കാസര്‍കോട് ജനമൈത്രി പോലീസിന്റെയും മാലിക് ദിനാര്‍ കോളേജ് ഓഫ് നഴ്‌സിങ്ങ് മാലിക് ദിനാര്‍ കോളേജ് ഓഫ് ഫാര്‍മസി  എന്‍എസ്എസ് യൂണിറ്റുകളുടേയും ആഭിമുഖ്യത്തില്‍കാസര്‍കോട് പുതിയ ബസ്സ് സ്റ്റാന്റ് പരിസരത്തു  റോഡ് സുരക്ഷാ വാരാചരണം സംഘടിപ്പിച്ചു  മാലിക് ദീനാര്‍ കോളേജ് ഓഫ് നഴ്‌സിങ്ങ് ചെയര്‍മാന്‍  കെ എസ് അന്‍വര്‍ സാദത്തിന്റെ  അദ്ധ്യക്ഷതയില്‍ ആര്‍ടിഒ ബാബു ജോണ്‍ പരിപാടി ഉദ്ഘാടനം ചെയ്തു.

    തീരദേശ വികസന ഫണ്ടില്‍ നിന്ന്  അനുവദിച്ച ഒരു കോടി 80 ലക്ഷം രൂപ ചെലവില്‍ പള്ളിക്കര പി.എച്ച്.സിക്ക് വേണ്ടി പുതുതായി നിര്‍മ്മിക്കുന്ന  കെട്ടിടത്തിന്റെ നിര്‍മ്മാണ പ്രവൃത്തി ആരംഭിച്ചു. പ്രസ്തുത സ്ഥലം സന്ദര്‍ശിച്ച്  കെട്ടിടത്തിനായി തയ്യാറാക്കിയ പ്ലാന്‍ കെ.കുഞ്ഞിരാമന്‍.എം.എല്‍.എ. പഞ്ചായത്ത് സെക്രട്ടറിക്ക് കൈമാറി.  പരിപാടിയില്‍ പഞ്ചായത്ത് പ്രസിഡന്റ്, മെമ്പര്‍മാര്‍, ബന്ധപ്പെട്ട ഉദ്യോഗസ്ഥര്‍, നാട്ടുകാര്‍ എന്നിവര്‍ പങ്കെടുത്തു.

       ബേഡഡുക്ക ഗ്രാമപഞ്ചായത്തിലെ  കുടിവെള്ളക്ഷാമം  നേരിടുന്ന പ്രദേശങ്ങളില്‍ കുടിവെള്ളം വിതരണം ചെയ്യുന്നതിനായി വാഹന ഉടമകളില്‍ നിന്നും  ക്വട്ടേഷന്‍ ക്ഷണിച്ചു .കുടിവെള്ളം വിതരണം ചെയ്യുന്ന  വാഹനത്തിന്  വാഹന ഉടമകള്‍  സ്വന്തം ചെലവില്‍ ജി.പി.എസ് ഘടിപ്പിക്കണം.  കരാറുകാരന്‍ സ്വന്തം ഉത്തരവാദിത്വത്തില്‍ വിതരണം ചെയ്യുന്ന ജലസ്രോതസ്സിലെ വെള്ളം ലാബില്‍ പരിശോധന നടത്തി ഗുണ നിലവാരം ഉറപ്പുവരുത്തണം. ക്വട്ടേഷന്‍  മെയ് ഏഴിന് മൂന്നു മണി വരെ സ്വീകരിക്കും. കൂടുതല്‍ വിവരങ്ങള്‍ പഞ്ചായത്ത് ഓഫിസുമായി ബന്ധപ്പെടുക.

 
കേരള നദീതീര സംരക്ഷണവും മണല്‍വാരല്‍ നിയന്ത്രണവും നിയമം പ്രകാരം പിടിച്ചെടുത്ത് കുമ്പള പോലീസ് സ്റ്റേഷന്‍ കോമ്പൗണ്ടില്‍ സൂക്ഷിച്ചിട്ടുളള   വാഹനങ്ങള്‍ മെയ് 18 ന് രാവിലെ 11 ന് മഞ്ചേശ്വരം താലൂക്ക് ഓഫീസില്‍ ലേലം ചെയ്യും.  കെഎല്‍ 18 ജി-6257, കെഎല്‍-14 എഫ്-1388 എംജിവിടിപ്പര്‍ എന്നിവയാണ് ലേലം ചെയ്യുന്ന വാഹനങ്ങള്‍ ലേലത്തില്‍ പങ്കെടുക്കാനാഗ്രഹിക്കുന്നവരില്‍ നിന്നും  ദര്‍ഘാസുകള്‍ 17 ന് വൈകുന്നേരം  അഞ്ച് മണി വരെ മഞ്ചേശ്വരം താലൂക്കാഫീസില്‍  സ്വീകരിക്കും.  കൂടുതല്‍ വിവരങ്ങള്‍ക്ക് 04998 244044.
 

മഞ്ചേശ്വരം ഗ്രാമപഞ്ചായത്തില്‍ കുടിവെള്ളക്ഷാമം നേരിടുന്ന വാര്‍ഡുകളില്‍ പഞ്ചായത്ത് നിര്‍ദ്ദേശാനുസരണം കുടിവെള്ളം വിതരണം ചെയ്യുന്നതിന് ക്വട്ടേഷന്‍ ക്ഷണിച്ചു. നിലവിലുള്ള വാട്ടര്‍ കിയോസ്‌കുകളില്‍ വെള്ളം നിറക്കുന്നതിനാണ് മുന്‍ഗണന നല്‍കേണ്ടത്. അതിനുശേഷമേ കുടിവെള്ളക്ഷാമം ഉള്ള പ്രദേശങ്ങളില്‍ വെള്ളമെത്തിക്കാനുള്ള നടപടി സ്വീകരിക്കണം. ക്വട്ടേഷനുകള്‍ മെയ് അഞ്ചിന് മൂന്ന് മണിക്കകം ഓഫീസില്‍ ലഭിക്കണം.  വാഹനങ്ങളില്‍ ജി പി എസ് സംവിധാനം ഉണ്ടായിരിക്കണം. കൂടുതല്‍ വിവരങ്ങള്‍ക്ക് 04998 272238.
                   

കോടോം-ബേളൂര്‍ ഗ്രാമപഞ്ചായത്തിലെ കുടിവെളളക്ഷാമം നേരിടുന്ന പ്രദേശങ്ങളില്‍ കുടിവെളളം വിതരണം ചെയ്യുന്നതിനായി വാഹന ഉടമകളില്‍  നിന്നും ക്വട്ടേഷന്‍ ക്ഷണിച്ചു.  ക്വട്ടേഷനുകള്‍ മെയ് നാലിന്  രാവിലെ 11 വരെ സ്വീകരിക്കും. കൂടുതല്‍ വിവരങ്ങള്‍ക്ക് 04672 246350.
 

കാസര്‍കോട് ജില്ലാ സ്‌പോര്‍ട്‌സ് കൗണ്‍സിലിന്റെയും ജില്ലാ ലേബര്‍ ഡിപ്പാര്‍ട്ട്‌മെന്റിന്റെയും സംയുക്താഭിമുഖ്യത്തില്‍ മെയ്ദിന കായികമേള മെയ് ഒന്നിന് രാവിലെ  10 ന് കാസര്‍കോട് ഗവ. കോളേജ്  ഗ്രൗണ്ടില്‍  നടക്കും. ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ്  എന്‍എ സുലൈമാന്‍ കായികമേള ഉദ്ഘാടനം ചെയ്യും.  ജില്ലാ ലേബര്‍ ഓഫീസര്‍ കെ മാധവന്‍ സമ്മാനദാനം നിര്‍വ്വഹിക്കും. 100,200 മീറ്റര്‍ ഓട്ടം, ഷോട്ട്പുട്ട്, കമ്പവലി എന്നീ ഇനങ്ങളില്‍ മത്സരങ്ങളുണ്ടായിരിക്കും. പങ്കെടുക്കുന്നവര്‍ അംഗീകൃത തൊഴിലാളികളാണെന്ന തിരിച്ചറിയല്‍ കാര്‍ഡ് കൊണ്ടുവരണം.