ജില്ലാ പഞ്ചായത്ത് മുഖേന അറ്റകുറ്റപ്പണികള്‍ക്ക്  സമയബന്ധിതമായി ഫണ്ട് ലഭിക്കുന്നില്ലെന്ന വാര്‍ത്ത അടിസ്ഥാനരഹിതമാണെന്ന് കാസര്‍കോട് കൃഷി അസിസ്റ്റന്റ് എക്‌സിക്യൂട്ടീവ് എഞ്ചിനീയര്‍ അറിയിച്ചു. കാലപ്പഴക്കംകാരണം കര്‍ഷകര്‍ക്ക്  ട്രാക്ടറുകള്‍ ഉപയോഗിക്കാന്‍ സാധിക്കുന്നില്ലെന്ന പത്ര വാര്‍ത്ത വാസ്തവവിരുദ്ധമാണ്. കസ്റ്റം ഹയറിംഗ് സെന്ററിന്റെ ട്രാക്ടറുകള്‍ ഈ മാസം 13 വരെയും കര്‍ഷകരുടെ പാടത്ത് പ്രവര്‍ത്തിപ്പിച്ചവയാണ്.  

    ജില്ലയില്‍ വര്‍ഗീയ വിദ്വേഷം ഇല്ലാതാക്കി സമൂഹപുരോഗതിയ്ക്കും ഉന്നമനത്തിനുമായി രൂപീകൃതമായ  ജില്ലയിലെ ക്ലബ്ബുകളുടെ കൂട്ടായ്മയായ  സഹൃദയയുടെ വാര്‍ഷികം  നാളെ (23) വൈകുന്നേരം  നാലിന്  കാസര്‍കോട്  മുനിസിപ്പല്‍ ടൗണ്‍ഹാളില്‍  ജില്ലാകളക്ടര്‍ കെ.ജീവന്‍ബാബു  ഉദ്ഘാടനം ചെയ്യും.  ജില്ലാ പോലീസ് മേധാവി കെ.ജി.സൈമണ്‍ അധ്യക്ഷത വഹിക്കും. കോഴിക്കോട് സര്‍വ്വകലാശാല ചരിത്രവിഭാഗം മേധാവി  പി.ജെ.വിന്‍സെന്റ് മുഖ്യപ്രഭാഷണം നടത്തും. ജില്ലാ പഞ്ചായത്ത് പ്രസിഡന്റ് എജിസി ബഷീര്‍, കാസര്‍കോട് നഗരസഭ ചെയര്‍പേഴ്‌സണ്‍ ബീഫാത്തിമ ഇബ്രാഹിം തുടങ്ങിയവര്‍ സംബന്ധിക്കും.
 

    വിവിധ സ്വയംതൊഴില്‍ പദ്ധതികള്‍ മുഖേന പരമാവധി പത്തുലക്ഷം രൂപവരെ വായ്പ ലഭിക്കുന്നതിന് ജില്ലയിലെ ഉദ്യോഗാര്‍ത്ഥികള്‍ക്ക് അപേക്ഷിക്കാനവസരം. ജോബ് ക്ലബ്ബ്, കേരള സ്റ്റേറ്റ് സെല്‍ഫ് എംപ്ലോയ്‌മെന്റ് സ്‌കീം ഫോര്‍ ദി രജിസ്റ്റേര്‍ഡ് അണ്‍ എംപ്ലോയ്ഡ്(കെസ്‌റു), ശരണ്യ എന്നീ പദ്ധതികള്‍ മുഖേനയാണ്  2018-19 സാമ്പത്തിക വര്‍ഷം വായ്പ അനുവദിക്കുക. 

ദേശീയ റോഡ് സുരക്ഷാവാരാഘോഷത്തിന് ജില്ലയില്‍ തുടക്കമായി. കാസര്‍കോട് ടൗണ്‍ഹാളില്‍ മുന്‍സിപ്പല്‍ ചെയര്‍പേഴ്‌സണ്‍ ബിഫാത്തിമ ഇബ്രാഹിം ജില്ലാതല ഉദ്ഘാടനം നിര്‍വഹിച്ചു. ജില്ലാ കളക്ടര്‍ ജീവന്‍ബാബു.കെ അധ്യക്ഷതവഹിച്ചു. ജില്ലാ പോലീസ് മേധാവി കെ.ജി സൈമണ്‍ മുഖ്യാതിഥിയായിരുന്നു. കൗണ്‍സിലര്‍ ജയപ്രകാശ്, ട്രോമകെയര്‍ സൊസൈറ്റി പ്രസിഡന്റ് പി.വി കുഞ്ഞമ്പുനായര്‍ എന്നിവര്‍ സംസാരിച്ചു. ആര്‍ടിഒ ബാബുജോണ്‍ സ്വാഗതവും എംവിഐ:എ.കെ രാജീവന്‍ നന്ദിയും പറഞ്ഞു. 

    സാംസ്‌കാരിക വകുപ്പിന്റെ നേതൃത്വത്തില്‍ മടിക്കൈ അമ്പലത്തുകരയില്‍ സ്ഥാപിക്കുന്ന സാംസ്‌കാരിക സമുച്ചയം സംബന്ധിച്ച് ചര്‍ച്ചായോഗം കാഞ്ഞങ്ങാട് ബേക്കല്‍ ഇന്റര്‍നാഷണലില്‍  സംഘടിപ്പിച്ചു.  പിവികെ പനയാലിന്റെ  അധ്യക്ഷതയില്‍ നടന്ന യോഗത്തില്‍ ആര്‍ക്കിടെക്റ്റ് സരസകുമാര്‍ സമുച്ചയത്തിന്റെ ഘടനയും സവിശേഷതയും വിശദീകരിച്ചു. 

സംസ്ഥാന സര്‍ക്കാര്‍ രണ്ടാം വാര്‍ഷികാഘോഷങ്ങളുടെ ഭാഗമായി കാഞ്ഞങ്ങാട് അലാമി പരിസരത്ത് നടത്തുന്ന പ്രദര്‍ശന-വിപണന മേളയുടെ കള്‍ച്ചറല്‍ കമ്മിറ്റിയോഗം ഇന്ന്(24) ചേരും. കാഞ്ഞങ്ങാട് റസ്റ്റ് ഹൗസില്‍ വൈകുന്നേരം നാലിന് നടക്കുന്ന യോഗത്തില്‍ കമ്മിറ്റി അംഗങ്ങളും ബന്ധപ്പെട്ടവരും പങ്കെടുക്കണമെന്ന്് ചെയര്‍മാര്‍ പ്രൊഫ: കെ.പി ജയരാജന്‍ അറിയിച്ചു.
 

കര്‍ണാടക നിയമസഭാ തെരഞ്ഞെടുപ്പിന്റെ പശ്ചാത്തലത്തില്‍ അതിര്‍ത്തി ജില്ലകളിലെ കളക്ടര്‍മാരുടെയും പോലീസ് ഉന്നതരുടെയും യോഗം മംഗലാപുരത്തും മടിക്കേരിയിലും ചേര്‍ന്നു. കാസര്‍കോട് ജില്ലാ കളക്ടര്‍ ജീവന്‍ബാബു.കെ, മടിക്കേരി, ദക്ഷിണകന്നഡ ജില്ലാ കളക്ടര്‍മാര്‍, കാസര്‍കോട് ജില്ലാ പോലീസ് മേധാവി കെ.ജി സൈമണ്‍ തുടങ്ങിയവര്‍ യോഗത്തില്‍ പങ്കെടുത്തു.

 സംസ്ഥാന പിന്നാക്ക വിഭാഗ വികസന കോര്‍പ്പറേഷന്‍ സംസ്ഥാന പിന്നാക്ക ക്ഷേമ വകുപ്പുമായി ചേര്‍ന്ന് പ്രൊഫഷണല്‍ സംരംഭകര്‍ക്കായി ഏകദിന ശില്പശാല സംഘടിപ്പിക്കും.  ശില്പശാലയുടെ സംസ്ഥാനതല ഉദ്ഘാടനം ഏപ്രില്‍ 24 രാവിലെ 11 ന് വഴുതക്കാട് ട്രാന്‍സ് ടവറില്‍ പിന്നാക്ക പട്ടികജാതി പട്ടിക വര്‍ഗ്ഗ ക്ഷേമ, നിയമ, സാംസ്‌കാരിക വകുപ്പ് മന്ത്രി എ.കെ ബാലന്‍ ഉദ്ഘാടനം ചെയ്യും.  വി.എസ്. ശിവകുമാര്‍ എം.എല്‍.എ അധ്യക്ഷത വഹിക്കും.  ഡെപ്യൂട്ടി മേയര്‍ രാഖി രവികുമാര്‍ മുഖ്യാതിഥി ആയിരിക്കും.  കോര്‍പ്പറേഷന്‍ ചെയര്‍മാന്‍ സംഗീത് ചക്രപാണി, മാനേജിംഗ് ഡയറക്ടര്‍ കെ.ടി.

എക്കണോമിക്‌സ് ആന്റ് സ്റ്റാറ്റിസ്റ്റിക്‌സ് വകുപ്പ് 2018 ഫെബ്രുവരി മാസത്തെ വിലനിലവാര സൂചിക പ്രസിദ്ധീകരിച്ചു. ജില്ല, സൂചിക ക്രമത്തില്‍. 2018 ജനുവരി മാസത്തിലേത് ബ്രാക്കറ്റില്‍.

തിരുവനന്തപുരം 153 (155), കൊല്ലം 148 (149), പുനലൂര്‍ 151 (152), പത്തനംതിട്ട 159 (160), ആലപ്പുഴ 154 (155), കോട്ടയം 156 (158), മുണ്ടക്കയം 148 (150), ഇടുക്കി 150 (152), എറണാകുളം 151 (152), ചാലക്കുടി 156 (158), തൃശൂര്‍ 153 (154), പാലക്കാട് 146 (146), മലപ്പുറം 149 (150), കോഴിക്കോട് 156 (156), വയനാട് 152 (154), കണ്ണൂര്‍ 159 (160), കാസര്‍ഗോഡ് 155 (158)

പി.എന്‍.എക്‌സ്.1488/18