ജില്ലയിലെ പെരിയ ജവഹര്‍ നവോദയ വിദ്യാലയത്തില്‍ 2018-19 അധ്യയനവര്‍ഷത്തില്‍ ആറാം ക്ലാസിലേക്ക് നടത്തുന്ന പ്രവേശന പരീക്ഷ നാളെ (ഏപ്രില്‍ 21) നടക്കും. ഉദുമ ജി.എച്ച്.എസ്.എസ്,  ഹോസ്ദുര്‍ഗ് ജി.എച്ച്.എസ്.എസ്, കാസര്‍കോട് ജി.എച്ച്.എസ്.എസ്, കാസര്‍കോട് ബി.ഇ.എം.എച്ച്.എസ്്, മംഗല്‍പാടി ജി.എച്ച്.എസ്.എസ്, മുള്ളേരിയ ജി.എച്ച്.എസ്.എസ്, പിലിക്കോട് ജി.എച്ച്.എസ്.എസ്, നീലേശ്വരം ആര്‍.എച്ച്.എസ്.എസ്, പരപ്പ ജി.എച്ച്.എസ്.എസ്, തോമാപുരം സെന്റ് തോമസ് എച്ച്.എസ്  എന്നീ കേന്ദ്രങ്ങളിലാണ് പ്രവേശന പരീക്ഷ നടക്കുന്നത്.  ഇതുവരെയും അഡ്മിറ്റ്  കാര്‍ഡ് ലഭിക്കാത്തവര്‍ നവോദയ വിദ്യാലയവുമായി ബന്ധപ്പെടുക. ഫോണ്‍ 0467 2234057.
 

    വെളളരിക്കുണ്ട് താലൂക്ക് തായന്നൂര്‍ വില്ലേജില്‍ റി. സ. നം.243/1ബി2ല്‍പെട്ട 2.7885 ഹെക്ടര്‍ മിച്ചഭൂമി നിലവിലെ കൈവശക്കാര്‍ക്ക് മുന്‍ഗണന നല്‍കി പതിച്ചു നല്‍കും. അപേക്ഷകള്‍ നിശ്ചിതഫോറത്തില്‍ (ഫോറം നമ്പര്‍ 17) സമര്‍പ്പിക്കണം.  അപേക്ഷയില്‍ ജില്ലാകളക്ടറുടെ വിജ്ഞാപന നമ്പര്‍ എച്ച് 6/72595/2017, വിജ്ഞാപന തീയതി 13.04.2018 എന്നിവ ചേര്‍ക്കണം.  കോര്‍ട്ട് ഫീ സ്റ്റാമ്പ് പതിക്കേണ്ടതില്ല. അപേക്ഷ ലഭിക്കേണ്ട അവസാന തീയതി ഈ മാസം 24.
 

സംസ്ഥാനവനിതാ കമ്മീഷന്‍ അദാലത്ത് ഇന്ന് (ഏപ്രില്‍ 20) രാവിലെ 10ന് ജില്ലാ പഞ്ചായത്ത് ഹാളില്‍ ചേരും. കമ്മീഷന്‍ മുമ്പാകെ പൊതുജനങ്ങള്‍ക്ക് പരാതി നല്‍കാം. 

    ഉപരാഷ്ട്രപതി എം വെങ്കയ്യനായിഡു ഈ മാസം  29 ന് കാസര്‍കോടെത്തും. രാവിലെ 10.20 ന് മംഗലാപുരത്ത് എത്തുന്ന ഉപരാഷ്ട്രപതി ഹെലികോപ്റ്റര്‍ മാര്‍ഗം പെരിയ കേന്ദ്രസര്‍വ്വകലാശാല ഹെലിപാഡിലെത്തി 11 മണിക്ക് സര്‍വ്വകലാശാലയിലെ  പുതിയ കാമ്പസ് ഉദ്ഘാടനം ചെയ്യും. 12.30 ന് അദ്ദേഹം തിരികെ  മംഗലാപുരത്തേക്ക് പോകും. 

ലക്ഷദ്വീപ് മേഖലയിലും ബംഗാള്‍ ഉള്‍ക്കടലിലും ശക്തമായ തിരമാലകള്‍ ഉയരാന്‍ സാധ്യതയുള്ളതിനാല്‍ കേരളത്തിലും ബംഗാളിലും തീരമേഖലയില്‍ താമസിക്കുന്നവര്‍ ജാഗ്രത പുലര്‍ത്തണമെന്ന് ഇന്ത്യന്‍ നാഷണല്‍ സെന്റര്‍ ഫോര്‍ ഓഷ്യന്‍ ഇന്‍ഫര്‍മേഷന്‍ സര്‍വീസസ് അറിയിച്ചു.  ഏപ്രില്‍ 21, 22 തീയതികളിലാണ് ശക്തമായ തിരമാലയ്ക്ക് സാധ്യത.  തീരത്ത് ജലസംബന്ധ വിനോദങ്ങളില്‍ നിന്ന് ഈ ദിവസങ്ങളില്‍ വിട്ടുനില്‍ക്കണമെന്നും മുന്നറിയിപ്പുണ്ട്.  വിശദവിവരം www.incois.gov.in/portal/osf/osf.jsp യില്‍ ലഭ്യമാണ്.  
പി.എന്‍.എക്‌സ്.1446/18

കേരള സംസ്ഥാന മലിനീകരണ നിയന്ത്രണ ബോര്‍ഡിന്റെ സ്ഥാപനാനുമതി/പ്രവര്‍ത്തനാനുമതി എന്നിവ കരസ്ഥമാക്കിയിട്ടുള്ള വ്യവസായ സ്ഥാപനങ്ങള്‍ക്ക് kroxmms.nic.in ല്‍ ഓട്ടോ റിന്യൂവല്‍ സംവിധാനം ഏര്‍പ്പെടുത്തി.  സ്ഥാപനാനുമതി/പ്രവര്‍ത്തനാനുമതി പത്രത്തില്‍ ബോര്‍ഡ് നിഷ്‌കര്‍ഷിച്ചിട്ടുള്ള വ്യവസ്ഥകള്‍ പാലിക്കുന്നതും, പരാതികള്‍/കോടതി വ്യവഹാരങ്ങള്‍, തുടങ്ങിയവ നിലവില്‍ ഇല്ലാത്തതുമായ വ്യവസായ സ്ഥാപനങ്ങള്‍ക്ക് ഓട്ടോ റിന്യൂവല്‍ മുഖേന അനുമതി പത്രം പുതുക്കുന്നതിനുള്ള അപേക്ഷ സമര്‍പ്പിക്കാം.  കൂടുതല്‍ വിവരങ്ങള്‍ക്ക് krocmms.nic.in സന്ദര്‍ശിക്കുക.

  കഴിഞ്ഞ സാമ്പത്തിക വര്‍ഷാവസാനം സാമ്പത്തിക ക്രമീകരണങ്ങളുടെ ഭാഗമായി ട്രഷറി ക്യൂവില്‍ ഉള്‍പ്പെടുത്തിയിട്ടുള്ള എല്ലാ ബില്ലുകളും പാസ്സാക്കി നല്‍കും.  ഇതനുസരിച്ച് ക്യൂവില്‍ ബില്ലുകള്‍ മാറ്റപ്പെട്ടിട്ടുള്ള എല്ലാ ഡി.ഡി.ഒ മാരും അതത് ട്രഷറി ഓഫീസര്‍മാരുമായി ബന്ധപ്പെടണം.  ഇത്തരം ബില്ലുകള്‍ മാറി നല്‍കുന്നതിന്  ട്രഷറി ഓഫീസര്‍മാര്‍ക്ക്  ട്രഷറി ഡയറക്ടര്‍ നിര്‍ദേശം നല്‍കിയിട്ടുണ്ട്.  കൂടാതെ ക്യൂവിലുള്ള ബില്ലുകളില്‍ ലൈഫ് മിഷനുമായി ബന്ധപ്പെട്ട ബില്ലുകള്‍ മുന്‍ഗണനാക്രമത്തില്‍ പാസ്സാക്കി നല്‍കണമെന്ന് പ്രത്യേകമായി എല്ലാ ട്രഷറി ഓഫീസര്‍മാരോടും നിഷ്‌കര്‍ഷിച്ചിട്ടുണ്ട്.
പി.എന്‍.എക്‌സ്.1444/18