ജില്ലാ വികസന സമിതി യോഗം ഏപ്രില്‍ 28 രാവിലെ 11ന് കളക്‌ട്രേറ്റ് കോണ്‍ഫറന്‍സ് ഹാളില്‍ നടക്കും. 

ജില്ലയില്‍ ഗ്രീന്‍പ്രോട്ടോകോള്‍ കര്‍ശനമായി നടപ്പാക്കുന്നതിന് എല്ലാ സര്‍ക്കാര്‍ സ്ഥാപനങ്ങളിലും നിയോഗിച്ചിട്ടുളള നോഡല്‍ ഓഫീസര്‍മാര്‍ക്ക് ഇന്നും നാളെയും (ഏപ്രില്‍ 19, 20) പരിശീലനം.  ഇന്ന് കോട്ടയം ജില്ലാ പഞ്ചായത്ത് ഹാളിലും  നാളെ ചൈതന്യ ട്രെയിനിംഗ് സെന്ററിലും നടക്കും.

 കേരളത്തിന്റെ ആഭ്യന്തര മത്സ്യ ഉത്പാദനം വര്‍ധിപ്പിക്കുന്നതിനും കൂടു മത്സ്യകൃഷി വ്യാപകമാക്കുന്നതിനും തെലങ്കാന ഫിഷറീസ് വകുപ്പിന്റെ സാങ്കേതിക സഹായം ലഭിക്കുമെന്ന് ഫിഷറീസ്‌വകുപ്പ് മന്ത്രി ജെ.മേഴ്‌സിക്കുട്ടിഅമ്മ അറിയിച്ചു. 
    ആഭ്യന്തര മത്സ്യ ഉത്പാദനത്തിനും, ഉത്പാദനക്ഷമതയ്ക്കും മത്സ്യക്കുഞ്ഞുങ്ങളുടെ ഉത്പ്പാദനത്തിനും, കൂടു മത്സ്യകൃഷിക്കും ഇന്ത്യയില്‍ മുന്നില്‍ നില്‍ക്കുന്ന തെലങ്കാനയില്‍ നിന്ന് ആവശ്യമായ സാങ്കേതികവിദ്യ ലഭ്യമാക്കുന്നതിനുള്ള ചര്‍ച്ച തെലങ്കാന ഫിഷറീസ് വകുപ്പ് മന്ത്രി തലസാനി ശ്രീനിവാസ് യാദവുമായി ഹൈദരാബാദില്‍ ചര്‍ച്ച നടത്തുകയായിരുന്നു മന്ത്രി.  

കേരള വനിതാ കമ്മീഷനില്‍ അന്യത്ര സേവന വ്യവസ്ഥയില്‍ പബ്‌ളിക് റിലേഷന്‍സ് ഓഫീസറായിരുന്ന സുനില്‍ ഹസനെ ഇന്‍ഫര്‍മേഷന്‍ പബ്‌ളിക് റിലേഷന്‍സ് വകുപ്പിന്റെ സര്‍ക്കുലേഷന്‍ ഡിസ്ട്രിബ്യഷന്‍ വിഭാഗം ഇന്‍ഫര്‍മേഷന്‍ ഓഫീസറായും ഇവിടെ പ്രവര്‍ത്തിച്ചിരുന്ന കെ. ദീപയെ വനിതാ കമ്മീഷനിലും കേരള മീഡിയ അക്കാഡമിയില്‍ അസിസ്റ്റന്റ് സെക്രട്ടറിയായിരുന്ന  എം. മധുസൂദനനെ കോഴിക്കോട് ജില്ലാ ഇന്‍ഫര്‍മേഷന്‍ ഓഫീസറായും ഇവിടെ പ്രവര്‍ത്തിച്ചിരുന്ന കെ. ടി. ശേഖരനെ മീഡിയാ അക്കാഡമിയിലും നിയമിച്ച് ഉത്തരവായി.
പി.എന്‍.എക്‌സ്.1436/18

സംസ്ഥാന ഭവന നിര്‍മ്മാണ ബോര്‍ഡില്‍ ഡെപ്യൂട്ടേഷന്‍ / കരാര്‍ അടിസ്ഥാനത്തില്‍ ചീഫ് എഞ്ചിനീയറെ നിയമിക്കുന്നതിന് പുതുക്കിയ മാനദ
ണ്ഡങ്ങള്‍ ഉള്‍പ്പെടുത്തി അപേക്ഷ ക്ഷണിച്ചു.  വിശദവിവരങ്ങള്‍ www.kshb.kerala.gov.inല്‍ ലഭിക്കും.
പി.എന്‍.എക്‌സ്.1435/18

സാങ്കേതിക പരീക്ഷാ കണ്‍ട്രോളറുടെ www.tekerala.org എന്ന വെബ്‌സൈറ്റിലെ വിവരസുരക്ഷ സംബന്ധിച്ച് ആശങ്കപ്പെടേണ്ടതില്ലെന്ന് ജോയിന്റ് കണ്‍ട്രോളര്‍ അറിയിച്ചു.