സി-ഡിറ്റ്, സൈബര്‍ശ്രീയില്‍ ആരംഭിക്കുന്ന മെന്ററിംഗ് ആന്റ് സ്‌പെഷ്യല്‍ സപ്പോര്‍ട്ട് പ്രോഗ്രാമിലേക്ക് പട്ടികജാതി വിഭാഗത്തില്‍പ്പെട്ടവരില്‍ നിന്ന് അപേക്ഷ ക്ഷണിച്ചു. പങ്കെടുക്കുന്നവര്‍ക്ക് പ്രതിമാസം ആയിരം രൂപ സ്റ്റൈപന്റ് ലഭിക്കും. എസ്.എസ്.എല്‍.സി പാസായവര്‍ക്ക് അപേക്ഷിക്കാം. പ്ലസ് ടു, ഡിഗ്രി, എഞ്ചിനീയറിംഗ്, ഡിപ്ലോമ എന്നിവയില്‍ കോഴ്‌സ് പൂര്‍ത്തീകരിച്ചവര്‍ക്കും അപേക്ഷിക്കാം. അപേക്ഷകര്‍ 25 വയസ് കഴിയാത്തവരായിരിക്കണം. പരിശീലനം മേയില്‍ തിരുവനന്തപുരത്ത് ആരംഭിക്കും.

    അന്താരാഷ്ട്ര ജൈവവൈവിധ്യ ദിനാഘോഷങ്ങളുടെ ഭാഗമായി സംസ്ഥാന ജൈവവൈവിധ്യ ബോര്‍ഡ് ജൈവവൈവിധ്യ സംബന്ധമായ വിഷയങ്ങളില്‍ ഡിജിറ്റല്‍ ഫോട്ടോഗ്രഫി മത്സരം സംഘടിപ്പിക്കും. ഗ്രീന്‍ ഇമേജസ് 2018 എന്ന പേരില്‍ അമച്വര്‍, പ്രൊഫഷണല്‍  വിഭാഗങ്ങളില്‍ നടത്തുന്ന മത്സരങ്ങള്‍ക്ക് മെയ് അഞ്ച് വരെ അപേക്ഷിക്കാം.  ഇ-മെയില്‍ വിലാസം: greenimages2018@gmail.com. അപേക്ഷാഫോമും വിശദവിവരങ്ങളും www.keralabiodiversity.org യില്‍ ലഭിക്കും. ഫോണ്‍: 0471-2554740.
പി.എന്‍.എക്‌സ്.1462/18

    പരിസ്ഥിതി ദിനമായ ജൂണ്‍ അഞ്ചിന് വിദ്യാലയങ്ങളിലും വിദ്യാര്‍ത്ഥികളുടെ വീടുകളിലും നടുന്നതിന് പൊതുവിദ്യാഭ്യാസ വകുപ്പിന് കീഴില്‍ സ്‌കൗട്ട്‌സ് ആന്റ് ഗൈഡ്‌സ്, സ്റ്റുഡന്റ് പോലീസ് കേഡറ്റ് (എസ്.പി.സി), ജൂനിയര്‍ റെഡ്‌ക്രോസ് (ജെ.ആര്‍.സി) വോളണ്ടിയര്‍മാരുടെ സഹകരണത്തോടെ 60 ലക്ഷം ഫല വൃക്ഷത്തൈകള്‍ ഉത്പാദിപ്പിക്കും.  ഇതു സംബന്ധിച്ചു ആലോചനാ യോഗം പൊതുവിദ്യാഭ്യാസ അഡീഷണല്‍ ഡയറക്ടറുടെ (ജനറല്‍) അധ്യക്ഷതയില്‍ നടന്നു.  സ്‌കൗട്ട്‌സ് ആന്റ് ഗൈഡ്‌സ് 40 ലക്ഷവും സ്റ്റുഡന്റ് പോലീസ് കേഡറ്റ്‌സ് 12 ലക്ഷവും ജൂനിയര്‍ റെഡ്‌ക്രോസ് എട്ട് ലക്ഷവും തൈകള്‍ തയ്യാറാക്കും.  ഫലവൃക്ഷത്തൈകള്‍ തയ്യാറാക്കുന്നതിനുള്ള വിത്ത് പാകല്‍ ഉദ്ഘാടന

    സംസ്ഥാനത്തിന്റെ വികസന പ്രവര്‍ത്തനങ്ങളുടെ ധനശേഖരണത്തിന്റെ ഭാഗമായി 1000 കോടി രൂപ കടപ്പത്രം വഴി സമാഹരിക്കുന്നു. ഇതിനായുളള ലേലം ഏപ്രില്‍ 24 ന് മുംബൈ ഫോര്‍ട്ടിലുളള റിസര്‍വ് ബാങ്കില്‍ നടക്കും. ഇ-കുബേര്‍ സിസ്റ്റത്തിലൂടെയാണ് ഇടപാടുകള്‍. ലേലം സംബന്ധിച്ച വിശദാംശം സംസ്ഥാന ധനവകുപ്പിന്റെ വെബ്സൈറ്റായ www.finance.kerala.gov.in ല്‍ ലഭിക്കും. (വിജ്ഞാപന നമ്പര്‍ എസ്.എസ്.1/176/2018 ധനവകുപ്പ് തീയതി 20.04.2018).
പി.എന്‍.എക്‌സ്.1459/18

    ജില്ലകളില്‍ സാംസ്‌കാരിക സമുച്ചയം  എന്ന സര്‍ക്കാര്‍ പദ്ധതിയുടെ ഭാഗമായി  സാംസ്‌കാരിക വകുപ്പ് മടിക്കൈയില്‍ സ്ഥാപിക്കുന്ന  സാംസ്‌കാരിക സമുച്ചയം സംബന്ധിച്ച് കലാസാംസ്‌കാരിക പ്രവര്‍ത്തകരുടെ  സംഗമം ഇന്ന്് (21) രാവിലെ 10 മണിക്ക്  കാഞ്ഞങ്ങാട് ബേക്കല്‍ ഇന്റര്‍നാഷണലിലെ നാലുകെട്ട് ഹാളില്‍ ചേരും. സമുച്ചയത്തിലെ സൗകര്യങ്ങള്‍, വാസ്തുശില്പശൈലി തുടങ്ങിയവ സംഗമത്തില്‍ ചര്‍ച്ച ചെയ്യുമെന്നതിനാല്‍  ബന്ധപ്പെട്ടവരുടെ  സജീവപങ്കാളിത്തം  ഉണ്ടാകണമെന്ന് സാംസ്‌കാരികക്ഷേമനിധി ബോര്‍ഡ് അംഗം രവീന്ദ്രന്‍ കൊടക്കാട് അറിയിച്ചു.
 

കേരള കൗമുദി ചീഫ് എഡിറ്റര്‍ എം.എസ് രവിയുടെ അകാല വിയോഗത്തില്‍ മന്ത്രി കടകംപള്ളി സുരേന്ദ്രന്‍ അനുശോചിച്ചു. ചരിത്ര പാരമ്പര്യമുള്ള മാധ്യമസ്ഥാപനത്തിന്റെ മേധാവി എന്നതിനൊപ്പം സാമൂഹിക-സാംസ്‌കാരിക രംഗത്തും സജീവമായിരുന്നു  എം.എസ് രവിയെന്ന് മന്ത്രി അനുസ്മരിച്ചു. വ്യക്തിപരമായും കുടുംബപരമായും ഏറെ അടുപ്പമുണ്ടായിരുന്ന സുഹൃത്തിനെയാണ് നഷ്ടമായതെന്നും, കേരള കൗമുദി കുടുംബത്തിന്റെ ദു:ഖത്തില്‍ പങ്ക് ചേരുന്നുവെന്നും മന്ത്രി അനുശോചന സന്ദേശത്തില്‍ പറഞ്ഞു.  ആകസ്മികമായ ഈ വിയോഗം മാധ്യമരംഗത്തിന് മാത്രമല്ല സാമൂഹിക -സാംസ്‌കാരിക മേഖലയ്ക്കാകെ നഷ്ടമാണെന്നും മന്ത്രി കടകംപള്ളി സുരേന്ദ്രന്‍ പറഞ്ഞു.

  കേരള കൗമുദി പത്രാധിപര്‍ എം.എസ്. രവിയുടെ നിര്യാണത്തില്‍ പട്ടികജാതി പട്ടികവര്‍ഗ പിന്നാക്കക്ഷേമ സാംസ്‌കാരിക വകുപ്പ് മന്ത്രി എ.കെ. ബാലന്‍ അനുശോചിച്ചു.  കൗമുദി പത്രാധിപരുടെ പത്രപ്രവര്‍ത്തന പാരമ്പര്യം ഉയര്‍ത്തിപ്പിടിച്ച പത്രാധിപരും സാമൂഹ്യ സാംസ്‌കാരിക രംഗത്തെ നിറസാന്നിധ്യവുമായിരുന്നു എം.എസ്. രവി.  അദ്ദേഹത്തിന്റെ വേര്‍പാടില്‍ കേരള കൗമുദിക്കും കുടുംബത്തിനുമുണ്ടായ ദു:ഖത്തില്‍ പങ്കുചേരുന്നതായി അനുശോചന സന്ദേശത്തില്‍ മന്ത്രി പറഞ്ഞു.
പി.എന്‍.എക്‌സ്.1457/18

  കേരള കൗമുദി ചീഫ് എഡിറ്റര്‍ എം.എസ്. രവിയുടെ ദേഹവിയോഗത്തില്‍ ഗതാഗത വകുപ്പ് മന്ത്രി എ.കെ. ശശീന്ദ്രന്‍ അനുശോചനം രേഖപ്പെടുത്തി.  കേരളത്തിലെ പത്രപ്രവര്‍ത്തന രംഗത്ത് എം.എസ്.രവിയുടെ നിസ്തുല സേവനങ്ങള്‍ എന്നും സ്മരിക്കപ്പെടുമെന്നും മന്ത്രി അനുശോചന സന്ദേശത്തില്‍ അറിയിച്ചു.
പി.എന്‍.എക്‌സ്.1456/18

കേരള കൗമുദി ചീഫ് എഡിറ്റര്‍ എം.എസ്. രവിയുടെ സംസ്‌കാരം ഔദ്യോഗിക ബഹുമതികളോടെ നടക്കുമെന്ന് സ്റ്റേറ്റ് പ്രോട്ടോക്കോള്‍ ഓഫീസര്‍ അറിയിച്ചു.
പി.എന്‍.എക്‌സ്.1461/18