കേരളത്തിലെ എല്ലാ സര്‍വകലാശാലകളിലേക്കും കേരള യൂണിവേഴ്‌സിറ്റിയുടെ ആഭിമുഖ്യത്തിലും പ്രവേശന മേല്‍നോട്ട സമിതിയുടെ നിയന്ത്രണത്തിലും നടത്തുന്ന പ്രവേശന പരീക്ഷക്ക് https://kmatkerala.in/ എന്ന വെബ്‌സൈറ്റ് വഴി ഓണ്‍ലൈനായി ജൂണ്‍ ഏഴുവരെ അപേക്ഷിക്കാം. 
പി.എന്‍.എക്‌സ്.1494/18

പകര്‍ച്ചവ്യാധി പ്രതിരോധ പ്രവര്‍ത്തനങ്ങള്‍ക്കായുള്ള ജില്ലയിലെ ബ്ലോക്ക്തല പരിശീലനങ്ങള്‍ക്ക് മെയ് 19 മുതല്‍ തുടക്കമാകും. സംസ്ഥാന ശുചിത്വമിഷന്റെയും ആര്‍ദ്രം മിഷന്റെയും ഹരിതകേരളം മിഷന്റേയും നേതൃത്വത്തിലാണ് പരിശീലനം. തൊടുപുഴയില്‍ 19,20 തീയതികളിലും ഇടുക്കി, അഴുത, നെടുങ്കം ബ്ലോക്കുകളില്‍ 20,21 തീയതികളിലും അടിമാലി, ഇളദേശം, കട്ടപ്പന, ദേവികുളം ബ്ലോക്കുകളില്‍ 23,24 തീയതികളിലും പരിശീനം നടക്കും. ആരോഗ്യവകുപ്പ്, ഗ്രാമപഞ്ചായത്ത് ജീവനക്കാര്‍, സാക്ഷരതാ, ശുചിത്വമിഷന്‍, കുടുംബശ്രീ തുടങ്ങിയ മേഖലകളില്‍പ്പെട്ടവരെയാണ് പരിശീലനത്തില്‍ ഉള്‍പ്പെടുത്തിയിരിക്കുന്നത്.

പൂജപ്പുര ഗവ: ആയുര്‍വേദ കോളേജ് സ്ത്രീകളുടെയും കുട്ടികളുടെയും ആശ്രുപത്രിയിലെ താത്കാലിക നിയമനങ്ങള്‍ക്കായി ഏപ്രില്‍ 27, 28 തീയതികളില്‍ വാക് ഇന്‍ ഇന്റര്‍വ്യു നടത്തും.  അപേക്ഷകര്‍ വിദ്യാഭ്യാസ യോഗ്യത, പ്രവൃത്തിപരിചയം എന്നിവയുടെ അസല്‍ സര്‍ട്ടിഫിക്കറ്റുകളും പകര്‍പ്പുകളും ബയോഡാറ്റയും സഹിതം ഹാജരാകണം. 

 സാമ്പത്തിക ബാധ്യത ഒഴിവാക്കി പരമാവധി സ്‌കൂളുകളില്‍ സ്റ്റുഡന്റ്‌സ് പോലീസ് കേഡറ്റ് പദ്ധതി നടപ്പാക്കുന്ന കാര്യം സര്‍ക്കാര്‍ ആലോചിക്കുമെന്ന് മുഖ്യമന്ത്രി പിണറായി വിജയന്‍ പറഞ്ഞു. സ്റ്റുഡന്റ്‌സ് പോലീസ് കേഡറ്റ് സംസ്ഥാനതല വാര്‍ഷിക സമ്മര്‍ ക്യാമ്പില്‍ കേഡറ്റുകളുടെ അഭിവാദ്യം സ്വീകരിച്ചു സംസാരിക്കുകയായിരുന്നു മുഖ്യമന്ത്രി.

മലപ്പുറം കോഹിനൂര്‍ - പുത്തൂര്‍ പള്ളിക്കല്‍ - കുമ്മിണിപ്പറമ്പ് -തറയിട്ടാല്‍ റോഡില്‍ ബി എം - ബിസി പ്രവൃത്തികള്‍  നടക്കുന്നതിനാല്‍  ഏപ്രില്‍ 22 മുതല്‍ ഗതാഗതം നിരോധിക്കും . ആയതിനാല്‍ കോഹിനൂരുനിന്നും കൊണ്ടോട്ടി ഭാഗത്തേക്കുള്ള വാഹനങ്ങള്‍ ദേവതിയാല്‍ -പറമ്പില്‍പീടിക വഴിയും കൊണ്ടോട്ടിയില്‍ നിന്നും കോഹിനൂര്‍ ഭാഗത്തേക്കുളള വാഹനങ്ങള്‍ കരിപ്പൂര്‍ - ആല്‍പ്പറമ്പ് - പള്ളിക്കല്‍ ബസാര്‍ വഴിയും തിരിഞ്ഞു പോകേണ്ടതാണ് .

നിലമ്പൂരിലെ തേന്‍ സംസ്‌ക്കരണ കേന്ദ്രത്തിലേക്ക് 800കി.ലൊ തേന്‍ ഖാദി ബോര്‍ഡിന്റെ സാമ്പത്തികസഹായത്തോടെ പ്രവര്‍ത്തിക്കുന്ന കര്‍ഷകര്‍ /സ്ഥാപനങ്ങള്‍ എന്നിവരില്‍ നിന്നും സംഭരിക്കുന്നു. താല്‍പര്യമുളളവര്‍ തേന്‍ സാമ്പിള്‍ ഏപ്രില്‍ 21 ന് നിലമ്പൂരിലെ തേന്‍ സെന്റില്‍ കൊണ്ടു വരേണ്ടതാണ്. തേനിന്റെ അഗ്മാര്‍ക്ക് ലബോറട്ടറി പരിശോധന റിപ്പോര്‍ട്ടിന്റെ അടിസ്ഥാനത്തിലും , ഗുണനിലവാരം , കളര്‍ , മോഴ്ച്ചര്‍ അളവ് എന്നിവയില്‍ മികവു പുലര്‍ത്തുന്ന തേന്‍ മാത്രമേ എടുക്കുകയുളളു . കൂടുതല്‍ വിവരങ്ങള്‍ക്ക് ഫോണ്‍ 0483-2734807

ജില്ലാ സാക്ഷരതാ മിഷന്റെ നേതൃത്വത്തില്‍ കേരളം സമ്പൂര്‍ണ്ണ സാക്ഷരത കൈവരിച്ചതിന്റെ പ്രഖ്യാപന വാര്‍ഷികത്തിന്റെ ജില്ലാതല ഉദ്ഘാടനം ഇന്ന് രാവിലെ 10:30ന് ജില്ലാ പഞ്ചായത്ത് ഓഡിറ്റോറിയത്തില്‍ നടക്കും. ജില്ലാ പഞ്ചായത്ത് പ്രസിഡന്റ് കൊച്ചുത്രേസ്യ പൗലോസ് ഉദ്ഘാടനം ചെയ്യും. വൈസ്പ്രസിഡന്റ് മാത്യുജോണ്‍ അദ്ധ്യക്ഷത വഹിക്കും. സാക്ഷരതാമിഷന്റെ നൂതന പദ്ധതികളായ നവചേതന, സമഗ്ര പദ്ധതികളുടെ ഉദ്ഘാടനവും ഇതിനോടൊപ്പം നിര്‍വഹിക്കപ്പെടും. ജനപ്രതിനിധികള്‍, സാക്ഷരത മിഷന്‍ പ്രേരക്മാര്‍, നവചേതന, സമഗ്രപദ്ധതികളിലെ പ്രവര്‍ത്തകര്‍ തുടങ്ങിയവര്‍ പങ്കെടുക്കും.

കേരള സംസ്ഥാന ന്യൂനപക്ഷ കമ്മീഷന്‍ സിറ്റിംഗ് വ്യാഴാഴ്ച രാവിലെ 11ന് കളക്‌ട്രേറ്റ് കോണ്‍ഫറന്‍സ് ഹാളില്‍ നടക്കും. ഇടുക്കി ജില്ലയില്‍ നിന്നുള്ള പരാതികള്‍ കമ്മീഷന്‍ പരിഗണിക്കും.

പോലീസ് പരാതി സമിതി 25 ന് കളക്ടറേറ്റില്‍ നടത്താന്‍ നിശ്ചയിച്ചിരുന്ന സിറ്റിംഗ് മെയ് 5 ലേക്ക് മാറ്റി

‍