കൊച്ചി: ഭാരതീയ ചികിത്സാ വകുപ്പ് എറണാകുളം ജില്ലാ മെഡിക്കല്‍ ഓഫീസിനു കീഴിലുളള ആയുര്‍വേദ സ്ഥാപനങ്ങളിലെ മെഡിക്കല്‍ ഓഫീസര്‍ തസ്തികകളില്‍ ഉണ്ടാകുന്ന താത്കാലിക ഒഴിവുകളിലേക്ക് ദിവസവേതനാടിസ്ഥാനത്തില്‍ നിയമനം നടത്തുന്നതിന് ഏപ്രില്‍ 30-ന് രാവിലെ 11-ന് കൂടിക്കാഴ്ച നടത്തും. യോഗ്യത - ബി.എ.എം.എസ്, റ്റി.സി.എം.സി സ്ഥിരം രജിസ്‌ട്രേഷന്‍ സര്‍ട്ടിഫിക്കറ്റ്. ഉദ്യോഗാര്‍ഥികള്‍ യോഗ്യത, പ്രായം, പ്രവൃത്തി പരിചയം എന്നിവ തെളിയിക്കുന്നതിനാവശ്യമായ രേഖകളുടെ അസല്‍പകര്‍പ്പ്, ആധാര്‍കാര്‍ഡ് എന്നിവ സഹിതം എറണാകുളം  തമ്മനത്തുളള ഭാരതീയ ചികിത്സാ വകുപ്പ് ജില്ലാ മെഡിക്കല്‍ ഓഫീസില്‍ നേരിട്ട് ഹാജരാകണം. 

ഇരിമ്പിളിയം ശ്രീവൈലശ്ശേരി ശിവക്ഷേത്രം, ശ്രീവേമണ്ണക്ഷേത്രം, എടയൂര്‍ ശ്രീപൂക്കാട്ടിയൂര്‍ മഹാദേവക്ഷേത്രം, എടയൂര്‍ ഋഷിപുത്തൂര്‍ ക്ഷേത്രം, ഊരകം വില്ലേജിലെ സുബ്രഹ്മണ്യ സ്വാമി ക്ഷേത്രം എന്നിവിടങ്ങളിലേക്ക് പാരമ്പര്യേതര ട്രസ്റ്റിമാരുടെ ഒഴിവിലേക്ക് ട്രസ്റ്റി നിയമനത്തിന് ഹിന്ദുമത ധര്‍മ്മസ്ഥാപന നിയമ പ്രകാരം അര്‍ഹരായ തദ്ദേശവാസികളില്‍ നിന്ന് അപേക്ഷ ക്ഷണിച്ചു.  അപേക്ഷ മെയ് 21ന് വൈകീട്ട് അഞ്ചിനകം തിരൂര്‍ മിനി സിവില്‍ സ്റ്റേഷനിലെ മലബാര്‍ ദേവസ്വം ബോര്‍ഡ് മലപ്പുറം അസിസ്റ്റന്റ് കമ്മീഷണറുടെ ഓഫീസില്‍ ലഭിക്കണം.  വിശദ വിവരങ്ങള്‍ ഓഫീസില്‍ നിന്നും മഞ്ചേരി ഡിവിഷന്‍ ഇന്‍സ്‌പെക്ടറുടെ ഓഫീസില്‍ നിന്നും ലഭിക്കും.

    ജെഎഫ്‌സിഎം 2 ഹൊസ്ദുര്‍ഗ്  കോടതി എംസി 55/17(എംസി 160/16,158/16, 44/17,54/17,56/17,57/17) കേസുകളിലെ പിഴതുക ഈടാക്കുന്നതിന്  പളളിക്കര വില്ലേജിലെ  റി.സ.നം.369/12 ല്‍പെട്ട 0.04 ഏക്കര്‍ ജപ്തി ചെയ്ത സ്ഥലം മെയ് നാലിന്  രാവിലെ 11 ന് പളളിക്കര വില്ലേജാഫീസില്‍ ലേലം ചെയ്യും. കൂടുതല്‍ വിവരങ്ങള്‍ക്ക് പളളിക്കര വില്ലേജ് ഓഫീസുമായി ബന്ധപ്പെടുക.

    കാസര്‍കോട് എല്‍ബിഎസ് എഞ്ചിനീയറിംഗ് കോളേജില്‍ താല്‍ക്കാലികാടിസ്ഥാനത്തില്‍ ക്ലാര്‍ക്കിനെ നിയമിക്കുന്നു.  ബിരുദവും കമ്പ്യൂട്ടര്‍ പരിജ്ഞാനവുമാണ് യോഗ്യത.  18 നും 35 നും മധ്യേ പ്രായമുളളവര്‍  യോഗ്യതയും വയസും തെളിയിക്കുന്ന അസല്‍ സര്‍ട്ടഫിക്കറ്റുകള്‍ സഹിതം  നാളെ (27) രാവിലെ  11 ന്  കോളേജ് ഓഫീസില്‍ നടക്കുന്ന കൂടിക്കാഴ്ചയ്ക്ക് ഹാജരാകണം.04994 250290.
                             

  
                     
    ദേശീയറോഡ് സുരക്ഷാ വാരാചരണത്തോടനുബന്ധിച്ച് നടന്ന രക്തദാന ക്യാമ്പ് എഡിഎം എന്‍ ദേവിദാസ്  ഉദ്ഘാടനം ചെയ്തു. കളക്ടറേറ്റ് മിനി കോണ്‍ഫറന്‍സ് ഹാളില്‍  നടന്ന  ചടങ്ങില്‍  ആര്‍ടിഒ ബാബു ജോണ്‍ അധ്യക്ഷത വഹിച്ചു.  ബ്ലഡ് ബാങ്ക് ഇന്‍ ചാര്‍ജ്  കെ ആര്‍ ദീപക് വിഷയാവതരണം നടത്തി.  ഉദുമ ഗവ. കോളേജ് അസി. പ്രൊഫസര്‍  കെ വിദ്യ, ട്രാക് വൈസ് പ്രസിഡന്റ് എം രാധാകൃഷ്ണന്‍,  ട്രോമ കെയര്‍ എക്‌സിക്യുട്ടീവ് മെമ്പര്‍ പി ടി ഉഷ, എംവിഐ  ദിലീപ് കുമാര്‍,  എഎംവിഐ ജിഷോര്‍ എന്നിവര്‍ സംസാരിച്ചു.  എംവിഐ എ കെ രാജീവന്‍ സ്വാഗതവും  കെ ടി രവികുമാര്‍ നന്ദിയും പറഞ്ഞു.

ജില്ലയിലെ ഗ്രാമ പഞ്ചായത്തുകളില്‍ ഉള്‍പ്പെട്ട 18 നും 35 നും ഇടയില്‍ പ്രായമുള്ള 142 പേര്‍ക്ക് സൗജന്യ തൊഴില്‍ പരിശീലനവും തൊഴിലും നല്‍കുന്ന പദ്ധതിയിലേക്ക് അപേക്ഷ ക്ഷണിച്ചു.  കേന്ദ്ര സര്‍ക്കാറിന്റെ ഗ്രാമ വികസന വകുപ്പിന് കീഴിലുള്ള ദീന്‍ ദയാല്‍ ഉപാദ്ധ്യായ ഗ്രാമീണ കൗശല്യ യോജന പദ്ധതിയില്‍ ഉള്‍പ്പെടുത്തി കുടുംബശ്രീ മിഷന്റെ മേല്‍നോട്ടത്തില്‍  ജന്‍ ശിക്ഷണ്‍ സന്‍സ്ഥാനാണ് പദ്ധതി നടപ്പിലാക്കുന്നത്. പരിശീലനം, പാഠപുസ്തകം, പഠന സാമഗ്രികള്‍, യാത്രാബത്ത എന്നിവയെല്ലാം സൗജന്യമാണ്.