സ്‌കൂള്‍ വിദ്യാര്‍ത്ഥികളുടെ അവകാശ സംരക്ഷണം ഉറപ്പാക്കുന്നതിന്റെ ഭാഗമായി സ്‌കൂള്‍ ജെ.പി.എച്ച്.എന്‍മാര്‍ക്ക് ഏകദിന ശില്‍പ്പശാല സംഘടിപ്പിച്ചു.   മലപ്പുറം ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റിന്റെ നേതൃത്വത്തില്‍ ഹോട്ടല്‍  മഹേന്ദ്രപുരിയില്‍ നടന്ന സംഘടിപ്പിച്ച  പരിപാടി ജില്ലാ മെഡിക്കല്‍ ഓഫീസര്‍ ഡോ. കെ. സക്കീന ഉദ്ഘാടനം ചെയ്തു.

    പ്രവേശന മേല്‍നോട്ട സമിതിയുടെ നിയന്ത്രണത്തില്‍ നടത്തുന്ന കെ മാറ്റ് പ്രവേശന പരീക്ഷക്ക് https:/kmatkerala.in/ എന്ന വെബ്‌സൈറ്റ് വഴി ഓണ്‍ലൈനായി അപേക്ഷിക്കാം.  അവസാന തീയതി ജൂണ്‍ ഏഴ്.
    കെ മാറ്റ് കേരള, സി മാറ്റ്, ക്യാറ്റ് എന്നീ പ്രവേശന പരീക്ഷകളുടെ അടിസ്ഥാനത്തിലാണ് കേരളത്തില്‍ എം.ബി.എ പ്രവേശനം നടത്തുന്നത്.  അവസാന വര്‍ഷ ബിരുദ വിദ്യാര്‍ത്ഥികള്‍ക്കും പരീക്ഷാ ഫലം പ്രതീക്ഷിക്കുന്നവര്‍ക്കും കെ മാറ്റ് കേരള പ്രവേശന പരീക്ഷയ്ക്ക് അപേക്ഷിക്കാം.  ഫോണ്‍ : 8547255133, 0471-2335133.
പി.എന്‍.എക്‌സ്.1607/18

മക്കരപ്പറമ്പ് ഇലക്ട്രിക്കല്‍ സെക്ഷന്‍ പരിധിയിലുള്ള മീനാര്‍ക്കുഴി, സമൂസപ്പടി, കുറുവ, കട്ടുപ്പാറ, കോഴിയൂര്‍ക്കുന്ന്, വറ്റലൂര്‍ ഹോമിയോ, നെച്ചിക്കുത്ത്പറമ്പ് എന്നീ  ഭാഗങ്ങളില്‍  മെയ് രണ്ടിന് രാവിലെ 8.30 മുതല്‍ വൈകുന്നേരം 5.30  വരെ വൈദ്യുതി വിതരണം തടസ്സപ്പെടും.

    കേരള ഖാദി ഗ്രാമവ്യവസായ ബോര്‍ഡിന്റെ റിഡക്ഷന്‍ മേളകള്‍ എല്ലാ ജില്ലാ കേന്ദ്രങ്ങളിലും ആരംഭിച്ചു. മെയ് 12 വരെ നീണ്ടു നില്ക്കുന്ന മേളകളില്‍ വിവിധ ഖാദി തുണിത്തരങ്ങള്‍ക്ക് 20 ശതമാനം മുതല്‍ റിഡക്ഷന്‍ ലഭിക്കും. ഇതിനു പുറമേ 20 ശതമാനം സര്‍ക്കാര്‍ റിബേറ്റുമുണ്ട്. കൂടുതല്‍ വിവരങ്ങള്‍ക്ക് ഖാദി ബോര്‍ഡിന്റെ ജില്ലാ ഓഫീസുകളുമായി ബന്ധപ്പെടണം.
പി.എന്‍.എക്‌സ്.1606/18

    കേരളത്തിലെ മുഴുവന്‍ ആദിവാസി ഊരുകളിലും റേഷനും തനത് ഭക്ഷ്യധാന്യങ്ങളും നേരിട്ടെത്തിക്കാന്‍ ഭക്ഷ്യ പൊതുവിതരണ വകുപ്പ് പദ്ധതി ആവിഷ്‌കരിക്കുന്നു. ഓരോ ആദിവാസി കുടുംബത്തിനും അര്‍ഹതപ്പെട്ട റേഷന്‍ വീട്ടിലെത്തിക്കുന്ന പദ്ധതിയാണിത്. തൃശൂര്‍ ജില്ലയില്‍ പരീക്ഷണാടിസ്ഥാനത്തില്‍ പദ്ധതി ആരംഭിച്ചിട്ടുണ്ട്.