വ്യവസായ വികസന കോര്‍പ്പറേഷനും കേരള ഇന്‍സ്റ്റിറ്റ്യൂട്ട് ഫോര്‍ എന്റര്‍ പ്രണര്‍ഷിപ്പ്
ഡവലപ്പ്‌മെന്റും സംയുക്തമായി മലപ്പുറത്ത് ഏപ്രില്‍ 25,26,27 തിയതികളില്‍ വനിതാ സംരംഭകത്വ വികസന പരിശീലന പരിപാടി നടത്തുന്നു. 30 പേര്‍ക്കാണ് സൗജന്യ പരിശീലനം . പത്താം  ക്ലാസ് വിജയിച്ച 18 നും 45 നും മധ്യേ പ്രായമുള്ളവര്‍ക്ക്  അപേക്ഷിക്കാം .  വിശദ വിവരങ്ങള്‍ക്ക് ഫോണ്‍ -  0484 2550322, 2532890, 9447974031, 9539772373

വര്‍ത്തമാന സാഹചര്യത്തില്‍ അംബേദ്ക്കറുടെ ചിന്തകള്‍ക്ക് പ്രസക്തി വര്‍ദ്ധിച്ചു വരികയാണെന്നും യുവാക്കള്‍ അദ്ദേഹത്തിന്റെ ജീവിതം മാതൃകയാക്കണമെന്ന് ഉബൈദുള്ള എം .എല്‍. എ പറഞ്ഞു. സാമൂഹ്യ നീതി വകുപ്പ് സംഘടിപ്പിച്ച ഡോ.ബി.ആര്‍ അംബേദ്ക്കര്‍ 127-ാം മത് ജ•-ദിനാചരമത്തിന്റെ ഭാഗമായി സംഘടിപ്പിച്ച അനുസ്മരണ സമ്മേനം ഉദ്ഘാടനം ചെയ്യുകയായിരുന്നു അദ്ദേഹം.

ദേശീയ പാത വികസനവുമായി ബന്ധപ്പെട്ട് കുറ്റിപ്പുറം- ഇടിമുഴിക്കല്‍ നിര്‍ദ്ദിഷ്ട അലൈന്‍മെന്റ് പ്രദേശത്തെ പ്രാരംഭ സര്‍വ്വെ പ്രവര്‍ത്തനങ്ങള്‍ പൂര്‍ത്തീകരിച്ചതായി ജില്ലാ കലക്ടര്‍ അമിത് മീണ അറിയിച്ചു. പൊന്നാനിയിലെ പ്ര#ാഥമിക സര്‍വ്വെ നടപടികള്‍ കൂടി ഉടന്‍ പൂര്‍ത്തിയാക്കും.  മന്ത്രിയുടെയും ജന പ്രതിനിധികളുടെയും നിര്‍ദ്ദേശത്ത് തുടര്‍ന്ന് ഇടിമുഴിക്കലില്‍ ബദുല്‍ പാതയുടെ അലൈന്‍മെന്റ് സര്‍വ്വെ ഏപ്രില്‍ 21 ന് നടത്തുമെന്നും ജില്ലാ കലക്ടര്‍ അറിയിച്ചു.

ജില്ലാ സ്‌പോര്‍ട്‌സ് കൗണ്‍സിലിന്റെ ആഭിമുഖ്യത്തില്‍ ഷട്ടില്‍ ബാഡ്മിന്റണ്‍ സമ്മര്‍ കോച്ചിങ് ക്യാമ്പ് സംഘടിപ്പിക്കുന്നു. 10 മുതല്‍ 16 വയസ് വരെയുള്ള ആണ്‍കുട്ടികള്‍ക്കും പെണ്‍കുട്ടികള്‍ക്കും പങ്കെടുക്കാം. താല്‍പര്യമുള്ളവര്‍ തൊടുപുഴ-പാല റോഡില്‍ പ്രവര്‍ത്തിക്കുന്ന ഇന്ത്യന്‍ സ്‌പോര്‍ട്‌സ് ബാഡ്മിന്റണ്‍ അക്കാഡമിയില്‍ 18 ന് രാവിലെ 9 മണിക്ക് വയസ് തെളിയിക്കുന്ന സര്‍ട്ടിഫിക്കറ്റ്, ഫോട്ടോ എന്നിവ സഹിതം എത്തിച്ചേരുക. സെലക്ഷന്‍ ട്രയലിലൂടെ 20 കുട്ടികള്‍ക്ക് പ്രവേശനം നല്‍കും. വിവിരങ്ങള്‍ക്ക് 04862 223236