2014 ഏപ്രില്‍ ആറ് മുതല്‍ രജിസ്റ്റര്‍ ചെയ്ത മോട്ടോര്‍ കാബ്, ടൂറിസ്റ്റ് മോട്ടോര്‍ കാബ് വിഭാഗത്തില്‍പ്പെടുന്ന വാഹനങ്ങളില്‍ ഹൈക്കോടതിയുടെ ഇടക്കാല ഉത്തരവിലൂടെ അഞ്ച് വര്‍ഷത്തെ നികുതി അടച്ചവര്‍ക്ക് ബാക്കി 10 വര്‍ഷത്തെ നികുതി അഡീഷണല്‍ ടാക്‌സോ, വാര്‍ഷിക പലിശയോ ഇല്ലാതെ അഞ്ച് തുല്യ ദ്വൈമാസ തവണകളായി അടയ്ക്കാമെന്ന് സര്‍ക്കാര്‍ ഉത്തരവായി.  തവണയില്‍ വീഴ്ച വരുത്തുന്നവര്‍ക്ക് ഈ ഉത്തരവിന്റെ ആനുകൂല്യം നഷ്ടമാകുകയും മുഴുവന്‍ തുകയും അഡീഷണല്‍ ടാക്‌സും, വാര്‍ഷിക പലിശയും ഉള്‍പ്പെടെ അടയ്‌ക്കേണ്ടതായി വരികയും ചെയ്യും.

    സര്‍ക്കാര്‍ ജീവനക്കാരുടെ കാര്യക്ഷമത വര്‍ദ്ധിപ്പിക്കുന്നത് സംബന്ധിച്ച വിഷയം ചര്‍ച്ച ചെയ്യുന്നതിന് മുഖ്യമന്ത്രി പിണറായി വിജയന്റെ അദ്ധ്യക്ഷതയില്‍ സര്‍ക്കാര്‍ സര്‍വ്വീസ് സംഘടനാ പ്രതിനിധികളുടെ യോഗം മെയ് 17 ന് രാവിലെ 10.30 ന് തൈക്കാട് ഗവണ്‍മെന്റ് ഗസ്റ്റ് ഹൗസില്‍ ചേരും. 
പി.എന്‍.എക്‌സ്.1669/18
 

    കേരള സംസ്ഥാന ജൈവവൈവിധ്യ ബോര്‍ഡില്‍ പ്രിന്‍സിപ്പല്‍ സയന്റിഫിക് ഓഫീസര്‍, സയന്റിഫിക് ഓഫീസര്‍ തസ്തികകളിലേയ്ക്ക് അന്യത്ര സേവന വ്യവസ്ഥയില്‍ യോഗ്യരായ സര്‍ക്കാര്‍ ജീവനക്കാരില്‍ നിന്നും അപേക്ഷ സ്വീകരിക്കുന്ന അവസാന തീയതി മെയ് 31 വരെ നീട്ടി. യോഗ്യത, പരിചയം തുടങ്ങിയ വിവരങ്ങള്‍ www.keralabiodiversity.orgല്‍ ലഭ്യമാണ്.      
പി.എന്‍.എക്‌സ്.1668/18

    കേരള സംസ്ഥാന ജൈവവൈവിധ്യ ബോര്‍ഡില്‍ മെമ്പര്‍ സെക്രട്ടറി തസ്തികയില്‍ അന്യത്ര സേവന വ്യവസ്ഥയില്‍ നിയമനം നടത്തുന്നതിന് അപേക്ഷിക്കേണ്ട അവസാന തീയതി മെയ് 17 വരെ നീട്ടി.  യോഗ്യത സംബന്ധിച്ച വിശദവിവരം ബോര്‍ഡിന്റെ വെബ്‌സൈറ്റായ www.keralabiodiversity.org ല്‍ ലഭ്യമാണ്.
പി.എന്‍.എക്‌സ്.1667/18

കൊച്ചി: സംസ്ഥാന മന്ത്രിസഭയുടെ രണ്ടാം വാര്‍ഷികാഘോഷത്തോടനുബന്ധിച്ച് എറണാകുളം മറൈന്‍ഡ്രൈവില്‍ 2018 മെയ് 16 മുതല്‍ മെയ് 23 വരെ സംഘടിപ്പിക്കുന്ന പ്രദര്‍ശനമേളയില്‍ എറണാകുളം ജില്ലാ ഇന്‍ഫര്‍മേഷന്‍ ഓഫീസിന്റെ ആഭിമുഖ്യത്തില്‍ സജ്ജീകരിക്കുന്ന 300 ചതുരശ്ര അടി  വിസ്തീര്‍ണത്തിലുള്ള സ്റ്റാള്‍ ഹരിതനിയമാവലി പാലിച്ച് ഒരുക്കുന്നതിന് അംഗീകൃത സ്ഥാപനങ്ങള്‍/വ്യക്തികളില്‍നിന്നും മത്സരാധിഷ്ഠിത ക്വട്ടേഷന്‍ ക്ഷണിക്കുന്നു.

ക്വട്ടേഷനുകള്‍ സ്വീകരിക്കുന്ന അവസാന തീയതി: 08.05.2018 ഉച്ചകഴിഞ്ഞ് 3 മണി. ക്വട്ടേഷനുകള്‍ തുറക്കുന്ന സമയം: 08.05.2018 ഉച്ചകഴിഞ്ഞ് 3.30 മണി.

സ്വയം തൊഴില്‍ പദ്ധതി: അപേക്ഷ ക്ഷണിച്ചു

കൊച്ചി:  അടുത്ത 24 മണിക്കൂറില്‍ കേരള, ലക്ഷദ്വീപ് തീരങ്ങളില്‍ തെക്ക് പടിഞ്ഞാറന്‍ കാറ്റിന്റെ  വേഗത മണിക്കൂറില്‍ 35 കി.മീ മുതല്‍ 45 കി.മീ വരെ ആകുവാന്‍ സാദ്ധ്യതയുളളതായി കാലാവസ്ഥാ മുന്നറിയിപ്പ് നല്‍കിയിട്ടുളളതിനാല്‍ മത്സ്യത്തൊഴിലാളികള്‍ ജാഗ്രത പാലിക്കണമെന്ന് ഫിഷറീസ് ഡപ്യൂട്ടി ഡയറക്ടര്‍ (മേഖല) എറണാകുളം നിര്‍ദ്ദേശം നല്‍കി.

കൊച്ചി: ഇടപ്പളളി ബ്ലോക്ക് പഞ്ചായത്തിന്റെ  പരിധിയില്‍ വരുന്ന ചേരാനെല്ലൂര്‍, കടമക്കുടി, മുളവുകാട്, എളങ്കുന്നപ്പുഴ എന്നീ ഗ്രാമ പഞ്ചായത്തുകളില്‍ സ്വന്തമായി ഭൂമിയുളളവര്‍ക്ക് സൗജന്യമായി കുളം നിര്‍മ്മിക്കാന്‍ അപേക്ഷിക്കാം. അപേക്ഷ അതതു പഞ്ചായത്തിലെ തൊഴിലുറപ്പ് ഓഫീസില്‍ മെയ് 15 നകം നേരിട്ട് നല്കണമെന്ന് ഇടപ്പളളി ബ്ലോക്ക് പ്രോഗ്രാം ഓഫീസര്‍ അറിയിച്ചു.

എറണാകുളം: ജില്ലയിലെ ജലസ്രോതസ്സുകളുടെ സംരക്ഷണം ഉറപ്പാക്കുക എന്ന ലക്ഷ്യത്തോടെ ഹരിതകേരള മിഷന്റെ ഭാഗമായി എറണാകുളം ജില്ലാ ഭരണകൂടത്തിന്റെ നേതൃത്വത്തില്‍ നടക്കുന്ന നൂറുകുളം പദ്ധതി അവസാന ഘട്ടത്തിലേക്ക്. ഇന്നലെ (മെയ് 5) അഞ്ചു കുളങ്ങള്‍ കൂടി നവീകരിച്ചതോടെ പദ്ധതിയില്‍ ആകെ 80 കുളങ്ങള്‍ വൃത്തിയാക്കി.