സംസ്ഥാന ടെലിവിഷന്‍ അവാര്‍ഡുകള്‍ സാംസ്‌കാരിക വകുപ്പ് മന്ത്രി എ.കെ. ബാലന്‍ പ്രഖ്യാപിച്ചു. കഥാവിഭാഗത്തില്‍ ജി.ആര്‍. കൃഷ്ണന്‍ സംവിധാനവും അമൃത ടെലിവിഷനിലെ റോയ് പി. ആന്റണി നിര്‍മാണവും നിര്‍വഹിച്ച നിലാവും നക്ഷത്രങ്ങളും മികച്ച ടെലിസീരിയലായി തെരഞ്ഞെടുത്തു.  ഗണേഷ് ഓലിക്കരെയുടേതാണ് തിരക്കഥ.
    മികച്ച രണ്ടാമത്തെ ടെലിസീരിയല്‍ മഞ്ഞള്‍ പ്രസാദം. സംവിധാനം - പ്രദീപ് മാധവന്‍, നിര്‍മാണം - ഫ്‌ളവേഴ്‌സ് ടി.വി.
    അണ്ഡകടാഹത്തിലെ ഒരു പപ്പടം (കപ്പ ടി.വി) മികച്ച ടെലിഫിലിമായി (20 മിനിട്ടില്‍ കുറവ്) തെരഞ്ഞെടുത്തു. സംവിധാനം എസ്. ബിജിലാല്‍, നിര്‍മാണം ഷിബി എസ്. ബിജിലാല്‍, തിരക്കഥ എസ്. ബിജിലാല്‍.

    പഞ്ചായത്ത് രാജ് കാല്‍ നൂറ്റാണ്ട് എന്ന വിഷയത്തെ ആസ്പദമാക്കി കില സംഘടിപ്പിക്കുന്ന ദേശീയ സമ്മേളനം ഇന്ന് രാവിലെ 10 ന് കനകക്കുന്നില്‍ നടക്കും. തദ്ദേശ സ്വയംഭരണ വകുപ്പ് മന്ത്രി കെ.ടി. ജലീല്‍, എം.എല്‍.എ., എം.പി, തദ്ദേശ സ്വയം ഭരണ സ്ഥാപന അധ്യക്ഷന്മാര്‍, സെക്രട്ടറിമാര്‍ എന്നിവര്‍ പങ്കെടുക്കും. പദ്ധതി നിര്‍വഹണത്തിലും വസ്തുനികുതി പിരിവിലും 90 ശതമാനത്തിലധികം നേട്ടം കൈവരിച്ച തദ്ദേശ സ്ഥാപനങ്ങളെ ചടങ്ങില്‍ ആദരിക്കും.
പി.എന്‍.എക്‌സ്.1505/18

    ചരിത്രത്തെ സംബന്ധിച്ച വിലയേറിയ വിവരങ്ങളാണ് പുരാരേഖകളിലുള്ളതെന്ന് ധനമന്ത്രി ഡോ. ടി.എം. തോമസ് ഐസക് പറഞ്ഞു. പുരാരേഖകളിലെ വിവരങ്ങള്‍ ചരിത്രത്തെ വളരെക്കാലം ഓര്‍മപ്പെടുത്തിക്കൊണ്ടിരിക്കുമെന്നും മന്ത്രി പറഞ്ഞു. സംസ്ഥാന ആര്‍കൈവ്‌സ് വകുപ്പ് സംഘടിപ്പിച്ച മധ്യവേനല്‍ അവധി ക്യാമ്പില്‍ പങ്കെടുത്ത കുട്ടികളുമായി സംവദിക്കുകയായിരുന്നു അദ്ദേഹം.
    പഴയകാല രേഖകള്‍ സൂക്ഷിച്ചു വയ്ക്കുന്നതിന്റെ പ്രസക്തിയെക്കുറിച്ചും പ്രാധാന്യത്തെക്കുറിച്ചും കുട്ടികള്‍ക്ക് അദ്ദേഹം പറഞ്ഞു കൊടുത്തു. നോട്ടീസുകള്‍ പോലും നമ്മുടെ കാലഘട്ടത്തെ രേഖപ്പെടുത്തുന്നതാണെന്ന് നാം പലപ്പോഴും ഓര്‍ക്കാറില്ല.

ലൈഫ് പദ്ധതി പൂര്‍ത്തീകരണത്തില്‍ ജില്ലയില്‍ ഇടപ്പള്ളി ബ്ലോക്ക് ഒന്നാമത്

കൃഷിഭൂമി വായ്പാ പദ്ധതി

കൊച്ചി: സംസ്ഥാന പട്ടികജാതി/വര്‍ഗ വികസന കോര്‍പറേഷന്‍ നടപ്പിലാക്കുന്ന പുതിയ കൃഷിഭൂമി വായ്പാ പദ്ധതിയില്‍ പരിഗണിക്കുന്നതിന് പട്ടികജാതിയില്‍പ്പെട്ട അര്‍ഹരായ ഭൂരഹിത കര്‍ഷക തൊഴിലാളികളില്‍ നിന്നും അപേക്ഷ ക്ഷണിച്ചു. അഞ്ച് ലക്ഷം രൂപയാണ് പദ്ധതി തുക. 

ഉടുമ്പൂര്‍ പഞ്ചായത്തില്‍ ഉജ്ജ്വല പദ്ധതിപ്രകാരം ഗ്യാസ് കണക്ഷന്‍ ഇല്ലാത്ത കുടുംബങ്ങള്‍ക്ക് സൗജന്യ ഗ്യാസ് കണക്ഷന്‍ ലഭിക്കുന്നതിനുള്ള അപേക്ഷകള്‍ 20ന്്  വെള്ളിയാഴ്ച പഞ്ചായത്ത് ഹാളില്‍ രാവിലെ 11 മുതല്‍ സ്വീകരിക്കും. പഞ്ചായത്തിലെ ബിപിഎല്‍ വിഭാഗത്തില്‍പെട്ട പട്ടികജാതി, പട്ടികവര്‍ഗ വിഭാഗത്തില്‍പ്പെട്ടവര്‍ക്കും  എഎവൈ കാര്‍ഡുടമകള്‍ക്കുമാണ് ഗ്യാസ് കണക്ഷന്‍ ലഭിക്കുക. പാചകവാതകം ഉപയോഗിക്കുമ്പോള്‍ സ്വീകരിക്കേണ്ട സുരക്ഷാമാര്‍ഗങ്ങളെക്കുറിച്ചുള്ള ബോധവല്‍ക്കരണയോഗവും വെള്ളിയാഴ്ച നടക്കും.