ചെങ്കല്‍ ഗ്രാമ പഞ്ചായത്ത് (ഉദിയന്‍കുളങ്ങര) ഓഫീസില്‍ ഇന്ന് (ഏപ്രില്‍ 24) കേരള കര്‍ഷകത്തൊഴിലാളി ക്ഷേമനിധി ബോര്‍ഡ് തിരുവനന്തപുരം ഡിവിഷന്‍ വെല്‍ഫെയര്‍ ഫണ്ട് ഓഫീസര്‍ സിറ്റിംഗ് നടത്തും. ഇതോടനുബന്ധിച്ച് 2000 മുതലുള്ള കുടിശ്ശികയും സ്വീകരിക്കും.  നെയ്യാറ്റിന്‍കര, പാറശ്ശാല, പരശുവയ്ക്കല്‍, പെരുങ്കടവിള തുടങ്ങിയ വില്ലേജുകളില്‍ ഉള്ളവര്‍ക്ക് കുടിശ്ശിക അടയ്ക്കുവാന്‍ അവസരം ഉണ്ടായിരിക്കും. 

പി.എന്‍.എക്‌സ്.1490/18

ഏപ്രില്‍ 27 വെള്ളിയാഴ്ച കേരള നിയമസഭാ ദിനമായി ആചരിക്കുന്നു.  അന്നേ ദിവസം രാവിലെ 10.30 മണിക്ക് നിയമസഭാ സെക്രട്ടറി നിയമസഭാ സമുച്ചയത്തിലെ ദേശീയ നേതാക്കളുടെ പ്രതിമകളില്‍ ഹാരാര്‍പ്പണവും പുഷ്പാര്‍ച്ചനയും നടത്തും.

നിയമസഭാ ദിനാചരണത്തിന്റെ ഭാഗമായി ഏപ്രില്‍ 23, മുതല്‍ 29 വരെയുള്ള ദിവസങ്ങളില്‍ വൈകുന്നേരം ആറ് മുതല്‍ രാത്രി 9.30 വരെ നിയമസഭാ മന്ദിരവും പരിസരവും  ദീപാലംകൃതമായിരിക്കും.  ഈ ദിവസങ്ങളില്‍ വൈകുന്നേരം 4 മുതല്‍ രാത്രി 9.30 വരെ പൊതുജനങ്ങള്‍ക്ക് നിയമസഭാ ഹാളും നിയമസഭാ മ്യൂസിയങ്ങളും സന്ദര്‍ശിക്കുന്നതിന് അനുവദിക്കും.

പി.എന്‍.എക്‌സ്.1489/18

സര്‍ക്കാര്‍ വകുപ്പുകള്‍, അര്‍ദ്ധസര്‍ക്കാര്‍, പൊതുമേഖലാ സ്ഥാപനങ്ങള്‍, സര്‍ക്കാര്‍ ഗ്രാന്റ് ഉപയോഗിച്ച്  ജീവനക്കാര്‍ക്ക് ശമ്പളം, പെന്‍ഷന്‍ എന്നിവ നല്‍കുന്ന സ്ഥാപനങ്ങള്‍ എന്നിവിടങ്ങളില്‍ താത്കാലിക ജീവനക്കാരെ സ്ഥിരപ്പെടുത്തുന്നതുമായി ബന്ധപ്പെട്ട് നിര്‍ദേശം പുറപ്പെടുവിച്ച് സര്‍ക്കാര്‍ ഉത്തരവായി.  താത്കാലിക ജീവനക്കാരെ മുന്‍കാല പ്രാബല്യത്തോടെ സ്ഥിരപ്പെടുത്തുന്നതായി കണ്ടെത്തിയതിന്റെ അടിസ്ഥാനത്തിലാണ് നടപടി.

കൊച്ചി: 2020 ഓടെ റോഡ് അപകടവും അപകട മരണ നിരക്കും കുറയ്ക്കുക എന്ന ലക്ഷ്യത്തോടെ സേഫ് കേരള പദ്ധതിക്ക് ഉടന്‍ തുടക്കം കുറിക്കുമെന്ന് ഗതാഗത വകുപ്പ് മന്ത്രി എ.കെ. ശശീന്ദ്രന്‍. 29-ാമത് ദേശീയ റോഡ് സുരക്ഷ വാരാചരണം 2018 കളമശേരി സെന്റ് പോള്‍സ് കോളേജില്‍ ഉദ്ഘാടനം ചെയ്യുകയായിരുന്നു അദ്ദേഹം. ശബരിമലയില്‍ നടപ്പാക്കിയ സേഫ് സോണ്‍ പദ്ധതിയുടെ വിപുലീകരണം എന്ന നിലയിലാണ് സേഫ് കേരള പദ്ധതിയും നടപ്പാക്കുന്നത്. അടുത്ത ക്യാബിനറ്റ് യോഗത്തില്‍ പദ്ധതിക്ക് അനുമതി നല്‍കും. ശാസ്ത്രീയ പരിശോധനയും ആധുനിക സങ്കേതങ്ങളും ഉപയോഗിച്ച് നിയമലംഘനം കര്‍ശനമായി തടയും. ദേശീയ, സംസ്ഥാന പാതകളില്‍ നിരീക്ഷണ ക്യാമറകള്‍ സ്ഥാപിക്കും.

ലീഗല്‍ സര്‍വീസസ് അതോറിറ്റിയുടെ കീഴിലുളള തിരുവനന്തപുരം, കോഴിക്കോട് എന്നിവിടങ്ങളില്‍ സ്ഥാപിച്ചിട്ടുളള സ്ഥിരം ലോക് അദാലത്തുകളിലേക്ക് അംഗമായി നിയമിക്കുന്നതിനുളള അപേക്ഷകള്‍ ക്ഷണിച്ചു.  വെബ്‌സൈറ്റ്: www.kelsa.nic.in

പി.എന്‍.എക്‌സ്.1486/18

തൊഴിലാളികളുടെ മെച്ചപ്പെട്ട സംസ്‌ക്കാരം ഉയര്‍ത്തിപ്പിടിക്കാന്‍ ഏവര്‍ക്കും കഴിയണമെന്ന് തൊഴിലും നൈപുണ്യവും വകുപ്പു മന്ത്രി ടി.പി.രാമകൃഷ്ണന്‍.കേരളത്തില്‍ തൊഴിലെടുക്കുന്ന ഇതര സംസ്ഥാന തൊഴിലാളികള്‍ക്കുള്ള (അതിഥി തൊഴിലാളികള്‍)  എറണാകുളം ജില്ലയിലെ സഹായ കേന്ദ്രം പെരുമ്പാവൂരില്‍ ഉദ്ഘാടനം ചെയ്യുകയായിരുന്നു അദ്ദേഹം. 

വിദ്യാഭ്യാസ ഉപഡയറക്ടറുടെ കാര്യാലയത്തിലെ ഔദ്യോഗിക വാഹനമായ സുമോ വിക്ടയുടെ (രജിസ്റ്റര്‍ നമ്പര്‍: കെ.എല്‍. 01 എ.വി 4648) അസല്‍ ആര്‍.സി. ബുക്ക് നഷ്ടപ്പെട്ടു.  ലഭിക്കുന്നവര്‍ വിദ്യാഭ്യാസ ഉപഡയറക്ടര്‍, വിദ്യാഭ്യാസ ഉപഡയറക്ടറുടെ കാര്യാലയം, കൊച്ചാര്‍ റോഡ്, കിളളിപ്പാലം, ചാല പി.ഒ, തിരുവനന്തപുരം 695036, എന്ന മേല്‍വിലാസത്തില്‍ ബന്ധപ്പെടണം. ഫോണ്‍: 0471 2472302.

പി.എന്‍.എക്‌സ്.1485/18

വാഹനങ്ങളുടെ ഹോണ്‍ ഉപയോഗത്തെക്കുറിച്ച് പൊതുജനങ്ങളെ ബോധവത്കരിക്കുക എന്ന ഉദ്ദേശ്യത്തോടെ ഏപ്രില്‍ 26 ശബ്ദ മലിനീകരണ ബോധവത്കരണ ദിനമായി ആചരിക്കും.  ഈ ദിനത്തില്‍ സംസ്ഥാനത്ത് നോ ഹോണ്‍ ഡേ പ്രഖ്യാപിച്ചു.  ഗതാഗത, ആഭ്യന്തര, ആരോഗ്യ വകുപ്പുകള്‍ ശബ്ദമലിനീകരണത്തിനെതിരെ നടപടി സ്വീകരിക്കുന്നതിന്റെ ഭാഗമായാണ് ഹോണ്‍വിരുദ്ധ ദിനം ആചരിക്കുന്നത്.

പി.എന്‍.എക്‌സ്.1484/18

ന്യൂനപക്ഷ കമ്മീഷന്‍ സിറ്റിംഗ്

കൊച്ചി: സംസ്ഥാന ന്യൂനപക്ഷ കമ്മീഷന്‍ സിറ്റിംഗ് എ.പ്രില്‍ 26-ന് ആലുവ ഗവ: ഗസ്റ്റ് ഹൗസ് കോണ്‍ഫറന്‍സ് ഹാളില്‍ രാവിലെ 11-ന് നടക്കും. എറണാകുളം ജില്ലയില്‍ നിന്നുളള പരാതികള്‍ പരിഗണിക്കും.

സോഫ്റ്റ്‌വെയര്‍ വികസന പരിശീലനത്തിന്

ഏപ്രില്‍ 30 വരെ അപേക്ഷിക്കാം

കേരള നിയമസഭയുടെ പാര്‍ലമെന്ററി പഠന പരിശീലന കേന്ദ്രം കേരളത്തിലെ സര്‍ക്കാര്‍/എയ്ഡഡ് മേഖലയിലെ ഒന്‍പതാം ക്ലാസ് മുതല്‍ പന്ത്രണ്ടാം ക്ലാസ് വരെയുളള വിദ്യാര്‍ത്ഥികള്‍ക്കായി തിരുവനന്തപുരത്ത് സംഘടിപ്പിക്കുന്ന ഉപന്യാസ രചനാ മത്സരത്തിനുളള അപേക്ഷകള്‍ ഏപ്രില്‍ 30 വരെ സ്വീകരിക്കും.  വിശദ വിവരങ്ങള്‍, നിബന്ധന, അപേക്ഷ ഫോറം എന്നിവ നിയമസഭയുടെ ഔദ്യോഗിക വെബ്‌സൈറ്റായ www.niyamsabha.org യില്‍ ലഭിക്കും.  മെയ് എട്ടിന് രാവിലെ 11.30 മുതല്‍ ഉച്ചയ്ക്ക് 1.30 വരെയാണ് മത്സരം.

പി.എന്‍.എക്‌സ്.1483/18