തയ്യല്‍ അധ്യാപക തസ്തികയ്ക്കുള്ള യോഗ്യതയായി കേരളത്തിലെ വിവിധ യൂണിവേഴ്‌സിറ്റികള്‍ നടത്തുന്ന ഫാഷന്‍ ടെക്‌നോളജി, കോസ്റ്റിയൂം ഡിസൈനിംഗ് ബിരുദ കോഴ്‌സുകള്‍ കൂടി നിശ്ചയിച്ച് പൊതുവിദ്യാഭ്യാസ വകുപ്പ് ഉത്തരവായി.
    എം.ജി യൂണിവേഴ്‌സിറ്റിയുടെ ബാച്ചിലര്‍ ഓഫ് ഫാഷന്‍ ടെക്‌നോളജി (ബി.എഫ്.ടി), കണ്ണൂര്‍ യൂണിവേഴ്‌സിറ്റിയുടെ ബി.എസ്‌സി എഫ്.എ.ഡി.റ്റി (ഫാഷന്‍ ആന്റ് അപ്പാരല്‍ ഡിസൈനിംഗ് ടെക്‌നോളജി), കാലിക്കറ്റ് യൂണിവേഴ്‌സിറ്റിയുടെ ബി.എസ്‌സി കോസ്റ്റിയൂം ആന്റ് ഫാഷന്‍ ഡിസൈനിംഗ് എന്നീ കോഴ്‌സുകളാണ് നിയമനത്തിനുള്ള യോഗ്യത.

    ഭരണരംഗത്ത് ഭാഷാമാറ്റ പുരോഗതി ഉറപ്പാക്കാന്‍ ജീവനക്കാര്‍ക്ക് ഐഎംജി മുഖേന ഭരണഭാഷാ പരിശീലനം ഉറപ്പാക്കുമെന്ന് ചീഫ് സെക്രട്ടറി പോള്‍ ആന്റണി അറിയിച്ചു. വിവിധ വകുപ്പുകളിലെ ഭാഷാമാറ്റ പുരോഗതി അവലോകനം ചെയ്യുന്നതിന് സെക്രട്ടേറിയറ്റ് ദര്‍ബാര്‍ഹാളില്‍ വിളിച്ചുചേര്‍ത്ത സംസ്ഥാനതല യോഗത്തില്‍ സംസാരിക്കുകയായിരുന്നു അദ്ദേഹം.

വട്ടപ്പാറ വളവിലെ റോഡപകടങ്ങള്‍ ഒഴിവാക്കുന്നതിന് നേരത്തെ ഉണ്ടായിരുന്ന പൊലീസ് എയ്ഡ് പോസ്റ്റ് പുനസ്ഥാപിക്കാന്‍ നടപടിയെടുക്കുമെന്ന് ജില്ലാ കളക്ടര്‍ അമിത് മീണ പറഞ്ഞു. റോഡരികിലെ മുഴുവന്‍ പരസ്യബോര്‍ഡുകളും നീക്കം ചെയ്യാനും മുന്നറിയിപ്പ് ബോര്‍ഡ് സ്ഥാപിക്കാനും റോഡ് സേഫ്റ്റി യോഗത്തില്‍ കലക്ടര്‍ നിര്‍ദേശം നല്‍കി. വട്ടപ്പാറയില്‍ പരസ്യബോര്‍ഡുകള്‍ നീക്കം ചെയ്യാനും പുതിയത് സ്ഥാപിക്കുന്നത് തടയാനും തഹസില്‍ദാറുടെ നേതൃത്വത്തില്‍ പ്രത്യേക സ്‌ക്വാഡ് രൂപീകരിക്കും. ലഹരി ഉപയോഗിച്ച് വാഹനമോടിക്കുന്നവരെ നിയന്ത്രിക്കാന്‍  പരിശോധന ശക്തമാക്കും.

സംസ്ഥാന ആരോഗ്യവകുപ്പിന്റെ ഇ-ഹെല്‍ത്ത് പദ്ധതി ജില്ലയില്‍ നടപ്പിലാക്കുന്നതിനുള്ള നടപടികള്‍ തുടങ്ങി. ആധാര്‍ കാര്‍ഡുമായി ബന്ധിപ്പിച്ചുകൊണ്ട്  ഇ ഹെല്‍ത്ത് പദ്ധതി പൂര്‍ത്തീകരിക്കപ്പെടുമ്പോള്‍ സര്‍ക്കാര്‍ ആശുപത്രികളിലെ സേവനങ്ങള്‍ രോഗികള്‍ക്ക് എളുപ്പത്തില്‍ ലഭ്യമാകും. വീട്ടിലിരുന്ന് തന്നെ സര്‍ക്കാര്‍ ആശുപത്രിയിലെ സേവനങ്ങളെക്കുറിച്ചറിയാനും ഒപി ടിക്കറ്റ് ബുക്ക് ചെയ്യാനും  സാധിക്കുന്ന വിധത്തിലാണ് പദ്ധതി തയ്യാറാക്കുന്നത്.

കുറ്റിപ്പുറം ദേശീയപാതയില്‍ ചന്തപ്പടിക്കടുത്ത് റോഡ് പണി നടക്കുന്നതിനാല്‍ ചന്തപ്പടിയിലേക്കുള്ള വാഹനങ്ങള്‍ ടി.ബി. റോഡ് - കൊല്ലംപ്പടി - ബസ്റ്റാന്റ്  വഴി പോകണമെന്ന് മലപ്പുറം ദേശീയ പാത വിഭാഗം എക്‌സിക്യൂട്ടീവ് എഞ്ചിനീയര്‍ അറിയിച്ചു.

ജില്ലാ പദ്ധതി  അന്തിമമാക്കി പ്രസിദ്ധീകരിക്കുന്നതുമായി ബന്ധപ്പെട്ട്  ഉപസമിതി കണ്‍വീനര്‍മാരുടെ യോഗം ഏപ്രില്‍ 19 ന് വൈകീട്ട് നാലിന് ജില്ലാ പഞ്ചായത്ത് കോണ്‍ഫറന്‍സ് ഹാളില്‍ ചേരും.

       സൈനിക ക്ഷേമ ഓഫീസിന്റെ ആഭിമുഖ്യത്തില്‍ ജില്ലയിലെ  വിമുക്തഭട•ാര്‍ക്കും വിധവകള്‍ക്കും ആശ്രിതര്‍ക്കുമായി ജില്ലയില്‍ നടത്തുന്ന പി എസ് സി കോച്ചിംഗ്, ബാങ്ക് കോച്ചിംഗ്, എസ് എസ് സി കോച്ചിംഗ്, സ്വയം തൊഴില്‍ പരിശീലനം, സിവില്‍ സര്‍വ്വീസ് പരിശീലനം എന്നിവയിലേക്ക് അപേക്ഷകള്‍ ക്ഷണിച്ചു. കോഴ്‌സുകള്‍ സൗജന്യമാണ്. ഏപ്രില്‍ 18  നകം അപേക്ഷ സമര്‍പ്പിക്കണം. മുന്‍പ് അപേക്ഷിച്ചവര്‍ വീണ്ടും അപേക്ഷിക്കേണ്ടതില്ല. അപേക്ഷാ ഫോമിനും വിശദവിവരങ്ങള്‍ക്കും  ജില്ലാ സൈനിക ക്ഷേമ ഓഫീസുമായി ബന്ധപ്പെടാം. ഫോണ്‍ : 04832734932.

ജില്ലയിലെ തീരദേശത്ത് വേലിയേറ്റ രേഖയില്‍ നിന്നും 50 മീറ്ററിനുള്ളില്‍ താമസിക്കുന്ന  മത്സ്യത്തൊഴിലാളികള്‍ക്ക്  ഫിഷറീസ് വകുപ്പ് വേലിയേറ്റ രേഖയില്‍ നിന്നും 200 മീറ്ററിന് പുറത്ത്  ഭൂമിയും വീടും നല്‍കുന്ന  പദ്ധതിയിലേയ്ക്ക്  ജില്ലയിലെ  50 മീറ്ററിനുള്ളില്‍ താമസിക്കുന്നവരുടെ  ഫിഷറീസ് വകുപ്പ് നടത്തിയ സര്‍വ്വേയില്‍ ഉള്‍പ്പെട്ട  മത്സ്യത്തൊഴിലാളികളില്‍ നിന്നും ഏപ്രില്‍ 15 മുതല്‍  മെയ് 15 വരെ  അപേക്ഷ ക്ഷണിച്ചു. അപേക്ഷാ ഫോം അതത് മത്സ്യ ഭവനുകളില്‍ വിതരണം  ചെയ്യും. അപേക്ഷകള്‍ മെയ് 15നു  വൈകിട്ട്  അഞ്ച് വരെ   മത്സ്യ ഭവന്‍ ഓഫീസുകളില്‍ സ്വീകരിക്കും.

സംസ്ഥാന സര്‍ക്കാറിന്റെ ഉന്നത - പൊതു വിദ്യാഭ്യാസ വകുപ്പുകളുടെ സംയുക്ത സംരംഭമായ അസാപ്പിന്റെ ജില്ലയിലെ വിവിധ കേന്ദ്രങ്ങളില്‍ പ്രോഗ്രാം എക്‌സിക്യുട്ടീവ് തസ്തികയിലേക്ക് എം. ബി. എ. യോഗ്യതയുള്ളവരില്‍ നിന്നും അപേക്ഷ ക്ഷണിച്ചു. ഒഴിവുകളുടെ എണ്ണം 13, ശമ്പളം 10,000 രൂപ.  താല്‍പര്യമുള്ളവര്‍ കൂടിക്കാഴ്ചയ്ക്കായി സട്ടിഫിക്കറ്റുകള്‍ സഹിതം ഏപ്രില്‍ 18ന് രാവിലെ 10.30 ന്  ഗവണ്‍മെന്റ് കോളേജ് മലപ്പുറം അസാപ്പ് ഓഫീസില്‍ എത്തണം.  9495999663, 9495999748.

ജില്ലാ പ്രൊബേഷന്‍ ഓഫീസിലെ ആവശ്യങ്ങള്‍ക്ക് 2018-19 സാമ്പത്തിക വര്‍ഷം വാഹനം വാടകയ്ക്ക് നല്‍കുന്നതിന് ടെണ്ടര്‍ ക്ഷണിച്ചു.  താല്‍പര്യമുള്ള ടാക്‌സി പെര്‍മിറ്റുള്ള എ.സി വാഹന ഉടമകള്‍ ഏപ്രില്‍ 30ന് ഉച്ചക്ക് രണ്ടിനകം ജില്ലാ പ്രൊബേഷന്‍ ഓഫീസര്‍, ജില്ലാ പ്രൊബേഷന്‍ ഓഫീസറുടെ കാര്യാലയം, കോര്‍ട്ട് കോപ്ലക്‌സ്, മഞ്ചേരി വിലാസത്തില്‍ ലഭിക്കണം.  ഫോണ്‍ 0483 2970066.
ജില്ലാ ഭക്ഷ്യ സുരക്ഷാ അസിസ്റ്റന്റ് കമ്മീഷണറുടെ ഓഫീസിലേക്ക് കോണ്‍ട്രാക്ട് വ്യവസ്ഥയില്‍ വാഹനം ലഭ്യമാക്കുന്നതിന് ടെണ്ടര്‍ ക്ഷണിച്ചു.  വിശദ വിവരങ്ങള്‍ക്ക് ഓഫീസുമായി ബന്ധപ്പെടാം.  ഫോണ്‍ 0483 2732121.