കൊച്ചി: കേരള സംസ്ഥാന മത്സ്യത്തൊഴിലാളി കടാശ്വാസ കമ്മീഷന്‍ എറണാകുളം ഗവണ്‍മെന്റ് ഗസ്റ്റ് ഹൗസില്‍ നടന്ന സിറ്റിങ്ങില്‍ കടാശ്വാസം അനുവദിക്കുന്നതുമായി ബന്ധപ്പെട്ട് കമ്മീഷന്‍ മുമ്പാകെ ലഭിച്ച പരാതികളില്‍ പരിഹാരം നിശ്ചയിക്കുന്നതുമായി ബന്ധപ്പെട്ട 55  കേസുകള്‍ പരിഗണിച്ചു. 

കൊച്ചി: സാക്ഷരതാ മിഷന്റെ പത്താംതരം, ഹയര്‍ സെക്കന്ററി തുല്യതാ കോഴ്‌സ് സെന്റര്‍ കോഓഡിനേറ്റര്‍മാര്‍ക്കുള്ള  മേഖല പരിശീലനം നടത്തി. എറണാകുളം, തൃശൂര്‍, പാലക്കാട്, കോട്ടയം, ഇടുക്കി ജില്ലകളിലെ തുല്യതാ പഠന കേന്ദ്രങ്ങളിലെ സെന്റര്‍ കോ ഓഡിനേറ്റര്‍മാരായ പ്രേരക്മാരാണ് പരിപാടിയില്‍ പങ്കെടുത്തത്. സംസ്ഥാന സാക്ഷരതാ മിഷന്‍ ഡയറക്ടര്‍ ഡോ. പി..എസ് ശ്രീകല പരിശീലന പരിപാടി ഉദ്ഘാടനം ചെയ്തു. 

നോര്‍ക്കയുടെ തിരുവനന്തപുരത്തെ സെന്ററില്‍ 27ന് സര്‍ട്ടിഫിക്കറ്റ് ഓതന്റിക്കേഷന്‍ ഉണ്ടായിരിക്കില്ല.  പത്തനംതിട്ട കളക്ടറേറ്റിലെ കോണ്‍ഫറന്‍സ് ഹാളില്‍ അന്ന് രാവിലെ 9.30 മുതല്‍ ഉച്ചയ്ക്ക് ഒന്നു വരെ സര്‍ട്ടിഫിക്കറ്റ് ഓതന്റിക്കേഷന്‍ നടക്കും.  അപേക്ഷകര്‍ www.norkaroots.net  വഴി രജിസ്റ്റര്‍ ചെയ്യണം.

രണ്ടാം ലോക മഹായുദ്ധ സേനാനികളുടെ വിധവകള്‍ക്കുള്ള 6000 രൂപ പ്രതിമാസ സാമ്പത്തിക സഹായത്തിന് ഇതുവരെ അപേക്ഷ സമര്‍പ്പിച്ചിട്ടില്ലാത്തവര്‍ 30 ന് മുമ്പ് അപേക്ഷിക്കണമെന്ന് ജില്ലാ സൈനിക ക്ഷേമ ഓഫീസര്‍ അറിയിച്ചു.  ഫോണ്‍: 0497 2700069.

ഇന്‍സ്റ്റിറ്റ്യൂട്ട് ഓഫ് മെന്റല്‍ ഹെല്‍ത്ത് & ന്യൂറോസയന്‍സും സാമൂഹ്യനീതി വകുപ്പും ചേര്‍ന്ന് നടത്തുന്ന വയനാട് ജില്ലയിലെ ആദിവാസി വിഭാഗത്തില്‍പ്പെടുന്നവര്‍ക്ക് മാനസികാരോഗ്യ പരിപാലനം എന്ന പ്രൊജക്ടിലേക്ക് മെഡിക്കല്‍ ഓഫീസര്‍, പ്രൊജക്ട് കോ ഓര്‍ഡിറ്റേര്‍ തസ്തികകളിലേക്ക് കരാര്‍ അടിസ്ഥാനത്തില്‍ നിയമനത്തിനായി മെയ് 2 ന് രാവിലെ 10 മണിക്ക് കൂടിക്കാഴ്ച നടത്തുന്നു. ബാച്ചിലര്‍ ഡിഗ്രി ഇന്‍ മെഡിസിന്‍, മെന്റല്‍ ഹെല്‍ത്ത്/കമ്മ്യൂണിറ്റി മെഡിസിന്‍, രണ്ട് വര്‍ഷത്തെ പ്രവൃത്തിപരിചയം എന്നിവയാണ് മെഡിക്കല്‍ ഓഫീസറുടെ യോഗ്യത.   പ്രൊജക്ട് കോ ഓര്‍ഡിനേറ്ററുടെ യോഗ്യത എം ഫില്‍ ഇന്‍ സൈക്യാട്രിക് സോഷ്യല്‍ വര്‍ക്ക്.

ജില്ലാ വികസന സമിതി യോഗം 28 ന് രാവിലെ 11 മണിക്ക് കലക്ടറേറ്റ് കോണ്‍ഫറന്‍സ് ഹാളില്‍ ചേരും.