കൊച്ചി:  എറണാകുളത്തെ എയര്‍ഹോണ്‍ വിമുക്ത ജില്ലയായി ഗതാഗതമന്ത്രി എ.കെ. ശശീന്ദ്രന്‍ പ്രഖ്യാപിക്കും.  ഏപ്രില്‍ 23നു സെന്റ്  പോള്‍ കളമശ്ശേരി കോളേജ് ആഡിറ്റോറിയത്തില്‍ 29-ാമത് സംസ്ഥാനതല റോഡ് സുരക്ഷാവാരാചരണ ഉദ്ഘാടനത്തോടൊപ്പമായിരിക്കും പ്രഖ്യാപനച്ചടങ്ങ്.  ഇന്ത്യന്‍ മെഡിക്കല്‍ അസ്സോസിയേഷന്റെ  'നോ ഹോണ്‍ സ്റ്റിക്കറിന്റെ' പ്രകാശനവും മന്ത്രി നിര്‍വഹിക്കും. 

കൊച്ചി: 'ഞങ്ങള്‍ക്കു വിഷം വേണ്ട. പൊന്നുവിളയുന്ന മണ്ണുണ്ട് ഇവിടെ. ആരോഗ്യവും പണിയെടുക്കാനുള്ള മനസും. ഒരു വിഷത്തുള്ളി പോലും ഭൂമിയില്‍ വീഴ്ത്തില്ല. മക്കള്‍ക്കായി കാത്തു വെയ്ക്കും ശുദ്ധമായ മണ്ണും വെള്ളവും വായുവും'. ഇതൊരു ശപഥമാണ്. ഒരു വ്യക്തിയുടേതല്ല. ഒരു ജനതയുടെയാകെ. ഒരാളില്‍ നിന്ന് മറ്റൊരാളിലേക്ക് പറയാതെ പറഞ്ഞു പ്രസരിച്ച ലഹരി. ഒരു നാടാകെ നെഞ്ചേറ്റിയ മന്ത്രം. 

    സാമൂഹ്യ നീതി വകുപ്പിന്റെ ആഭിമുഖ്യത്തില്‍ ഭിന്ന ശേഷിക്കാരുടെ വിവര ശേഖരണത്തിന്റെ ജില്ലാതല ഉദ്ഘാടനം ജില്ലാ കളക്ടര്‍ അമിത് മീണ മലപ്പുറം കോട്ടക്കുന്നിലെ ജസ്ഫറില്‍ നിന്നും വിവരം ശേഖരിച്ച് ഉദ്ഘാടനം ചെയ്തു.

കൈരളി ഹാന്റിക്രാഫ്റ്റ്‌സിന്റെ ഷോറൂമില്‍

കരകൗശല ഉല്പന്നങ്ങളുടെ പ്രദര്‍ശന ഉദ്ഘാടനം

ഡിടിപിസിയുടെ പാക്കേജ് ടൂര്‍

തെരഞ്ഞെടുക്കപ്പെട്ട 100 പട്ടികവര്‍ഗ്ഗ കോളനികളില്‍ സമഗ്ര എന്ന പേരിലും 100 പട്ടികജാതി കോളനികളില്‍  നവചേതന എന്ന പേരിലും പരിപൂര്‍ണ്ണ സാക്ഷരതാ പദ്ധതിയും തുടര്‍വിദ്യാഭ്യാസ പ്രവര്‍ത്തനങ്ങളും സംസ്ഥാന സാക്ഷരതാ മിഷന്‍ ആവിഷ്‌കരിച്ച് നടപ്പിലാക്കുന്നതിന്റെ ഭാഗമായി ജില്ലയിലെ പഠനക്ലാസുകളുടെ ഉദ്ഘാടനം ഇന്ന് (ഏപ്രില്‍ 18) രാവിലെ 11.30ന് ചുങ്കത്തറ പഞ്ചായത്തിലെ പള്ളിക്കുത്ത്‌മേലെ  കോളനിയില്‍ ജില്ലാ പഞ്ചായത്ത് പ്രസിഡന്റ് എ.പി.ഉണ്ണികൃഷ്ണന്‍ നിര്‍വ്വഹിക്കും. ഗ്രാമപഞ്ചായത്ത് പ്രസിഡന്റ് കെ.സ്വപ്ന അധ്യക്ഷത വഹിക്കും.

പെരിന്തല്‍മണ്ണ മുന്‍സീഫ് കോടതിയില്‍ സര്‍ക്കാര്‍ കേസ്സുകള്‍ കൈകാര്യം ചെയ്യുന്ന സര്‍ക്കാര്‍ അഭിഭാഷകന്റെ (ഒന്ന്) നിയമനത്തിന് പരിഗണിക്കുന്നതിനായി ഏഴ് വര്‍ഷത്തില്‍ കുറയാതെ അഭിഭാഷകരായി ജോലി ചെയ്തിട്ടുള്ളതും നിശ്ചിത യോഗ്യതയുള്ളവരുമായ അഭിഭാഷകരില്‍ നിന്നും അപേക്ഷ ക്ഷണിച്ചു.  അപേക്ഷ ഏപ്രില്‍ 27ന് വൈകീട്ട് അഞ്ചിനകം ജില്ലാ കലക്ടര്‍ക്ക് ലഭിക്കണം.

ജല ദുരുപയോഗവും അമിത ചൂഷണവും ഇല്ലാതാക്കി ജല ക്ഷാമം പരിഹരിക്കാന്‍ പുതിയ പദ്ധതിയുമായി ഹരിത കേരളം മിഷന്‍. ജല സമൃദ്ധിയുടെ ആഭിമുഖ്യത്തില്‍ ജില്ലയിലെ എല്ലാ വാര്‍ഡുകളിലും ജല പാര്‍ലമെന്റ് നടത്തും. വാര്‍ഡുകളിലെ ജല സംരക്ഷണവുമായി ബന്ധപ്പെട്ട കാര്യങ്ങള്‍ ചര്‍ച്ച ചെയ്യുന്നതിന് വാര്‍ഡ് മെമ്പറുടെ നേതൃത്വത്തില്‍ സായാഹ്ന കൂട്ടായ്മ നടത്തും. നിലവിലുള്ള ജല സ്രോതസുകള്‍, ജല ലഭ്യത, ജല മലിനീകരണം തുടങ്ങിയവയെ കുറിച്ച് ചര്‍ച്ച ചെയ്യും.

ദേശീയ പാതാ വികസനം കൂടുതല്‍ അനുയോജ്യമായ രീതിയില്‍ നടത്തുന്നതിന് എം.എല്‍.എ.മാരും തദ്ദേശ സ്ഥാപന പ്രതിനിധികളും ബദല്‍ നിര്‍ദ്ദേശങ്ങള്‍ സമര്‍പ്പിച്ചു. ചില പഞ്ചായത്തുകളില്‍ മാത്രം പാതയ്ക്ക് ചെറിയമാറ്റം വരുത്തി കൊണ്‍ുള്ള നിര്‍ദ്ദേശങ്ങളാണ് ജന പ്രതിനിധികള്‍ സ്‌കെച്ച് സഹിതം ജില്ലാ കലക്ടര്‍ മുമ്പാകെ അവതരിപ്പിച്ചത്. പുതിയ നിര്‍ദ്ദേശങ്ങള്‍ ജനങ്ങളുടെ ബുദ്ധിമുട്ട് കുറക്കുമെന്ന് ജന പ്രതിനിധികള്‍ അവകാശപ്പെട്ടു.