന 12 പ്രവൃത്തികള്‍ക്കും ഭരണാനുമതി ലഭിച്ചതായി വി.എസ്.അച്ചുതാനന്ദന്‍ എം.എല്‍.എ. അറിയിച്ചു. 

കല്‍പ്പാത്തി രഥോത്സവത്തോടനുബന്ധിച്ച് ജില്ലാ ടൂറിസം പ്രമോഷന്‍ കൗണ്‍സിലിന്റെ ആഭിമുഖ്യത്തില്‍  സംസ്ഥാന ടൂറിസം വകുപ്പിന്റെ  സഹകരണത്തോടെ നവംബര്‍ 13 വരെ കല്‍പ്പാത്തി ദേശീയ സംഗീതോത്സവം നടക്കും. 

ഇന്ന് (നവംബര്‍ 11) അന്നമാചാര്യര്‍ ദിനത്തില്‍ വൈകീട്ട് അഞ്ചിന് പാലക്കാട് ചെമ്പൈ സ്മാരക സര്‍ക്കാര്‍ സംഗീത കോളെജിലെ വിദ്യാര്‍ഥികള്‍ അവതരിപ്പിക്കുന്ന സംഗീത കച്ചേരി. ഏഴിന് പത്മഭൂഷണ്‍ ജേതാവ് സംഗീത കലാനിധി സുധ രഘുനാഥന്റെ സംഗീത കച്ചേരി. പക്കാല രാംദാസ് (വയലിന്‍), നെയ്‌വേലി സ്‌കന്ദ സുബ്രമണ്യന്‍ (മൃദംഗം), എം.രാമന്‍ (മൂര്‍സിങ്).

നെഹ്‌റു യുവകേന്ദ്രയുടെ 2016-17 വര്‍ഷത്തെ ജില്ലയിലെ മികച്ച ക്ലബ്ബായി കാരാകുറിശ്ശി എയിംസ് കലാ-കായിക വേദി - ഗ്രന്ഥശാലയെ തെരഞ്ഞെടുത്തു. കലാ-കായിക-സാംസ്‌കാരികം , സാമൂഹികക്ഷേമം, പരിസ്ഥിതി, സ്ത്രീശാക്തീകരണം മേഖലകളിലെ പ്രവര്‍ത്തനം പരിഗണിച്ചാണ് ജില്ലാ കലക്ടര്‍ ചെയര്‍മാനായുള്ള സമിതി എയിംസ് ക്ലബ്ബിനെ അവാര്‍ഡിനായി തെരഞ്ഞെടുത്തത്. 25000 രൂപയും പ്രശസ്തി പത്രവും അടങ്ങുന്നതാണ് അവാര്‍ഡ്. 

നെഹ്‌റു യുവകേന്ദ്രയുടെ സ്ഥാപകദിനമായ നവംബര്‍ 14ന് രാവിലെ കലക്ടറേറ്റ് സമ്മേളനഹാളില്‍ എം.ബി.രാജേഷ് എം.പി. അവാര്‍ഡ് വിതരണം നടത്തും. 
 

തൊഴില്‍-എക്‌സൈസ് വകുപ്പ് മന്ത്രി റ്റി.പി.രാമകൃഷ്ണന്‍ ഇന്ന് (നവംബര്‍ 11) ഉച്ചയ്ക്ക്  രണ്ടിന് ഇതര സംസ്ഥാന തൊഴിലാളികള്‍ക്കായി കഞ്ചിക്കോട് നിര്‍മിച്ച പാര്‍പ്പിട സമുച്ചയം   'അപ്നാ ഘര്‍' സന്ദര്‍ശിക്കും. തൊഴില്‍ വകുപ്പിന്റെ കീഴില്‍ പ്രവര്‍ത്തിക്കുന്ന ഭവനം ഫൗണ്ടേഷനാണ് കിന്‍ഫ്ര വ്യവസായ പാര്‍ക്കിനകത്ത് 44,000 ചതുരശ്ര അടിയില്‍ പാര്‍പ്പിട സമുച്ചയം ഒരുക്കിയത്.

കാക്കനാട്: മരട് അഗ്രിക്കള്‍ച്ചറല്‍ അര്‍ബന്‍ ഹോള്‍സെയില്‍ മാര്‍ക്കറ്റില്‍ 24 മണിക്കൂറും പ്രവര്‍ത്തിക്കുന്ന വെയ്ബ്രിഡ്ജിന്റെ പ്രവര്‍ത്തനം കരാര്‍ അടിസ്ഥാനത്തില്‍ 11 മാസത്തേക്ക് ഏറ്റെടുത്ത് നടത്തുന്നതിന് താല്‍പര്യമുളള വ്യക്തികള്‍/സ്ഥാപനങ്ങള്‍/സഹകരണ സ്ഥാപനങ്ങള്‍/സര്‍ക്കാര്‍അര്‍ധ സര്‍ക്കാര്‍ സ്ഥാപനങ്ങള്‍ എന്നിവരില്‍ നിന്ന് ദര്‍ഘാസുകള്‍ ക്ഷണിച്ചു. ദര്‍ഘാസ് പ്രമാണങ്ങളും വിശദ വിവരങ്ങളും നവംബര്‍  16 വരെ രാവിലെ 10.30 മുതല്‍ 12.30 വരെ ഓഫീസില്‍ നിന്നു ലഭിക്കും. 

കൊച്ചി: എറണാകുളം ഡിറ്റിപിസിയുടെ കീഴിലുള്ള, എറണാകുളം ദര്‍ബാര്‍ ഹാള്‍ ഗ്രൗണ്ടിലെ പ്രവേശന കവാടത്തിനു സമീപം സ്ഥിതി ചെയ്യുന്ന  കഫറ്റേരിയ ഇപ്പോള്‍ എങ്ങിനെയാണോ ആ അവസ്ഥയില്‍' അടുത്ത മൂന്നു വര്‍ഷത്തേക്ക് നിബന്ധനകള്‍ക്ക് വിധേയമായി ലൈസന്‍സ് അടിസ്ഥാനത്തില്‍ ഏറ്റെടുത്ത് നടത്തുന്നതിന് ക്വട്ടേഷന്‍ ക്ഷണിച്ചു.  

നവംബര്‍ 21ന്  ഉച്ചയ്ക്ക്   12 ന്, എറണാകുളം  ഡിറ്റിപിസി ഓഫീസില്‍ നടത്തുന്ന ക്വട്ടേഷനോടൊപ്പം പൊതുലേലവും  നടത്തും.