തീര്‍ഥാടകരുടെ ക്ഷേമത്തിനായിരിക്കണം ശബരിമലയില്‍ ജീവനക്കാര്‍ മുന്‍ഗണന നല്‍കേണ്ടതെന്നും ഇതിന് വകുപ്പുകള്‍ക്കതീതമായി ഉദ്യോഗസ്ഥര്‍ ഒത്തൊരുമയോടെ പ്രവര്‍ത്തിക്കണമെന്നും ജില്ലാ കളക്ടര്‍ ആര്‍ ഗിരിജ പറഞ്ഞു. ശബരിമല തീര്‍ഥാടനത്തോട് അനുബന്ധിച്ച്  സന്നിധാനം, പമ്പ, നിലയ്ക്കല്‍ എന്നിവിടങ്ങളില്‍ നിയമിതരായ വിവിധ വകുപ്പുകളിലെ ഉദ്യോഗസ്ഥര്‍ക്കായി പത്തനംതിട്ട കിഴക്കടത്ത് മറിയം കോംപ്ലക്‌സില്‍  സംഘടിപ്പിച്ച പരിശീലനം ഉദ്ഘാടനം ചെയ്യുകയായിരുന്നു കളക്ടര്‍.

മിഷന്‍ ഗ്രീന്‍ ശബരിമല പദ്ധതി വിജയിപ്പിക്കാന്‍ തീര്‍ഥാടന കാലയളവില്‍ സര്‍ക്കാര്‍ വകുപ്പുകളും സന്നദ്ധ സംഘടനകളും ഏകോപിതമായി പ്രവര്‍ത്തിക്കുമെന്ന് ജില്ലാ കളക്ടര്‍ ആര്‍. ഗിരിജ പറഞ്ഞു. മിഷന്‍ ഗ്രീന്‍ ശബരിമല പ്രവര്‍ത്തനങ്ങളുടെ അന്തിമ വിലയിരുത്തലിന് കളക്ടറേറ്റില്‍ ചേര്‍ന്ന വിവിധ വകുപ്പ് മേധാവികളുടെയും സന്നദ്ധ സംഘടനാ പ്രതിനിധികളുടെയും യോഗത്തില്‍ സംസാരിക്കുകയായിരുന്നു കളക്ടര്‍. 

എറണാകുളം ജില്ലയില്‍ 2008-2009 ല്‍ റിയല്‍ എസ്റ്റേറ്റ് മാഫിയയുടെ വായ്പ തട്ടിപ്പിനിരയായി കിടപ്പാടം നഷ്ടപ്പെട്ട  പതിനേഴ് കുടുംബങ്ങള്‍ക്ക് ഭൂമിയുടെ ഉടമസ്ഥാവകാശം തിരിച്ചു ലഭിക്കുന്നതിനാവശ്യമായ ഒത്തുതീര്‍പ്പ് പാക്കേജ് തയ്യാറാക്കാന്‍  മുഖ്യമന്ത്രിയുടെ അദ്ധ്യക്ഷതയില്‍  ചേര്‍ന്ന യോഗം തീരുമാനിച്ചു. സംസ്ഥാനതല ബാങ്കേഴ്‌സ് കമ്മിറ്റി ഇതു സംബന്ധിച്ച പാക്കേജ് തയ്യാറാക്കണമെന്ന് യോഗം തീരുമാനിച്ചു. 

സംസ്ഥാനത്തിന് ലഭിക്കുന്ന ഭക്ഷ്യധാന്യം ഒരുമണി അരിപോലും ചോരാതെ ജനങ്ങളിലെത്തിക്കാന്‍ നടപടി സര്‍ക്കാര്‍ സ്വീകരിക്കുകയാണെന്ന് ഭക്ഷ്യ, പൊതുവിതരണ വകുപ്പ് മന്ത്രി പി. തിലോത്തമന്‍ പറഞ്ഞു. വലിയതുറയില്‍ സപ്ലൈകോയുടെ പുതിയ പൊതു വിതരണ ശൃംഖല ഗോഡൗണിന്റെ ശിലാസ്ഥാപനം നിര്‍വഹിച്ചുസംസാരിക്കുകയായിരുന്നു അദ്ദേഹം.

മൊത്തവിതരണക്കാര്‍ വഴി റേഷന്‍ കടകളിലേക്ക് വിതരണം ചെയ്യുന്ന സമ്പ്രദായം ഭക്ഷ്യഭദ്രതാ നിയമം നടപ്പാക്കുന്നതോടെ അവസാനിച്ചു. ഇപ്പോള്‍ സര്‍ക്കാര്‍തന്നെ എഫ്.സി.ഐയില്‍ നിന്ന് റേഷന്‍കടകള്‍ വരെ എത്തിക്കുന്നതിനാല്‍ മുന്‍പുണ്ടായിക്കൊണ്ടിരുന്ന ചോര്‍ച്ചകള്‍ ഒഴിവാക്കാനാകും. 

ലൈഫ് മിഷന്‍  സമ്പൂര്‍ണ്ണ ഭവന പദ്ധതിയുടെ ഗുണഭോക്താക്കളെ തീരുമാനിക്കുന്നതിനുള്ള ഗ്രാമസഭകളില്‍ പരമാവധി  ജനങ്ങള്‍ പങ്കാളികളാകണമെന്ന് സര്‍ക്കാര്‍ പത്രക്കുറിപ്പില്‍ അഭ്യര്‍ത്ഥിച്ചു. 

സര്‍വേയും അപ്പീലുകളുടെ പരിശോധനയും കഴിഞ്ഞ് തയ്യാറാക്കിയ കരട് ഗുണഭോക്തൃപട്ടികയാണ് ഗ്രാമസഭകളില്‍ പരിഗണിക്കുന്നത്. പരാതികള്‍ ഒഴിവാക്കി അര്‍ഹതയുള്ള മുഴുവന്‍ കുടുംബങ്ങള്‍ക്കും വീട് ലഭ്യമാക്കുന്നതിനുള്ള ജനാധിപത്യ പ്രക്രിയ വിജയിപ്പിക്കണമെന്ന് സര്‍ക്കാര്‍ അഭ്യര്‍ത്ഥിച്ചു.

ഗുണഭോക്താവാകേണ്ടതിനുള്ള മാനദണ്ഡങ്ങള്‍:

ഏകീകൃത സിലബസുണ്ടാക്കി യോഗ വ്യാപകമായി പരിശീലിപ്പിക്കാനുള്ള സൗകര്യം സംസ്ഥാനത്തുണ്ടാക്കണമെന്ന് മുഖ്യമന്ത്രി പിണറായി വിജയന്‍ പറഞ്ഞു. യോഗ നടത്തിപ്പില്‍ കൂട്ടായ പ്രവര്‍ത്തനം സംഘടിപ്പിക്കുന്നത് സംബന്ധിച്ച് ചര്‍ച്ച ചെയ്യാന്‍ വിളിച്ച യോഗത്തില്‍ സംസാരിക്കുകയായിരുന്നു അദ്ദേഹം.

മെഡിക്കല്‍ കോളേജ് ചൈല്‍ഡ് ഡെവലപ്പ്‌മെന്റ് സെന്ററില്‍ നടത്തുന്ന പി.ജി.ഡിപ്ലോമ ഇന്‍ ക്ലിനിക്കല്‍ ചൈല്‍ഡ് ഡെവലപ്പ്‌മെന്റ് കോഴ്‌സില്‍ ഒഴിവുള്ള ഒരു സീറ്റിലേക്ക് (സ്റ്റേറ്റ് മെരിറ്റ്) നവംബര്‍ 13 ന് സ്‌പോട്ട് അഡ്മിഷന്‍ നടത്തും.  പ്രവേശന പരീക്ഷാ കമ്മീഷണര്‍ പ്രസിദ്ധീകരിച്ച നിലവിലുള്ള റാങ്ക് ലിസ്റ്റില്‍ ഉള്‍പ്പെട്ടിട്ടുള്ളവര്‍ രാവിലെ 10.30 ന് അസല്‍ സര്‍ട്ടിഫിക്കറ്റുകളുമായി ചൈല്‍ഡ് ഡെവലപ്പ്‌മെന്റ് സെന്ററില്‍ എത്തണം.

പി.എന്‍.എക്‌സ്.4796/17

ദേശീയ നിയമ സേവന ദിനാചരണത്തോടനുബന്ധിച്ച് തിരുവനന്തപുരം ജില്ലാ നിയമ സേവന അതോറിറ്റി ജില്ലയിലെ സ്‌കൂള്‍, കോളേജ് വിദ്യാര്‍ഥികള്‍ക്കായി സൈബര്‍ നിയമങ്ങളേയും കുറ്റകൃത്യങ്ങളേയും ചതിക്കുഴികളേയും ആസ്പദമാക്കി പ്രത്യേക ബോധവല്‍ക്കരണ പരിപാടി 'ഉത്തിഷ്ഠത ജാഗ്രത' യ്ക്ക് തുടക്കം കുറിച്ചു.  തിരുവല്ലം ക്രൈസ്റ്റ് നഗര്‍ സ്‌കൂളില്‍ സംഘടിപ്പിച്ച ദേശീയ നിയമ സേവന ദിനാചരണത്തിന്റെയും 1987 ലെ നിയമ സേവന നിയമം പൊതുജനങ്ങളില്‍ പ്രചരിപ്പിക്കുന്നതിനായി ദേശ വ്യാപകമായി സംഘടിപ്പിച്ചിട്ടുള്ള കണക്റ്റിംഗ് ടു സെര്‍വ് എന്ന ദശദിന പ്രചരണ പരിപാടയുടെയും ജില്ലാതല ഉദ്ഘാടനം ജില്ലാ ജഡ്ജിയും നിയമ സേവന അതോറിറ്റി ചെയര്‍മാനുമായ കെ.

മികച്ച കായിക താരങ്ങള്‍ക്ക് സര്‍ക്കാര്‍ സര്‍വീസില്‍ നിയമനം നല്‍കുന്ന പദ്ധതിയില്‍ 2010-14 വര്‍ഷങ്ങളിലെ ഒഴിവുകളിലെ അര്‍ഹരായവരില്‍ നിന്ന് അപേക്ഷ ക്ഷണിച്ചു.  വിജ്ഞാപനത്തിന്റെ പകര്‍പ്പ് www.kerala.gov.in, www.prdkerala.gov.in എന്നിവയില്‍ ലഭ്യമാണ്.  ജില്ലാ ഇന്‍ഫര്‍മേഷന്‍ ഓഫീസുകള്‍, കേരള സ്റ്റേറ്റ് സ്‌പോര്‍ട്‌സ് കൗണ്‍സില്‍ എന്നിവിടങ്ങളില്‍ വിജ്ഞാപനത്തിന്റെ പകര്‍പ്പ് പരിശോധിക്കാം.

ചാര്‍ട്ടേര്‍ഡ് അക്കൗണ്ടന്‍സി/ഇന്‍സ്റ്റിറ്റ്യൂട്ട് ഓഫ് കോസ്റ്റ് ആന്റ് വര്‍ക്ക് അക്കൗണ്ടന്‍സി/കമ്പനി സെക്രട്ടറിഷിപ്പ് കോഴ്‌സുകള്‍ക്ക് പഠിക്കുന്ന ന്യൂനപക്ഷ മതവിഭാഗങ്ങളിലെ (മുസ്ലീം, ക്രിസ്ത്യന്‍, സിഖ്, ബുദ്ധ, പാഴ്‌സി, ജൈനര്‍) ദാരിദ്ര്യരേഖയ്ക്ക് താഴെയുള്ള കുടുംബങ്ങളിലെ വിദ്യാര്‍ത്ഥികള്‍ക്ക് സ്‌കോളര്‍ഷിപ്പിന് സംസ്ഥാന ന്യൂനപക്ഷക്ഷേമ വകുപ്പ് അപേക്ഷ ക്ഷണിച്ചു. ബി.പി.എല്‍ അപേക്ഷകരുടെ അഭാവത്തില്‍ ന്യൂനപക്ഷ വിഭാഗത്തില്‍ ആറ് ലക്ഷം രൂപയില്‍ താഴെ വാര്‍ഷിക വരുമാനമുള്ളവരെയും പരിഗണിക്കും.