കേരളകൗമുദി ചീഫ് എഡിറ്റര്‍ എം എസ് രവിയുടെ അകാലവിയോഗത്തില്‍  മുഖ്യമന്ത്രി പിണറായി വിജയന്‍ അനുശോചനം രേഖപ്പെടുത്തി. കൗമുദി പത്രാധിപന്മാരുടെ പരമ്പരയിലെ കരുത്തുറ്റ കണ്ണിയായിരുന്നു അദ്ദേഹം. മലയാള പത്രപ്രവര്‍ത്തന രംഗത്ത് വലിയ സംഭാവനകള്‍ നല്‍കിയ എം.എസ് രവിയെ തേടി ഒട്ടേറെ അംഗീകാരങ്ങളും വന്നു.   സാമൂഹ്യ സാംസ്‌കാരിക രംഗങ്ങളിലും സജീവ സാന്നിധ്യമായിരുന്നു. കുടുംബാംഗങ്ങളോടൊപ്പം ദുഃഖം പങ്കിടുന്നതായി മുഖ്യമന്ത്രി അനുശോചന സന്ദേശത്തില്‍ പറഞ്ഞു.
പി.എന്‍.എക്‌സ്.1455/18

ഡോക്ടര്‍മാര്‍ മരുന്നു കുറിക്കുമ്പോള്‍ ജനറിക് നാമം എഴുതണമെന്നും കുറിപ്പടികള്‍ എഴുതുമ്പോള്‍ കഴിയുന്നതും ഇംഗ്ലീഷിലെ ക്യാപിറ്റല്‍ അക്ഷരങ്ങള്‍ ഉപയോഗിക്കേണ്ടതാണെന്നും ട്രാവന്‍കൂര്‍ കൊച്ചിന്‍ മെഡിക്കല്‍ കൗണ്‍സില്‍ അറിയിച്ചു. 
പി.എന്‍.എക്‌സ്.1454/18

 കോഴിക്കോട് ഫോറസ്റ്റ് ട്രൈബ്യൂണല്‍ മേയ് 10, 11 തീയതികളില്‍ പാലക്കാട് ക്യാമ്പ് സിറ്റിംഗ് നടത്തും.
പി.എന്‍.എക്‌സ്.1453/18

പൂജപ്പുര ഗവ. ആയുര്‍വേദ കോളേജ് സ്ത്രീകളുടെയും കുട്ടികളുടെയും ആശുപത്രിയില്‍ താത്കാലികാടിസ്ഥാനത്തില്‍ സ്റ്റാഫ് നഴ്‌സ്, ഫാര്‍മസിസ്റ്റ് (അലോപതി), ലാബ്‌ടെക്‌നീഷ്യന്‍, ഓപ്പറേഷന്‍ തിയേറ്റര്‍ ടെക്‌നീഷ്യന്‍, സി.എസ്.ആര്‍ ടെക്‌നീഷ്യന്‍, അനസ്തിയസ്റ്റ്, നഴ്‌സിംഗ് അസിസ്റ്റന്റ്, വാര്‍ഡ് ഹെല്‍പ്പര്‍, സാനിറ്റേഷന്‍ വര്‍ക്കര്‍, പാര്‍ട്ട് ടൈം സ്വീപ്പര്‍ തസ്തികകളില്‍ നിയമനം നടത്തും.  27, 28 തീയതികളില്‍ വാക് ഇന്‍ ഇന്റര്‍വ്യൂ നടത്തും.  വിശദവിവരങ്ങള്‍ക്ക് 0471 2460190.
പി.എന്‍.എക്‌സ്.1452/18

സംസ്ഥാന ന്യൂനപക്ഷക്ഷേമ വകുപ്പിന്റെ കീഴില്‍ ന്യൂനപക്ഷ മുസ്ലീം യുവതി യുവാക്കള്‍ക്കായി സംസ്ഥാനത്തുടനീളം നടത്താനുദ്ദേശിക്കുന്ന പ്രീമാരിറ്റല്‍ കൗണ്‍സലിംഗ് കോഴ്‌സുകള്‍ക്ക് നടത്തിപ്പു കേന്ദ്രങ്ങള്‍ (പ്രീമാരിറ്റല്‍ കൗണ്‍സലിംഗ് സെന്റര്‍) എംപാനല്‍ ചെയ്യുന്നതിനു അപേക്ഷ ക്ഷണിച്ചു.  വകുപ്പിന് കീഴിലുള്ള ന്യൂനപക്ഷ യുവജനതയ്ക്കായുളള പരിശീലന കേന്ദ്രങ്ങള്‍ക്കും, യൂണിവേഴ്‌സിറ്റികള്‍, സര്‍ക്കാര്‍/എയ്ഡഡ്/അഫിലിയേറ്റഡ് കോളേജുകള്‍, അംഗീകൃത മഹല്ലുകള്‍, ജമാഅത്തുകള്‍, അംഗീകൃത എന്‍.ജി.ഒകള്‍ എന്നിവര്‍ക്ക് സെന്ററിനായി നിശ്ചിത ഫോറത്തില്‍ അപേക്ഷിക്കാം.  നാലു ദിവസം നീളുന്ന 24 മണിക്കൂര്‍ (4 X 3 X 2) ക്ലാസാണ് ഒരു ബാച്ചിനു നല്

 സംസ്ഥാന ഭവനനിര്‍മ്മാണ ബോര്‍ഡില്‍ ഡെപ്യൂട്ടേഷന്‍/കരാര്‍ അടിസ്ഥാനത്തില്‍ ചീഫ് എന്‍ജിനീയറെ നിയമിക്കുന്നതിന് പുതുക്കിയ മാനദണ്ഡങ്ങള്‍ ഉള്‍പ്പെടുത്തി അപേക്ഷ ക്ഷണിച്ചു. വെബ്‌സൈറ്റ് www.kshb.kerala.gov.in
പി.എന്‍.എക്‌സ്.1450/18

കൊച്ചി: സ്ഥാപനവളപ്പില്‍ ജൈവകൃഷിയിലൂടെ നൂറുമേനി വിളവെടുത്ത് മാതൃകയായിരിക്കുകയാണ് ആലുവ ഫോറസ്റ്റ് ഇന്‍ഡസ്ട്രീസ്  ട്രാവന്‍കൂറിലെ ജീവനക്കാര്‍.  ഓഫീസിനു ചുറ്റും കാടുകയറി കിടന്ന ഏകദേശം നാലേക്കറോളം വരുന്ന സ്ഥലത്ത്  കഠിനാദ്ധ്വാനത്തിലൂടെ അവര്‍ നേടിയെടുത്തത് നൂറു ശതമാനം ശുദ്ധവും വിഷരഹിതവുമായ പച്ചക്കറികള്‍. വഴുതന, വെണ്ടക്ക, തക്കാളി, പച്ചമുളക്, പടവലം, പാവക്ക, പയര്‍, എള്ള്, വാഴ, ചേന, ചേമ്പ്, പീച്ചില്‍ മുതലായ എല്ലാ നാടന്‍ പച്ചക്കറികളും ഇവിടെ കൃഷി ചെയ്യുന്നു. പഴങ്ങളില്‍ പപ്പായയും ഇവയുടെ കൂട്ടത്തിലുണ്ട്. 

കൊച്ചി: പരമ്പരാഗത മത്സ്യബന്ധനത്തില്‍ ഏര്‍പ്പെട്ടും ,പ്രകൃതിഭംഗി ആവോളം ആസ്വദിച്ചും കടമക്കുടിയിലെ കെട്ടുകലക്ക് മഹോത്സവത്തില്‍ പങ്കുചേരാം. കടമക്കുടി പഞ്ചായത്തും കോരാമ്പാടം സര്‍വ്വീസ് സഹകരണ ബാങ്കും സംയുക്തമായി സംഘടിപ്പിക്കുന്ന മഹോത്സവത്തിന് ഇന്നലെ (ഏപ്രില്‍ 20-ന്) തുടക്കമായി. മൂന്നുദിവസം നീണ്ടു നില്‍ക്കുന്ന കെട്ടുകലക്ക് 22-ന് അവസാനിക്കും. ചെമ്മീന്‍ കെട്ടുകളിലെ മീന്‍ പരമ്പരാഗത രീതിയില്‍ പിടിക്കുന്നതാണ് കെട്ടുകലക്ക്. വൈകിട്ട് നാലു മുതലാണ് മഹോത്സവം ആരംഭിക്കുന്നത്. 

കൊച്ചി: മഹാത്മാഗാന്ധി ദേശീയ തൊഴിലുറപ്പു പദ്ധതിയില്‍ കൂടുതല്‍ തൊഴില്‍ ദിനങ്ങള്‍ നല്‍കി എറണാകുളം ജില്ല മികച്ച നേട്ടം കൈവരിച്ചു. അംഗീകൃത ലേബര്‍ബഡ്ജറ്റിന്റെ 116 ശതമാനം നേട്ടമാണ് ജില്ല നേടിയത്. 35,09,052 തൊഴില്‍ദിനങ്ങളാണ് നല്‍കിയത്. ഇതില്‍ 92 ശതമാനം വനിതാ പ്രാതിനിധ്യം ഉറപ്പുവരുത്തുകയും ചെയ്തു.

7666കുടുംബങ്ങള്‍ക്ക് 100 ദിവസവും 598കുടുംബങ്ങള്‍ക്ക് 150 ദിവസവും  7 കുടുംബങ്ങള്‍ക്ക് 150 നും 200 നും ഇടയില്‍ തൊഴില്‍ നല്‍കിയിട്ടുണ്ട്.

ഓഫീസ് മാനേജ്‌മെന്റ് ട്രെയിനിമാരെ തിരഞ്ഞെടുക്കുന്നു

കൊച്ചി: പട്ടികവര്‍ഗ വികസന വകുപ്പിനു കീഴില്‍ മൂവാറ്റുപുഴ പട്ടികവര്‍ഗ വികസന ഓഫീസ്, ആലുവ, ഇടമലയാര്‍ ട്രൈബല്‍ എക്സ്റ്റന്‍ഷന്‍ ഓഫീസ് എന്നിവിടങ്ങളില്‍  ഓഫീസ് മാനേജ്‌മെന്റ് ട്രെയിനിമാരെ തെരഞ്ഞെടുക്കുന്നതിനായി എറണാകുളം ജില്ലയിലെ സ്ഥിര താമസക്കാര പട്ടികവര്‍ഗ വിഭാഗത്തില്‍ പെട്ട യുവതീ-യുവാക്കളില്‍ നിന്നും അപേക്ഷ ക്ഷണിച്ചു.