.

‍

    പട്ടികവര്‍ഗ വികസന വകുപ്പിന്റെ കീഴില്‍ കാസര്‍കോട് കുണ്ടംകുഴി ബേഡഡുക്കയില്‍ പ്രവര്‍ത്തിക്കുന്ന ആശ്രമം സ്‌കൂളിലെ (ഇംഗ്ലീഷ് മീഡിയം) ഒന്നാം ക്ലാസ്സ് പ്രവേശനത്തിന്     അപേക്ഷ ക്ഷണിച്ചു.  കുടുംബ വാര്‍ഷിക വരുമാന പരിധി 1,00,000 രൂപയില്‍ കൂടാന്‍ പാടില്ല.  പ്രാക്തന ഗോത്ര വര്‍ഗക്കാര്‍ക്ക് വരുമാന പരിധി ബാധകമല്ല.  അപേക്ഷകര്‍ അഞ്ച് വയസ്സ് പൂര്‍ത്തിയായിരിക്കണം.  

കാസര്‍കോട് ഗവ. കോളേജ് കോമ്പൗണ്ടിലുളള ഫലവൃക്ഷങ്ങളില്‍ നിന്നും 2019 മാര്‍ച്ച് 31 വരെയുളള കാലയളവിലേക്ക്  ആദായം എടുക്കുന്നതിനുളള ലേലം  മെയ് ഏഴിന് രാവിലെ  11 ന്  കോളേജ് പരിസരത്ത് നടക്കും. കൂടുതല്‍ വിവരങ്ങള്‍  കോളേജ് ഓഫീസില്‍ നിന്നും ലഭിക്കും.
 

പരപ്പ ഐസിഡിഎസ് പ്രോജക്ടിലേക്ക് 2018-19 വര്‍ഷം കരാര്‍ വ്യവസ്ഥയില്‍ ഓടുന്നതിന് ഏഴ് വര്‍ഷത്തില്‍ കൂടുതല്‍ പഴക്കമില്ലാത്ത കാര്‍/ജീപ്പ് മാസവാടകയ്ക്ക് ലഭ്യമാക്കുവാന്‍ തയ്യാറുള്ളവരില്‍ നിന്ന് ടെണ്ടര്‍ ക്ഷണിച്ചു. സ്റ്റോക്ക് പര്‍ച്ചേസ് മാന്വല്‍ നിഷ്‌കര്‍ഷിക്കുന്ന മാനദണ്ഡം പാലിച്ചുകൊണ്ടായിരിക്കും ടെണ്ടര്‍. ടെണ്ടര്‍ സ്വീകരിക്കുന്ന അവസാന തീയതി മെയ് നാല് ഉച്ചയ്ക്ക് ഒരു മണി വരെ. വിശദ വിവരങ്ങള്‍ക്ക് പരപ്പയില്‍ പ്രവര്‍ത്തിക്കുന്ന ഐസിഡിഎസ് ഓഫീസുമായി ബന്ധപ്പെടുക. ഫോ 04672255161 ,9744412797.
                     

കാസര്‍കോട് ജില്ലാ മെന്റല്‍  ഹെല്‍ത്ത് പ്രോഗ്രാമിലേക്ക് ഒരു വര്‍ഷത്തേക്ക് കരാര്‍ അടിസ്ഥാനത്തില്‍ ക്ലാര്‍ക്ക്  കം ഡാറ്റ എന്‍ട്രി ഓപ്പറേറ്ററെ നിമയിക്കുന്നതിനായി  കൂടിക്കാഴ്ച നടത്തുന്നു.  താല്‍പ്പര്യമുളളവര്‍ നാളെ (26) രാവിലെ 10 ന്  കാഞ്ഞങ്ങാട് ചെമ്മട്ടംവയലിലുളള ജില്ലാ മെഡിക്കല്‍ ഓഫീസില്‍  അസല്‍ സര്‍ട്ടിഫിക്കറ്റുകള്‍ സഹിതം ഹാജരാകണം.  ബികോം ബിരുദവും, പിജിഡിസിഎ, ഡിസിഎ എന്നിവയാണ് യോഗ്യത. ഫോണ്‍ 04672 203118.
     
 

 ഉദുമ ഗ്രാമ പഞ്ചായത്തില്‍ മഹാത്മാഗാന്ധി ദേശീയ ഗ്രാമീണ തൊഴിലുറപ്പ് വിഭാഗത്തില്‍  ഓവര്‍സിയര്‍ (യോഗ്യത: ഡിപ്ലോമ/ഐ.ടി.ഐ സര്‍ട്ടിഫിക്കറ്റ് സിവില്‍),  അക്കൗണ്ടന്റ് കം കമ്പ്യൂട്ടര്‍ ഓപ്പറേറ്റര്‍ (യോഗ്യത: ബികോം, പി.ജി.ഡി.സി.എ) ഒഴിവുകളിലേക്ക് ഉദ്യോഗാര്‍ത്ഥികളില്‍ നിന്ന് അപേക്ഷ ക്ഷണിച്ചു. നിശ്ചിത യോഗ്യതയുളളവര്‍ ബന്ധപ്പെട്ട യോഗ്യതാ സര്‍ട്ടിഫിക്കറ്റുകളും, പകര്‍പ്പുകളും സഹിതം ഈ മാസം 28 ന് രാവിലെ 10.30 ന് ഗ്രാമ പഞ്ചായത്ത് ഓഫീസില്‍ നടക്കുന്ന അഭിമുഖത്തില്‍ പങ്കെടുക്കണം.
 

    മാലിന്യ സംസ്‌ക്കരണ പ്രവര്‍ത്തനങ്ങള്‍ വിപുലമാക്കുന്നതിന്റെ ഭാഗമായി കാഞ്ഞങ്ങാട് നഗരസഭയിലെ തെരെഞ്ഞെടുക്കപ്പെട്ട വാര്‍ഡുകളില്‍ നടപ്പിലാക്കുന്ന ‘സീറോവേസ്റ്റ് ഓണ്‍ ഗ്രൗണ്ട്’ കര്‍മ്മ പദ്ധതിയുടെ പ്രവര്‍ത്തനങ്ങള്‍ക്ക് നേതൃത്വം നല്‍കുന്നതിനും, നടപ്പിലാക്കുന്നതിനും  കാഞ്ഞങ്ങാട് നഗരസഭ പരിധിയിലെ താമസക്കാരായ എം.എസ്.ഡബ്ല്യു, എം.എസ്.സി എന്‍വയോണ്‍മെന്റല്‍ സയന്‍സ്, ബി ടെക് യോഗ്യതയുള്ളവരെ ആറു മാസത്തേക്ക് ദിവസവേതനാടിസ്ഥാനത്തില്‍ നിയമിക്കുന്നു.  താല്‍പര്യമുള്ളവര്‍ ഈ മാസം 27 ന് ഉച്ചയ്ക്ക് 2.30 ന് ജില്ലാ ശുചിത്വ മിഷന്‍ ഓഫീസില്‍ യോഗ്യത തെളിയിക്കുന്ന രേഖകളുമായി ഹാജരാകണം.
 

‍